Général
-
Innocent III (1198-1216)
-
L'abbé et les frères de Saint-Nicolas-des-Prés de Ribemont, diocèse de Laon
-
XV kalendas aprilis
-
-
Latran
-
Privilège solennel
-
[Cartulaire] F. FRANCE, Paris, Archives nationales de France, Archives Nationales, LL 1015 (Cartulaire de Saint-Nicolas de Ribemont) fol. 9v-13.
-
Werner Maleczek, d'après F.
-
Bréquigny, II-2, 1107.
-
PL 214, c. 10.
-
Potthast, Regesta Pontificum Romanorum, n. 54 [en ligne].
-
Monasterium s. Nicolai de Pratis Ribodi Montis Laudunensis diocesis protegendum suscipit eiusque possessiones ac bona confirmat [Potthast].
-
Innocentius episcopus, servus servorum Dei, dilectis filiis Matheo abbati monasterii sancti Nicholai de Pratis eiusque fratribus tam presentibus quam futuris regularem vitam professis in perpetuum.
Religiosam vitam eligentibus apostolicum convenit adesse presidium, ne forte cuiuslibet temeritatis incursus aut eos a proposito revocet aut robur, quod absit, sacre religionis, enervet.
Eapropter dilecti in domino filii vestris iustis postulationibus clementer annuimus et monasterium sancti Nicholai de Pratis, in quo divino mancipati estis obsequio, ad exemplar predecessorum nostrorum felicis recordationis Innocentii, Adriani, Alexandri, Urbani et Celestini Romanorum pontificum sub beati Petri et nostra protectione suscipimus et presentis scripti privilegio communimus. Statuentes, ut quascumque possessiones quecumque bona idem monasterium iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis modis prestante domino poterit adipisci, firma vobis vestrisque successoribus et illibata permaneant.
In quibus hec propriis duximus exprimenda vocabulis :
Locum ipsum videlicet ab omni advocatione successorum nobilis viri Anselmi bone memorie ipsius loci fundatoris liberum cum omnibus appenditiis suis in ea libertate, que ab eodem Anselmo devotionis intuitu eidem loco concessa est. Totam villam, que illi adiacet, cum furno et molendino, cum pascuis, silvis, aqua piscatura, pratis Banno et districto et omni iusticia, sub oppido duomolendina, curtem et villam, que diciturLuciacus cum furno et molendino, banno et districto. Ecclesiam sancti Germani de Ribodimonte cum thesauraria et scola adiacenti parrochia sancti Petri cum ceteris pertinentiis suis, altare de Fontanis cum tribus partibus maioris decime eiusdem ville et tota minori decima et omnibus obventionibus et oblationibus eiusdem loci exceptis hiis, que presbitero offeruntur in celebratione sue misse. Altaria de Bohaing, altaria de Restoliis, altaria de Vilers cum omnibus pertinentiis eorum, que bone memorie Simon, quondam Noviomensis episcopus ecclesie vestre dedit et successor eius Balduinus scripto suo postea confirmavit. Terra que dicitur Tasiniacus cum pascuis, silvis, aqua piscatura, pratis, banno et districto, altare de Tenella cum dote sua, villam, que dicitur Montiniacus preter sextam decimam partem communis allodii et dimidiam partem terre Fulcherici, altare eiusdem ville cum tota decima tam minori quam maiori. Apud villam, que dicitur Filleneis, totam decimam tam maiorem quam minorem cum terra de Merallu. Undecim modios frumenti et unum modium pise et tres solidos bone memorie, quos in festivitate sancti Remigii ab ecclesia sancti Foillani processu habetis. In ecclesia de Clarofonte sex modios frumenti et unum sextarium apud villam, que dicitur Diercis. Altare cum duabus partibus maioris decime et totam minorem decimam. In villa, que dicitur Le Heris totam terram cuiusdam militis christiani, terram, que dicitur Ogeri Prati et quartam partem decime eiusdem ville, terram de Miliricis, quam habetis a Rainero de Sanctis apud villam, que dicitur Tursiacus. Altare cum tota decima tam maiori quam minori. Terram Radulfi militis, terram Gilleberti Rasi, terram sacnti Patri de Hunonis Curte. Omne guionagium, quod dedit vobis bone meorie Ingerannur, pater quondam Radulfi de Coceiaco, liberum et quietum. Altare de Chieuresis cum dote sua et quartam partem eiusdem ville cum tota decima tam maiori quam minori eiusdem curtis. In villa que dicitur Regis Curtis terram, quam dedit vobis Guido Cato cum aqua piscatura, pascuis concedente Guidone de Supi, domino suo. Sedem molendini, quam dedit vobis Philippo concedente Bliardo, domino suo, apud villam, que dicitur Audiniacus, sex modios frumenti, quos debet vobis ecclesia sancti Martini Laudunensis annuatim persilvere et in propria vectura ad promptuarium vestrum deferre. In villa, que dicitur Remiis, quindecim solidos bone monete, quos debet vobis ecclesia beate Marie Laudunensis in festivitate omnium sanctorum persolvere annuatim. Villam que dicitur Moncellis, quam dedit vobis Anselmus, quondam dominus Ribodimontis, cum banno, furno et districto, dimidiam partem vivarii. Teram de Bardonroi, cuius medietatem terragii libere receptis, alteram Rainerus de Giusia et ex illa parte Rainerii ecclesie sancti Vincentii Laudunensis tres modios frumenti annuatim persolvatis. In Flandria apud villam que vocatur Lo bercariam, apud Chevermes quinque modios frumenti, quos solvit Radulfus de Hussel, altare de Palpes cum pertinentiis suis, terram, quam dedit vobis Gaulterius miles de Aines, quartam partem terre de Wargiscurte iuxta Ribodimontem. Item in Flandria apud villam, que dicitur Leica, terram de Moro stratis decimam septem locorum apud Fressenaram dimidiam marcam et dimidiam fertonem, apud Wallas undecim solidos, mediam partem ville, que dicitur Puteolis tam in silva quam in terra arabili, quam Albericus Walet et Fredebertus de Sanctis et Gerardus, filius eius, vobis contulerunt.
