« transscript-510 »

Document | transscript/notice/23685
plus d'informations

Description

  •  
    Guy (de Dampierre), comte de Flandre et marquis de Namur
  •  
    Jean (1) de Namur
  •  
    Louis (1), de Dampierre, comte de Rethel
  •  
    Henri (7), comte de Luxembourg, de La Roche et marquis d'Arlon
  •  
    Robert (3) de Dampierre, comte de Nevers, seigneur de Béthune et de Termonde (fils aîné de Guy de Dampierre)
  •  
    Guy (de Dampierre), comte de Flandre et marquis de Namur
  •  
    Jean (1) de Namur
  •  
    Louis (1) de Dampierre, comte de Rethel
  •  
    Henri (7), comte de Luxembourg, de La Roche et marquis d'Arlon
  •  
    Robert (3) de Dampierre, comte de Nevers, seigneur de Béthune et de Termonde (fils aîné de Guy de Dampierre)
  •  
    -
  •  
    Guy (de Dampierre), comte de Flandre et marquis de Namur
  •  
    Jean (1) de Namur
  •  
    Louis (1) de Dampierre, comte de Rethel
  •  
    Henri (7), comte de Luxembourg, de La Roche et marquis d'Arlon
  •  
    Robert (3) de Dampierre, comte de Nevers, seigneur de Béthune et de Termonde (fils aîné de Guy de Dampierre)
  •  
    1292/05/26

