Description
-
Raoul, duc de Lorraine et marquis
-
collégiale Saint-Georges de Nancy
-
Raoul, duc de Lorraine et marquis
-
-
FRANCE, Nancy, Archives départementales de Meurthe-et-Moselle, G 374
-
Original sur parchemin, jadis scellé sur double queue
-
français
-
non suspecté
-
Lettre
-
Original
-
Raoul fait savoir qu’il donne à la collégiale Saint-Georges de Nancy toutes ses biens et droits à Mulcey et Blanche-Église, sauf les fiefs et les gardes, les chanoines étant autorisés à installer des agents pour percevoir les dîmes et des gardes qui lèveront sur les malfaiteurs les amendes dont le duc aura la moitié ; cette donation équivaut à 37 livrées petits tournois, rabattue des 80 livrées que le duc avait assignées aux chanoines sur les tailles de Nancy.
-
01. Nous Raoulz, dus de Loherainne et marchis, faisons savoir et cognissant a tous que com nous aiens fondei et estaubli un colleige de channoines en nostre ville de Nancey,
02. les queilz nous avons mis et essis en une chapelle que nous faisons faire et edifier en une partie de nostre hosteil de Nancey en l'onour de Deu Nostre Creatour, de la Virge Ma-
03. -rie et de monsignour saint George le martir que en nostre dite chapelle serait servis et honoreis, assavoir est que nous, pour nous, pour nous hoirs et pour nos successours
04. avons donnei et donnons par donation faite entre les vis, sens rapelleir a nulz jours maix, a nostre dite chapelle, au prevost et chapitre d'icelle pour le vivre et substentacion
05. d'aulz et de lors successours channoines de nostre dite chapelle pour faire le service de Deu, pour le remeide et le salut de l'ame de nostre tres chier signour et peire monsignour
06. le duc Ferri cui Deus absolle, pour nous principaulment et pour tous nos predecessours et successours et pour les bienfaitours de la dite chapelle, tout ceu que nous
07. avons et avoir devons en dismes grois et menus des villes de Millecey et de Blenche Englise seanz davant Marsaul, ens bans et en finaiges et en appartenances d'y-
08. -celles et en toutes aultres rentes, droitures et revenues de bleis et de vins quelcunques que nous avons et avoir devons en diz leus et ausi tout ceu que nous
09. avons en dis dismes, en deniers, en beistes et en aultres revenues quecuunques, sens riens a retenir des chozes dessus dites. Et encor avons donei et donons en lai
10. meniere dessus dite a nostre dite chapelle, au prevost et chapitre d'icelle et a lors successours tous les bois grois et menus que nous avons et avoir devons en
11. bans et en finaiges des dites villes et en appartenances sens riens retenir en tout leritaige de bois que nous avons en diz leus. Et de toutes les choses dessus dites
12. nous sumes nous devestis des mentenant pour nous et pour nos hoirs et en avons envesti et mis en possession le prevost et chapitre de nostre dite chapelle pour
13. aulz et pour lors successours channoines de la dite chapelle et les choses dessus dites avons nous amorties et amortisons pour tous jours maix sens retenir pour
14. nous ne pour nos hoirs aucunne juridiction queille que elle soit for que lai warde et le fiel tant sollement ensi comme nous avons fait en aultres heritai-
15. -ges que donei avons a nostre dite chapelle. Et volons que des mentenant li prevois et chapitres de nostre dite chapelle et lors successour apres auz puissent
16. mettre deymours teilz com bon lor semblerait pour recoullir lors diz deymes et useir des diz deymes tout ensi com nous faisiens et faire poiens davant ceste
17. donation sens avoir retour a nous ne a nos gens et en semblant maniere volons nous qu'il puissient mettre wardes pour lors diz boix wardeir, les queilz wardes
18. facent sarment a aulz ou a lor commandement et puissent leveir les amendes de ceaulz qui trovez y seroient meffaisant et aient teille juridiction et telle
19. franchise et action en vendant les diz boix en faire charroier, en faire wardeir ou taillier et en toutes aultres manieres com nous aviens ou cilz qui a nous
20. les achetoient davant ceste donation, sens riens retenir pour nous for que la moitié des amendes que achairont en diz boix et que rapourteies seroient
21. auz diz channoines ou a lor commandement par lors wardes, la queille moitié tant sollement nous reservons pour nous et pour nos hoirs. Et les donations
22. des choses dessus dites avons nous faites pour le pris de trente et sept livrees de terre a petis tournois chascun an, la queille somme doit cheoir et estre rabai-
23. -tue de quatre vins livrees de terre que nous avons assisses auz dis prevost et chapitre sus nos tailles de Nancey tant que nous lor aiens assignees a panre
24. heritaublement en aultres leus soffisans. Et avons promis et promettons par nostre foi et jurei sus saintes ewangiles pour nous et pour nos hoirs comme loiaulz
25. princes que jamaix encontre les donations dessus dites nous n'irons ne alleir ferons, ne riens ni acques nous ne nos hoirs ni reclamerons for que lai
26. moitié des amendes si comme dit est, maix en ferons joir et laxerons joir les diz prevos et chapitre et lors successours a tous jours maix. Et a toutes les
27. choses dessus dites tenir fermes et estaubles a tous jours maix avons nous obligier nos hoirs et nos successours et volons qu'il y soient tenus si comme nous
28. sumes. En tesmoingnaige de la queil choze nous avons mis nostre grant seeil pendant en ces presentes lettres, que furent faites l'an de grace Nostre Signour
29. mil trois cens et quarante et un le mercredi apres la nativitei Saint Jehan Baptiste. -
« gros et menus dismes et autres rentes et droitures / en bled et vins avec les bois et amendes des / defaillants en iceux es lieux de Mulcey et / Blanche Eglise », XVIe-XVIIe s. ; « Duc Raoul ", XVIe-XVIIe s. ; " Lettre de ceu que messire avoit / a Millecey et a Blanche Englise ", XIVe-XVe s. ; " transcript est », XVe s. ; " IIII ", XVe s. ; " Mulcey ", XVIIIe s.
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 245
-
H. LEPAGE, Les communes de la Meurthe, Journal historique des villes, bourgs, villages, hameaux et censes de ce département, Nancy, 1853, volume I, p. 161, volume II, page 88. En ligne sur Gallica : http://gallica.bnf.fr/ark:/12148/bpt6k9632309g
-
Denis Remy ; Mathias Bouyer
Sigillography
-
non
Informations
Document
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 79978 (transscript-905), http://telma.irht.cnrs.fr/chartes/en/transscript/notice/79978 (mise à jour : 29/01/2019).