Description
-
Boniface VIII (1294-1303)
-
à renseigner
-
idus maii, pontificatus nostri anno sexto
-
-
Anagni
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 22, núm. 7. a Butlla amb fil de cànem.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 604.
-
b FINKE, Acta Aragonensia, I, p. 82-83, doc. 58 (en part). c Domínguez Sánchez, Documentos de Bonifacio VIII, p. 741-742, doc. 729. d MIQUEL ROSELL, Regesta, p. 163-164, doc. 307. e Schedario Baumgarten, II, p. 653, doc. 4685.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII prega al rei Jaume II d’Aragó la seva complaença per les seves bones disposicions, segons li comunica Guillem de Curia de l’orde dels framenors, legat seu, d’intervenir prop dels seus súbdits per dissuadir-los de donar ajut a Frederic II de Trinàcria, i l’exhorta a preservar-les. [Schmidt et Sabanés i Fernandez].
-
Bonifatius VIII episcopus servus servorum Dei, carissimo in Christo filio Iacobo regi Aragonie illustri salutem et apostolicam benedictionem.
Dilectum filium fratrem Guilelmum de Curia ordinis fratrum Minorum nuntium tuum et litteras quas ipse nobis ex parte regia detulit benigne recepimus, et tam que idem nuntius nobis exponere voluit quam que in eisdem continebantur litteris audivimus et inspeximus diligenter. Profecto gaudemus et magnitudinem tuam multipliciter commendamus in domino quod tu sicut ex eorundem nuntii et litterarum grata reseratione percepimus, in divina et apostolice Sedis ac nostra devotione persistens et erga carissimum in Christo filium nostrum C(arolum) Sicilie regem illustrem socerum tuum dilectione pura et solida perseverans et eidem sedi ac nobis et dicto regi grata exequi plene desiderans, gentem et homines tue dictioni subiectos a Frederici fratris tui et Siculorum, nostrorum et ecclesie Romene ac predicti regis rebellium et hostium favore auxilio et obsequiis celeriter et favorabiliter revocare ac alios tibi subiectos, quod eisdem Frederico et Siculis contra nos et eandem ecclesiam dictumque regem non adhereant nec auxilium consilium vel favorem prestent, efficaciter cohercere proponis. Hec enim in te fili carissime incrementa salutis augebunt. Hec multa laude magnificabunt in gentibus nomen tuum et per hec regale solium apud deum et eandem ecclesiam matrem tuam prosperabitur felicibus incrementis. Quare celsitudinem regiam rogamus et hortamur attente in filio dei patris tibi fiducialiter suadendo, quatinus ad divina et prefate Sedis ac nostra beneplacita et obsequia prosequenda et ad eiusdem regis honores et profectus favorabiliter promovendos ferventer intendens et efficaciter te exponens circa huiusmodi subditorum tuorum retractationem et cohartationem ab auxilio favore ac obsequiis Frederici et Siculorum rebellium predictorum taliter manum regiam et partes regie auctoritatis adhibeas et oportuna remedia sic apponas, quod per hoc plene liqueat quantum eiusdem ecclesie ac nostre prefatique regis inquietationes et iniurie tuis moleste votis accedant, quantum in nostris et eorum successibus prosperis delecteris, quidve retributionis et premii apud nos et eos desideras promereri et preter divine recompensationis gratiam tibi exinde proventuram nos et ecclesia memorata et prefatus rex fructus speratos et utiles collegisse, in tua sinceritate gaudentes que tibi grata tuisque felicia culminibus esse debeant, prosequi merito valeamus.
Datum Anagnie, idus maii, pontificatus nostri anno sexto. -
n. c.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193060 (aposcripta-40790), http://telma.irht.cnrs.fr/chartes/en/aposcripta/notice/193060 (mise à jour : 01/07/2024).