  •  
    -
  •  
    Wijnendale
  •  
    FRANCE, Lille, Archives départementales du Nord, Chambre des Comptes, B 238, n° 3352
  •  
    Original sur parchemin (mm. 345/345 x 320/320 ; repli mm. 15/18), scellé de 5 sceaux pendants sur double queue de parchemin
  •  
    français
  •  
    non suspecté
  •  
    Charte
  •  
    Original
  •  
    Guy de Dampierre, comte de Flandres et marquis de Namur, son fils Jean (1) de Namur, Louis (1), comte de Rethel, fils du comte de Nevers et Henri (7), comte de Luxembourg, de la Roche et marquis d’Arlon font savoir qu'ils ont conclu un traité d’alliance et d’aide mutuelle en cas d’invasion des territoires respectifs, alliance devant durer toute leur vie. Dans le cas du comté de Luxembourg, par le comte de Hainaut, l’évêque de Liège ou le duc de Brabant. Henri promet spécifiquement de venir en aide à Jean de Namur en cas d’attaque de son comté par le comte de Hainaut ou par le duc de Brabant. Robert (3), comte de Nevers, seigneur de Béthune et de Termonde, fils aîné du comte de Flandre se porte garant pour son père.
  •  
    01. Nous Guis, cuens de Flandres et marchis de Namur, Jehans de Namur, ses fius, et Loys cuens de Rethes, fius au .. conte de Nevers, et nous Henris, cuens de Luxelbourg
    02. et de la Roche et marchis d'Erlons, faisons savoir a tous ke nous nos sommes alloiie ensamble
    03. contre tous hommes, hors mis de par nous Guion, conte des Flandres deseure dit, tous noz signeurs et tous nos enfans et tous noz neveus, ki de noz enfans seroient issut, sauf
    04. ce ke se li .. cuens de Haynnau ou li .. eveskes de Liege voloit entrer, entroit ou estoit entres a forche en la terre le conte de Luxelbourg, u ke ce fust, nous, en celui cas devons
    05. et deveriens et sommes et seriens tenut d'aidier le .. conte de Luxelbourg, a son droit et a se raison, se terre a deffendre contre le conte de Hannau ou contre le .. eveske de Liege, et hors mis
    06. le .. duc de Braibant; sauf ce ke se li .. dus de Braibant voloit entrer, entroit ou estoit entres a forche en la terre le .. conte de Luxelbourg, nous, en celui cas, devons et deveriens, et
    07. sommes et seriens tenut d'aidier le conte de Luxelbourg a sen droit et a sa raison, sa terre a deffendre contre le .. duc de Brabant. Et hors mis, de par nous, Henri, tous nos signeurs, tous
    08. noz freres et toutes noz serours et chiaus qui d'iaus seroient issut, et nostre chier cousin Henri de Liny, sauf ce ke se li .. cuens de Haynnau ou li .. dus de Braibant voloit
    09. entrer, entroit ou estoit entres a forche en la terre le .. conte de Flandre, ou ke ce fust, nous, en celui cas, devons et deveriens et sommes et seriens tenut de aidier le .. conte
    10. de Flandre a son droit et a ses raison, sa terre a deffendre contre le .. conte de Haynnau ou contre le .. duc de Braibant. Et hors mis de par nous, Jehan de Namur, tous nos signeurs ki sont, et
    11. seront; sauf ce ke se nous venons al hommage et en la fealte le .. conte de Haynnau, et li .. cuens de Haynnau voloit entrer, entroit ou estoit entres a forche en la terre le conte de
    12. Luxelbourg, nous, en celui cas, deveriens et seriens tenut d'aidier le .. conte de Luxelbourg, a sen droit et a sa raison sa terre a deffendre contre le .. conte de Haynnau; et tout
    13. autel com dist est dou .. conte de Haynnau, disons nous del eveske de Liege, s'il avenoit ke nous venissiens en sa fealteit et en son hommage; hors mis ausi tous nos freres
    14. et toutes nos sereurs et chiaus qui d'iaus seroient issut et nostre chier cousin Henri de Liny. Et nous Henris, cuens de Luxelbourg devant dis promettons au .. devant
    15. nommet Jehan de Namur, ke se li cuens de Haynnau ou li .. dus de Brabant voloit entrer, entroit ou estoit entres a forche en la terre Jehan de Namur ki sienne
    16. est ou sera en avant, nous, en celui cas, devons et deveriens et sommes et seriens tenut de aidier Jehan de Namur, a sen droit et a sa raison, se terre a deffendre
    17. contre le .. conte de Haynnau ou contre le .. duc devantdit. Et hors mis, de par nous Loy, conte de Rethes devantdit, tous nos signeurs qui sont et seront et tous