Sane novalium vestrorum, que propriis manibus aut sumptibus colitis sive de nutrimentis animalium vestrorum nullus a vobis decimas exigere vel extorquere presumat.
Liceat quoque vobis clericos vel laicos liberos et absolutos e seculo fugientes ad conversionem recipere et eos sine contradictione aliqua retinere. Prohibemus insuper, ut nulli fratrum vestrorum post factam in eodem loco professionem fas sit sine abbatis sui licentia nisi arctioris religionis obtentu ab eodem loco discedere. Discedentem vero absque communium litterarum cautione nullus audeat retinere. Cum autem generale interdictum terre fuerit, liceat vobis clausis ianuis, exclusis excommunicatis et interdictis, non pulsatis campanis, submissa voce divina officia celebrare. In parrochialibus autem ecclesiis, quas habetis, liceat vobis proprios sacerdotes eligere, quibus, si ydonei fuerint episcopus dyocesanus, cui a vobis fuerint presentati, curam animarum committat, ut ei de spiritualibus, vobis vero de temporalibus debeant respondere. Auctoritate insuper apostolica districtius inhibemus, ne quis in vos vel ecclesiam vestram excommunicationis, suspensionis et interdicti sententiam sine manifesta et rationabili causa promulgare presumat vel novas et indebitas exactiones vobis vel hominibus vestris imponat. Sepulturam preterea eiusdem loci liberam esse omnino decernimus, ut eorum devotioni et extreme voluntati, qui se illic sepeliri deliberaverint, nisi forte excommunicati vel interdicti sint, nullus obsistat, salva tamen iusticia illarum ecclesiarum, a quibus mortuorum corpora assumuntur, obeunte vero te, nunc eiusdem loci abbate vel tuorum quolibet successroum nullus ibi qualibet surreptionis astutia seu violentia proponatur, nisi quem fratres communi consensu vel maior pars fratrum consilii sanioris secundum Dei timorem et beati Benedicti regulam providerint eligendum. Sub excommunicationis insuper pena districtius inhibemus, ne quis ab electo vestro, qui pro tempore fuerit, pro benedictione ipsius vel pro deducendo seu locando eum in sede sub obtentu alicuius consuetudinis palefridum seu capam fericam seu aliquid aliud cum simoniacam sapiat pravitatem exigere audeat vel extorquere presumat. Ad hec libertates et immunitates a regibus, principibus et aliis personis tam ecclesiasticis quam mundanis rationabiliter monasterio vestro concessas et antiquas et rationabiles consuetudines hactenus observatas integras illibatasque manere presenti decreto sanctimus.
[fol. 12v fehlt]
+ Ego Petrus Portuen(sis) et sancte Rufine episcopus. ss.
+ Ego Petrus tit. sancte Cecilie presb. card. ss.
+ Ego Iprd(anus) presb. card. sancte Pudentiane tit. Pastoris. ss.
+ Ego Iohannes tit. sancti Clementis card., Viterbien(sis) et Tuscan(us) episcopus. ss.
+ Ego Hugo presb. card. sancti Martini tit. Equitii. ss.
+ Ego Iohanne tit. sancti Stephani in Celiomonte presb. card. ss.
+ Ego Soffredus tit. sancte Praxedis presb. card. ss.
+ Ego Geranus sanctorum Cosme et Damiani dyac. card. ss.
+ Ego Gregorius sancte Marie in Agro dyac. card. ss.
+ Ego Gregorius sancti Georgii ad Velum Aureum dyac. card. ss.
+ Ego Nicholaus sancte Marie in Cosmidin dyac. card. ss.
+ Ego Gregorius sancti Angeli dyac. card. ss.
+ Ego Petrus sancte Marie in Via Lata dyac. card. ss.
+ Ego Cencius sancte Lucie in Hortea dayc. card. ss.
Datum Laterani, per manum Rainaldi domini pape notarii, cancellarii vicem agentis, quinto decimo kalendas aprilis, indictione prima, anno dominice Incarnationis MoCoXCoVIIo, pontificatus vero domini Innocentii pape III anno primo.
Informations
Acte
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192900 (aposcripta-40640), http://telma.irht.cnrs.fr/chartes/aposcripta/notice/192900 (mise à jour : 19/06/2024).