Description
-
Tabellionage ducal de Bruyères - cour de Thiébaut (2)
-
Mathieu de Lorraine, fils de Thiébaut (2), duc de Lorraine et marquis
-
Odet de Charmes, écuyer, fils de feu Ferry de Charmes
-
-
FRANCE, Nancy, Archives départementales de Meurthe-et-Moselle, B 600 n° 17
-
Original sur parchemin, jadis scellé sur double queue
-
français
-
non suspecté
-
Lettre
-
Odet de Charmes vend à Mathieu de Lorraine, fils du duc Thiébaut (2), tout ce qu’il a à Charmes, c’est-à-dire 18 livrées de terre à toulois sur les tailles, les rentes et les fiefs qu’on tient de lui en la châtellenie de Charmes, le tout moyennant 200 livres de toulois. Pour cette même somme, Odet pourra pendant deux ans racheter ces biens et, en ce cas, Mathieu retiendra pour lui le fief qu’il lui plaira.
-
01. Saichent tout cil que ces presentes letres voiront et oiront que en la court de Bruieres establis en proppre persone Audes
02. de Charmes escuiers, filz Ferri de Charmes qui fut, ait recognui en droit et conffessei qu’il de sa volenté et pour son gran
03. besoing apparant ait vendui et aquitei, vent et aquite, pour tousjours en heritaige a Maheu de Lorreingne pour lui et pour ces hoirs
04. fil a tres noble prince monseignour Thiebaut, duc et marchi de Lorreingne, quant qu’il ait, puet et doit avoir a Charmes sens riens
05. a retenir, c’est assavoir : dix ouct livrees de terre a Toulloix que il ait chacun an a Charmes en rentes et en tailles de Charmes
06. a dous termines a Pasques la moitié et a la Sain Remei on chief d’octembre l’autre moitié. Et li vent encor et ait vendui li
07. dis Audes les fief com tient de lui a Charmes et en la chastellerie de Charmes, c’est assavoir : le fié les hoirs mon sire Harri de
08. Charmes chevalier qui fut, le fié Jehan le Rossellet de Dameliviere et de ces freres, le fié Regnier de Dameliviere, le fié Othenin de
09. Flamerant, le fié Merguerite la suer Ferrion de Flavencourt, le fié Thomescin de Charmes, le fié les anfans dame Valance, le fié
10. Joffroi de Mereville, le fié la feme le Vaudoix per et la somme de deus cens livres de toullois vallissant tournois peris dex septeins
11. dont li dis Eudes se tient pour bien paiés en bone monoie bien nombree et bien contee et convertie en son profit. Et est assavoir que li dis
12. Audes puet racheter pour lui, ou pour ces hoirs, de son proppre cors de sa feme esposee les dites deix ouct livrees de terre et les fiés
13. dedans dous ans maintenant commensant et continuelment ensivans de la somme d’argent des dous cens livres par ensi que s’il rache-
14. -toit la dite terre et les dis fiés Maheus averoit pour lui et pour ces hoirs pour tousjours en heritaige l’un des fiés le-
15. -quel qu’il li plairoit a panre et les dites dous annees passees li dis Audes ne sui hoir ne pueent ne ne doient jamaix riens
16. reclamer, demander ne racheter la dite terre ne les dis fiés aus demoroient a Maheu ou a ces hoirs quitement et en paix,
17. et de toutes ces choses desus dites doit li dis Audes pourté bone warentie et leaul a Maheu ou a ces hoirs envers tous ceaulz
18. qui a droit et a jour vouroient venir fors que envers mon seignour le duc de Lorhiereingne. Et se li dit Audes deffalloit
19. de pourter warentie a dit Maheu et a ces hoirs il en ait obligié et oblige en la main dou dit Maheu ou de ces hoirs tout quant
20. qu’il ait, puet et doit avoir en la duchié de Lorreingne soit en heritaige, soit en fié et especialment quant qu’il ait, puet et
21. doit avoir on ban de Haroy en ceu qu’il tient de monseignour le duc de Lorreingne soit en homes, soit en femes, en taille,
22. en rentes, en geste, en venarie et en toutes autres choses sens riens a retenir pour panre, pour despandre, pour joir
23. et pour esploitier jusques a ceu qui averoit pourté bone warentie a dit Maheu ou a ses hoirs et se li dis Maheus ou sui
24. hoir i avoient cous et damaiges en la defallaria de la dite warentie a dit Maheu ou a ces hoirs et se li dis Maheus ou sui
25. quelz cous et damaiges il seroient creu par lour simple sarment sens autre prueve. Et ait renoncié et renonce
26. li dis Audes a tous drois escris et non escris, a tous privileiges empetrés et a empetrer et a tout quant que li porroit ai-
27. -dier et a dit Maheu ou a ces hoirs grever et especialment a droit disant general renonciation niant valoir. En
28. tesmoingnaige de veritei sont ces letres saelees dou seel monseignour le duc de sa court de Bruieres, sauf le droit
29. monseignour le duc et l’autrui que furent faites l’an de graice mil trois cens et dix ans, le vanredi aprés la nativité
30. nostre dame, on moix de septembre. -
Le duc Thiébaut (2), par le biais de sa cour de Bruieres, est sigillant de l’acte.
-
« Lettres que Oudas de Charmes ait vendu a / Maheu de Loherenne tout ceu qu’il avoit a Charmes », XIVe s. « n° 17. Charmes », XVIIe s.
-
A.-M. MARIONNET, Catalogue des actes de Thiébaut II, duc de Lorraine (1303-1312), diplôme d'études supérieures de l'Université Nancy II, Nancy, [1947], n° 182
-
Laura Gili-Thébaudeau
Sigillography
-
oui
-
sceau sur double queue, perdu
Informations
Document
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 241 (transscript-147), http://telma.irht.cnrs.fr/chartes/en/transscript/notice/241 (mise à jour : 19/11/2018).