    18. noz freres et serours, et chiaus qui d'iaus seroient issut. Et sont nos alloianches faites en la maniere ki s'ensuit: ke nous Guis, cuens de Flandre et marchis
    19. de Namur, devons aidier Henri, conte de Luxelbourg deseure dit, a sen droit, a tous ses besoins, de deus cens armures de fer, dedens les trois sesmainnes k'il nous en semonra
    20. ou fera semonre par certain message; et s'il avenoit c'om li assesist chastel ou ville ou auchunne de ses forteresches, ou on entrast en sa terre a forche, par coi il euist besoing
    21. de plus gens, nous nos devons efforchier de lui aidier a sen droit de plus, em bonne foit. Et nous Jehans et Loys devantdit devons et sommes tenut d'aidier ledit
    22. conte de Luxelbourg, nostre cousin a son droit, a tous ses besoins, a petite forche et a grande, a no pooir et em bonne foi, dedens les trois sesmainnes k'il nous en semonra ou fera semonre par
    23. certain message. Et devons nous Guis, cuens de Flandres, Jehans et Loys deseure nommet faire ceste aide au devantdit Henri, conte de Luxelbourg, a sen droit et juskes
    24. a l'entree de sa terre, a nos frais et a nos cous; et puis ke nous ou nos gens seriens entre en sa terre et tant ke nous ou nos gens i demoiriens, doit i estre tout a sen frait et tant
    25. comme besoing en aura, et, au partir de lui et de sa terre, il doit i estre de la en avant del tout a no frais. Et nous Henris, cuens de Luxelbourg devantdis, devons aidier le .. conte
    26. de Flandre devant nommet a tous ses besoins, a sen droit, de deus cens armures de fer, dedens les trois sesmainnes k'il nous en semonra ou fera semonra par certain message. Et s'il
    27. avenoit c'om li assesist chastel ou ville ou aucunne de ses fortereches ou on entrast en sa terre a forche, par coy il euist besoing de plus de gens, nous nos devons efforchier de lui
    28. aidier a sen droit, de plus, em bonne foi. Et devons encore et sommes tenut de aidier Jehan et Loy, nos cousins devantdis, a lor droit, a petite forche et a grande a tous lors besoing a no
    29. pooir et en bonne foi, dedens les trois sesmainnes k'il nous en semonront, ou il ou li uns d'iaus, par lui ou par certain message de par iaus ou de par l'un d'iaus. Et devons faire ceste aide a iaus et a
    30. monsingneur de Flandre souvent nommei, a lor droit et a nos frais et a nos cous, juskes a l'entree de lor terres; et puis ke nous ou nos gens seriens entret en lor terres, et de tant ke nous ou
    31. nos gens i demoriens, doit i estre tout a lor frais et tant comme besoing en auront; et au partir d'iaus et de lor terres, il doit i estre de la en avant del tout a nos frais. Et toutes
    32. ces choses ci devant devisees et chascunne d'elles avons nous Guis, cuens de Flandre, Jehans et Loys, et nous Henris, cuens de Luxelbourg devant nommei encouvent a tenir
    33. fermes et estables, tant ke nous viverons, par nos fois et par nos sairemens, sans riens aler encontre, et sans riens enfraindre de toutes les choses deseure dites ou d'aucunnes d'elles.
    34. Et avons proumis et proumettons loialment li uns as autres ke nous ne travellerons ne semonrons ne ferons faire frais li uns as autres, se nous n'avons loial besoing, et
    35. tenrons toutes les choses deseure dites en la maniere com devant est deviset. Et pour ce ke les alloianches ci deseure devisees aient plus de vertut, nous Robiers, ainsnes
    36. fils au conte de Flandres, cuens de Nevers, sires de Bethune et de Tenremonde, nous obligons et volons i estre tenut tout le cours de nostre vie, s'il avenoit, ke Diex ne
    37. velle, k'il deffausist de nostre tres chier signeur et pere deseure dit, a ces meismes alloianches enviers le conte de Luxelbourg devant nommet, en autretel point et en autretel maniere,
    38. comme nostre dis chiers sires et peres s'i est alloiies, et com il est contenu, ci deseure. Et nous Henris, cuens de Luxelbourg devant nommes, nous obligons et volons i estre tenus tout
    39. le cours de nostre vie a ces meismes alloianches enviers le .. conte de Nevers devant dit, as quelz nous sommes alloiiet, au .. conte de Flandre devant nommet, en autretel
