Général
-
Boniface VIII (1294-1303)
-
[VI, 5, 2, 18]
-
Décrétale, autre texte de collection canonique
-
[Collection canonique, collection de décrétales] Y. VI, 5, 2, 18.
-
Ici reprise d'Emil Friedberg, Corpus Juris Canonici. II. Decretalium collectiones, Leipzig, 1881, c. 1076-1077 [en ligne].
-
n. c.
-
n. c.
-
Episcopis et inquisitoribus haeresis non resistant, sed omnino pareant domini temporales, et de eo crimine non cognoscant ; alias, prout dicitur hic, puniuntur. H. d. secundum Zenz. [VI].
-
Idem [Bonifacius VII].
Ut inquisitionis negotium contra hereticam pravitatem ad Dei gloriam et augmentum fidei nostris temporibus prosperetur, leges quasdam per Federicum olim Romanorum imperatorem tunc in devotione Romane persistentem ecclesie promulgatas, quatenus Dei et Ecclesie sancte sue honorem promovent et hereticorum exterminium prosequuntur et statutis canonicis non obsistunt, approbantes et observari volentes, universos seculi potestates et dominos temporales ac provinciarum, terrarum, civitatum aliorumque locorum rectores, quibuscunque dignitatibus vel officiis aut nominibus censeantur, requirimus et monemus, ut, sicut reputari cupiunt et haberi fideles, ita pro defensione fidei diocesanis episcopis et inquisitoribus heretice pravitatis a Sede apostolica deputatis aut in credentium, fautorum, receptatorum et defensorum ipsorum investigatione, captione ac custodia diligenti, cum ab eis fuerint requisiti, et ut prefatas personas pestiferas in potestatem seu carcerem episcoporum aut inquisitorum dictorum, vel ad locum de quo ipsi vel aliqui ex eis mandaverint, infra eorundem dominorum potestatem vel rectorum districtum ducant vel duci faciant sine mora, ubi per viros catholicos a prefatis episcopis seu inquisitoribus vel eorum aliquo deputatos sub arcta et diligenti custodia teneantur, donec eorum negotium per Ecclesie iudicium terminetur, utque de heresi a diocesano episcopo vel inquisitore seu inquisitoribus comdemnatos prefati potestatos, domini temporales sive rectores, vel eorum officiales seu nuncii sibi relictos statim recipiant indilate animadversione debita puniendos, non obstantibus appellationibus seu proclamationibus predictorum nequitie filiorum, cum tam secundum ordinationem predecessorum nostrorum quam secundum legem imperialem appellationis et proclamationis beneficium expresse sit hereticis et credentibus ac eorum receptatoribus, fautoribus et defensoribus interdictum.
Prohibemus quoque districtius potestatibus, dominis temporalibus et rectoribus eorundemque officialibus supradictis ne ipsi de hoc crimine, cum mere sit ecclesiasticum, quoquo modo cognoscant vel iudicent, sive captos pro eodem crimine absque dictorum episcoporum sive inquisitorum, aut saltem alterius eorundem licentia vel mandato a carcere liberent, aut exsecutionem, sibi pro huiusmodi crimine a diocesano vel inquisitoribus seu inquisitore iniunctam, prompte, prout ad suum spectat officium, facere seu adimplere detrectent, vel alias diocesanorum aut inquisitorum iudicium, sententiam seu processum directe vel indirecte impedire presumant.
Si quis vero de predictis potestatibus, dominis temporalibus, rectoribus vel eorum officialibus seu ballivis contra predicta fecerit aut prefato fidei negotio sepefatis diocesano episcopo vel inquisitoribus incumbenti se opponere forte presumpserit vel ipsum aliquatenus impedire, necnon et qui scienter in predictis dederit auxilium consilium vel favorem, excommunicationis se noverit mucrone percussum. Quam si per annum animo sustinuerit pertinaci, extunc velut hereticus condemnetur. -
1. ?
-
2. ?
-
3. ?
-
n. c.
-
n. c.
Informations
Acte
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192795 (aposcripta-40561), http://telma.irht.cnrs.fr/chartes/aposcripta/notice/192795 (mise à jour : 27/05/2024).