« Acte de fondation par Marguerite de Provence d'une chapelle dans le couvent des cordelières de Lourcine. »
Document | actes-des-femmes-de-pouvoir/notice/193005
Description
-
Couvent des cordelières de Lourcine
-
Acte de donation
Description de l'acte
Identification du témoin
-
Acte de donation
FranceParisArchives NationalesS//4681, n° 14Original
Sceau
-
oui
Marguerite de ProvenceLe sceau est partiellement effacé, mais nous pouvons apercevoir la robe de la reine et une niche gothique avec deux colonnes où elle se tient debout. -
n.c.
Analyses
-
Fondation par Marguerite de Provence d'un chapelle dans le couvent des Cordelières de Lourcine.
Texte
-
Margareta, Dei gratia Francorum regina. Universis presentes litteris inspecturis salutem. Noveritis quod cum Philippus, quondam rex Francorum, carissimus filius noster, dederit nobis et concesserit in perpetuum ducentas libras parisienses annui et perpetuii redditus ad instituendis capellanias pro nostre arbitrio voluntatis in locis in quibus vellemus, capiendas singulis annis apud Templum vel alibi ubi thesaurus suus vel successorum suorum pro tempore deponetur, et Philippus, Dei gratia rex Francorum, filius suus, nepos noster carissimus, nobis concesserit quod de predicta summa in preposituris Vernonensis, Pissiacensis, Pontisarensis, Corboliensis et Stampensis, vel ubi thesaurus suus deponetur, possimus assignare personis in dictis capellanis instituendis quantum nobis placuerit usque ad quantitatem predictam prout in litteris ipsorum regum hec plenius continentur. Nos ex ipsa concessione, unam capellaniam instituimus in monasterio sororum minorum ordinis sancte Clare prope Parisius, cujus capellanus eidem capellanie deserviens instituendus in posterum per sorores monasterii predicti in eadem capellania, singulis annis de predicta summa pecunie percipiet viginti libras parisienses annui et perpetui redditus in prepositura Corboliense, quas eidem ibidem in perpetuum assignamus, videlicet medietatem in festo Ascensionis Domini et aliam medietatem in festo Omnium Sanctorum solvendas et deliberandas eidem capellano, ut dictum est, per manum prepositi dicti loci vel illius qui redditus levabit prepositure predicte. Volumus enim quod capellanus qui pro tempore fuerit institutus in capellania predicta per dictas sorores, pro remedio recolende memorie domini nostri carissimi Ludovici, et Philippi, filii nostri carissimi, quondam Francorum regum, et aliorum liberorum nostrorum defunctorum, die lune, die mercurii et die veneris de defunctis, et de beata Maria, die martis et die sabbati, et de Spiritu Sancto, die jovis, pro carissimo nepote nostro Philippo, rege Francorum predicto, pro nobis et ceteris liberis nostris vivis dum vixerimus, et post mortem nostram, singulis diebus unam missam de defunctis pro remedio anime nostre, domini nostri regis et aliorum predictorum teneatur celebrare. Volentes quod idem nepos noster carissimus una nobiscum et aliis predictis defunctis post decessum suum in missa participet memorata. Exceptis diebus dominicis, necnon diebus Cene, Paraceves, vigilia Resurrectionis, Domini Ascensionis, die Omnium Sanctorum, Nativitatis Domini, Circoncisionis, Epiphanie, quatuor sollempnitatibus beate Marie, dedicationis monasterii predicti, nativitatis beati Johannis Baptiste, beatorum apostolorum Petri et Pauli, quibus diebus aut festivitatibus poterit idem capellanus officium quod diei aut festivitati competet celebrare. As que predicta complenda, volumus dictum capellanum astringi per juramentum suum in manu predictorum sororum prestandum. Volentes et percipientes quod quicumque pro tempore fuerit prepositus dicti loci vel redditus levabit ibidem, dictas viginti libras parisienses nullo alio super hoc expectato mandato, solvat capellano qui pro tempore deserviet in capellania predicta, de redditibus ipsius prepositure terminis suprascriptis. Quod ut ratum et stabile perseveret, presentibus litteris nostrum fecimus apponi sigillum. Rogantes excellentem principem Philippum, Dei gratia regem Francorum, nepotem nostrum carissimum, ut presenti institutioni nostre suum dignetur prebere assensum et eam confirmare in forma et modo superius nominatis. Actum apud sanctum Marcellum prope Parisius, die sabbati ante festum Purificationis beate Marie Virginis. Anno Domini millesimo ducentesimo nonagesimo quarto.
-
Philippe IV le Bel
Philippe III le Hardi, roi de France
Louis IX, roi de France -
Corbeil
Vernon
Poissy
Pontoise
Etampes
Informations
Document
Lelde
Strake
(Sorbonne-Université), dans
Actes des femmes de pouvoir
label.quote.actes-des-femmes-de-pouvoir