Description
-
Clément V (1305-1314)
-
L'archevêque de Brême, Johannes, et le chanoine de Lodi maître Francesco de Moliano, chapelain du pape
-
V idus maii, anno sexto
-
-
Avignon
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Vaticana 58, ep. 40, fol. 282a.
-
Regestum Clementis, n. 7508.
-
?
-
n. c.
-
Procedant in negotio ecclesiae Rigensis [Regestum].
-
Venerabili fratri Iohanni archiepiscopo Bremen. et dilecto filio magistro Francisco de Moliano canonico Laudunen. capellano nostro.
Dudum ex clamore valido et multorum insinuatione famosa ad audientiam nostram deducto, quod preceptores et fratres hospitalis sancte Marie Theotonicorum in Rigen., Livonie et Pruscie provinciis constituti non insurgebant pro Christi nomine adversus hostes fidei dictarum provinciarum fidelibus contiguitate vicinos, sed in eorum hostium favorem dimicabant potius contra Christum ad id precipue intendentes, ut ecclesiis omnibus earumque facultatibus aliisque bonis fidelium dictarum partium eorum usibus applicatis in rerum amplitudine transferentur dimissaque Christi militia, immo contra Christi fedeles [sic] armis nequitie bellum miserabile conserentes nonnullos archiepiscopos, qui fuerant pro tempore, aliosque prelatos et personas ecclesiasticas in dignitatibus constitutas illarum partium non absque iniectione manuum in ipsos Dei timore postposito temere violenta detestabili et sacrilego ausu capere, diris mancipare carceribus et alias eis graves afflictiones inferre presumpserunt corporales ac de quatuordecim ecclesiis suffraganeis, quas Rigen. ecclesia metropolis partium earundem habere consueverat, septem dicebantur totaliter delevisse, septem aliis in tali statu dimissis, ut plus esset dedecori et pudori decentie pastoralis, quam si penitus non adessent, quodque plura alia detestabilia, enormia et horrenda scelera et sacrilegia adversus ecclesias, loca et personas ecclesiasticas seculares et regulares aliosque Christi fideles illarum partium redundantia in evidens fidei orthodosse dispendium magnumque favorem hostium eiusdem fidei et cunctorum illarum partium paganorum detestabili et execrabili ausu dampnabiliter perpetrabant.
Nos premissa tam gravia et horrenda, utpote perniciosa et fidei nostre contraria, immo cunctorum Christi fidelium cordibus inimica sub dissimulatione transire salva conscientia nequeuntes, considerantes etiam, quod in talibus debite correctionis differre remedium nihil esset aliud, quam licentiam sceleribus indulgere, tibi frater archiepiscope et dilecto filio magistro Alberto de Mediolano canonico Ravennat. capellano nostro per alias litteras nostras dedimus in mandatis, ut ad partes illas seu ad loca illarum partium, que vobis videri possent pro executione huiusmodi negotii magis apta, vos personaliter conferentes et habentes pre oculis solum Deum contra predictos preceptores et fratres eiusdem hospitalis in dictis provinciis et partibus consistentes super premissis et aliis omnibus et singulis in litteris predictis expressis necnon super articulis, quos sibi sub bulla nostra vobis destinabamus inclusos, ac super aliis criminibus et excessibus, super quibus eos inveniretis publice diffamatos, inquireretis diligentius veritatem eaque diligenter et sollicite inquisita, quecunque inveneritis, in scriptis redacta ac sufficienter instructa nobis sub sigillis vestris curetis fideliter intimare; vobis nichilominus per easdem litteras committentes, ut castrum et monasterium Dunamurden. Cistercien. ordinis Rigen. diocesis ab eisdem preceptoribus et fratribus facientes expeditum et liberum omnino dimitti illud usque ad apostolice sedis beneplacitum prefate sedis nomine teneri ac per personas ydoneas et fideles, quas ad hoc eligendas industria vestra prospiceret, faceretis cum diligentia custodiri, vobis nichilominus invocandi ad premissa omnia et singula exequenda, ubi et quando videretis expediens, tam prelatorum quam etiam principum et aliorum secularium, cuiuscunque conditionis vel status existerent vel quacunque dignitate fulgerent, auxilium et succursum, contradictores quoque et rebelles necnon testes, quos ad hoc per vos contingeret evocari, per excomunicationis, suspensionis et interdicti necnon privationis privilegiorum eis concessorum a sede predicta sententias compescendi tam de duabus dietis in concilio generali quam de aliquo extra suam civitatem et diocesim, nisi in certis exceptis casibus et in illis ultra unam dietam a fine sue diocesis ad iudicium non vocando, et aliis quibuscunque constitutionibus, que nostre possent in hac parte iurisdictioni vel potestati eiusque libero exercitio quomodolibet obviare aut si testes, quos ad hec evocari contingeret, essent Predicatorum vel Minorum aut aliorum ordinum quorumcunque vel si predictis ordinibus a predicta sede indultum existeret, quod predictorum ordinum fratres ad perhibendum testimonium in quibuscunque casibus vel negotiis compelli non possent seu si dictis preceptoribus et fratribus ab eadem sede esset indultum, quod excomunicari, suspendi vel interdici non possent per litteras apostolicas non facientes plenam et expressam ac de verbo ad verbum de indulto huiusmodi mentionem, et quibuslibet aliis indulgentiis, privilegiis et litteris apostolicis quibuscunque in quacunque forma verborum concessis, per que predictis litteris non expressa vel totaliter non inserta premissorum executio posset quomodolibet impediri, nequaquam obstantibus plena vobis concessa per easdem litteras facultate.
Cum autem dictus magister Albertus ex certis causis rationabilibus impeditus premissorum executioni nequeat interesse, te fili Francisce in locum eiusdem magistri Alberti super premissis omnibus et singulis subrogantes mandamus, quatenus in predicto negotio procedatis iuxta predictarum ad te frater archiepiscope et eundem magistrum Albertum directarum nostrarum continentiam litterarum. Quod si non ambo hiis exequendis potueritis interesse, alter vestrum ea nichilominus exequatur.
Datum Avinioni, V idus maii, anno sexto. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
n. c.
Informations
Document
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192931 (aposcripta-40671), http://telma.irht.cnrs.fr/chartes/en/aposcripta/notice/192931 (mise à jour : 19/06/2024).