« Acte de Jeanne I de Bourgogne concernant le comté de Bourgogne »

Description

Abstract

Acte par lequel Philippe V et Jeanne de Bourgogne demandent à Henri VII de Luxembourg, roi des Romains, une réponse relative à leur requête relative au comté de Bourgogne.

__type.texte

Serenissimo principi domino suo carissimo, domino Henrico, Dei gratia regi Romanorum semper augusto. Philippus, domini Francorum regis secundogenitus, comes, ac Johanna, eius uxor, comitissa Burgundie, se regie celsitudini commendatos et suis paratos beneplacitis firmiter obedire, ad vestram regiam magestatem, pro quibusdam supplicationibus et requestis nostro nomine faciendis, eidem ratione comitatus nostri Burgundie memorati, discretum virum magistrum Petrum de Montiaco, clericum, ac nobilem virum Johannem de Monte Cabilonis, militem domini genitoris nostri predicti, et quemlibet ipsorum in solidum, destinamus vestre regali clemencie supplicantes ut supplicationes et requestas nostras dictum nostrum comitatum tangentes per dictos clericum et militem vel eorum alterum exhibitorem, presentium exprimendas eidem ad grandam exauditionis admittere, supplicataque et expressa per eos vel eorum alterum, vice et nomine nostris celeriter et feliciter expedire, de solita regia benignitate dignetur. Et quantum ad supplicationes et requestas quascunque licitas et honestas, serenitati vestre nostro nomine faciendas ratione nostri comitatus predicti, memoratis clerico et militi, et cuibus eorum insolidum plenariam potestatem et speciale mandatum, concedimus per presentes. Actum Parisius sub sigillis nostris, quibus ad presens utimur. Tridecima die februaris, anno Domini millesimo trecentesimo octavo.

Type

Document

Author

Lelde Strake (Sorbonne-Université), dans Actes des femmes de pouvoir

Quote this record

label.quote.actes-des-femmes-de-pouvoir

URL

Identifier

Exporter

XML JSON