Description
-
Grégoire XI (1370-1378)
-
L'abbé de Saint-Sauveur de Redon Mathieu
-
V idus aprilis, anno primo
-
-
Avignon
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 173, fol. 165.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 25-1, 1909, p. 152-172, aux p. 168-170 [en ligne].
-
Les moines de Redon ayant procédé à l'élection de Mathieu Le Bart, prieur de Josselin, malgré la réserve apostolique, Grégoire XI casse cette élection et nomme Mathieu abbé.
-
Dilecto filio Matheo, abbati monasterii sancti Salvatoris de Rothono, ad Romanam Ecclesiam nullo medio pertinentis, ordinis sancti Benedicti, Venetensis diocesis, salutem, etc.
Suscepti cura regiminis...
Nuper siquidem quondam Johanne, abbate monasterii sancti Salvatoris de Rothono, ad eamdem Romanam Ecclesiam nullo medio pertinentis ; ordinis sancti Benedicti, Venetensis diocesis, regimini ipsius monasterii presidente, nos, cupientes eidem monasterio, cum vacaret, per apostolice sedis providentiam utilem et ydoneam preesse personam, provisionem, ipsius monasterii ordinationi et dispositioni nostre duximus ea vice specialiter reservandam, decernentes extunc irritum et inane si secus super hiis per quoscumque, quavis auctoritate, scienter vel ignoranter, contingeret attemptari ; postmodum vero dicto monasterio per obitum ejusdem Johannis abbatis, qui extra Romanam euriam diem clausit, extremum, abbatis regimine destituto, dilecti filii conventus dicti monasterii hujusmodi, reservationis et decreti forsan ignari, te priorem prioratus sancte Crucis de Castrojocelini, ordinis et diocesis predictorum, in sacerdotio constitutum, in eorum et dicti monasterii abbatem, licet de facto concorditer elegerunt, tuque, reservationis et decreti predictorum similiter inscius, electioni hujusmodi de te facte illius tibi presentato decreto consensisti etiam de facto, et deinde hujusmodi reservatione et decreto ad tuam deductis notitiam, hujusmodi electionis negotium proponi fecisti in concistorio coram nobis, nos igitur electionem ipsam utpote post et contra reservationem et decretum hujusmodi de facto ut premittitur attemptatam et alia inde secuta, prout erant, inania et irrita reputantes, ac ad provisionem ipsius monasterii celerem et felicem, de qua nullus preter nos, hac vice, se intromittere potuit neque potest, reservatione et decreto obsistentibus supradictis, ne dictum monasterium longe vacationis exponeretur incommodis, paternis et solicitis studiis intendentes, post deliberationem quam de preficiendo eidem monasterio personam utilem et etiam fructuosam cum fratribus nostris habuimus diligentem, demum ad te, cui de religionis zelo, litterarum scientia, vite munditia et aliis multiplicium virtutum tuarum meritis apud nos fidedigna testimonia perhibentur, convertimus oculos nostre mentis quibus omnibus ac etiam concordi dictorum conventus te eligentium voluntate, attenta meditatione, pensatis de persona tua eidem monasterio de dictorum fratrum consilio, auctoritate apostolica, providemus, teque illi preficimus in abbatem, curam et administrationem ipsius monasterii tibi in spiritualibus et temporalibus plenarie committendo, in Illo qui dat gratias et largitur premia confidentes quod, dextera Domini tibi assistente, propitia prefatum monasterium per tue circumspectionis industriam prospere dirigetur et salubria, dante Domino, suscipiet incrementa.
Quocirca discretioni tue per apostolica scripta mandamus quatinus impositum tibi a Domino onus regiminis dicti monasterii devote suscipiens, curam et administrationem predictas sic prudenter geras et solicite prosequaris quod prefatum monasterium studioso administratori gaudeat se commissum, tuque proinde premium eterne retributionis acquiras, et nostram et apostolice Sedis benedictionem et gratiam uberius consequi merearis.
Datum Avinione, V idus aprilis, anno primo.
In eodem modo dilectis filiis conventui monasterii sancti Salvatoris de Rhotono, ad Romanam Ecclesiam nullo medio pertinentis, ordinis sancti Benedictin Venetensis diocesis, salutem etc.
Suscepti cura etc. usque incrementa.
Quocirca discretioni vestre per apostolica scripta mandamus quatinus, eumdem Matheum abbatem tamquam patrem et pastorem animarum vestrarum devote suscipientes, et honorifice tractantes, ac exhibentes ei obedientiam et reverentiam debitam et devotam, ejus salubria et mandata suscipiatis, ilariter et efficaciter adimplere curetis; alioquin sententiam, quam idem abbas rite tulerit in rebelles, ratam habebimus et faciemus, auctore domino, usque ad satisfactionem condignam inviolabiliter observari.
Datum ut supra.
In eodem modo dilectis filiis universis vassallis monasterii s. Salvatoris de Rothono, ad Romanam Ecclesiam nullo medio pertinentis, ordinis sancti Benedicti, Venetensis diocesis, salutem etc.
Suscepti cura etc., usque incrementa.
Quocirca discretioni vestre per apostolica scripta mandamus quatinus, eumdem Matheum abbatem debita honorificentia prosequentes, ei fidelitatem solitam, necnon consueta servitia et jura sibi a vobis debita exhibere integre studeatis ; alioquin sententiam sive penam, quam idem Matheus abbas rite tulerit seu statuerit in rebelles, ratam habebimus et faciemus, auctore Domino, usque ad satisfactionem condignam inviolabiliter observari.
Datum ut supra.
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27372 (aposcripta-4079), http://telma.irht.cnrs.fr/chartes/en/aposcripta/notice/27372 (mise à jour : 01/07/2024).