    40. point et en autretel maniere comme nous sommes alloiiet au dit .. conte de Flandres, et com il est contenu ci deseure, s'il avennoit k'il cheist ens alloianches deseure dites par le deces
    41. de son chier pere deseure dit, cui Diex doinst bonne vie, et par sa couvenanche ci deseure devisee. Et pour ce ke ces chozes soient fermes et estaules, nous Guis, cuens
    42. de Flandre, Jehans et Loys devantdit, et nous Henris, cuens de Luxelbourg, et Robers, cuens de Nevers devant nommeit, avons fait metre nos propres
    43. saiaus a ces presentes lettres, faites et donnees a Wynendale, l'an de l'Incarnation Nostre Signeur mil. deus cens quatre vins et douze, lendemain de Pentecouste.
  •  
    -
  •  
    -
  •  
    « Alliances. Traitté d'alliance entre Guy comte de Flandre, Jean de Namur, son fils, Louis fils du comte de Rether et Henry conte de Luxembourg et Robert conte de Nevrers, fils aisne du comte de Flandre. 1292 », XVIIIe s., suivi par « a Winendale le lendemain de la Pentecote. 1292 », XVIIIe s.; « 1292 », XVIIIe s.
  •  
    C. WAMPACH, Urkunden- und Quellenbuch zur Geschichte der altluxemburgischen Territorien bis zur burgundischen Zeit, t. V, Luxembourg 1948, n° 441 (édition basée sur les originaux)
  •  
    Baron de REIFFERBERG, Monuments pour servir à l'histoire des provinces de Namur, de Hainaut et de Luxembourg, t. I, Bruxelles 1844, n° 32, p. 39, (édition basée sur la copie D, dans le Cartulaire de Namur, FRANCE; Lille, Archives départementales du Nord, B. 1591, n° 28)
  •  
    D.J. GODEFROY, Inventaire des archives de la Chambre des Comptes à Lille, t. IV, n° 3352, p. 417
  •  
    J. DE SAINT-GENOIS, Monuments anciens, essentiellement utiles à la France, aux provinces de Hainaut, Flandre, Brabant, Namur […] et autres pays limitrophes de l'Empire, Bruxelles 1804-1806, t. I/2, p. 805
  •  
    F.-X. WÜRTH-PAQUET, Tables chronologiques des chartes et diplômes relatifs à l'histoire de l'ancien pays et duché de Luxembourg. Règne de Henri IV 1288-1310, in Publications de la Section Historique, XVII (1862), n° 126, p. 60
  •  
    J. BORGNET, Analyse des chartes namuroises qui se trouvent aux archives départementales du Nord, à Lille, in Bulletin de la Commission royale d'Histoire, série 3, t. V (1863), p. 39
  •  
    S.p. ERNST, Histoire du Limbourg suivie de celle des comtés de Daelhem et de Fauquemont, des annales de l'abbaye de Rolduc, t. IV, Liège 1839, p. 568, note 1
  •  
    A. WAUTERS, Table chronologique des chartes et diplômes imprimés concernant l'histoire de la Belgique, t. VI, 1280-1300, Bruxelles 1881, p. 376
  •  
    [Cartulaire] BELGIQUE, Namur, Archives de l'État, Archives eccl., ms. N° 604 (Cartulaire de Notre-Dame de Namur, n° 15, f. 193v-195v)
  •  
    [Cartulaire] FRANCE, Lille, Archives départementales du Nord, Chambre des Comtes, B 1562, n° 650 (Cartulaire II de Flandre)
  •  
    [Cartulaire] FRANCE, Lille, Archives départementales du Nord, Chambre des Comtes, B 1591, n° 28 (Cartulaire de Namur)
  •  
    [Original] FRANCE, Lille, Archives départementales du Nord, Chambre des Comptes, B 238, n° 3352 (deuxième original)
  •  
    Hérold Pettiau

Sigillography

  •  
    oui
  •  
    Sceau équestre de Guy de Dampierre, comte de Flandre, de cire brune endommagé (légende du sceau illisible); contre-sceau armorié (écu au lion); légende du contre-sceau: SECRETV GUIDONI COMITIS FLANDRIE
  •  
    Sceau équestre de chasse de Jean I de Namur de cire brune, premier type avant son accession (1292), équestre vers la gauche, un faucon sur le poing gauche, endommagé
  •  
    Sceau équestre de chasse de Louis de Rethel, de cire jaune, endommagé. Contre-sceau armorial. Les légende du sceau et du contre-sceau sont difficilement lisibles
  •  
    Sceau équestre de chasse de Henri 7, de cire brune: équestre vers la gauche, un faucon sur le poing gauche; dans le champs à gauche, un écu aux armes paternelles (Luxembourg, burelé au lion couronné, à queue simple); à droite un écu aux armes maternelles (Avesnes: bandé). Légende: [S'] HENRICI COMITIS LVCENBVRGIS
  •  
    Sceau équestre de Robert (3), comte de Nevers; contre-sceau armorial: Légende: SECRETV ROBERTI COMITIS NIVERN'

Informations

Document
Hérold Pettiau (Université de Luxembourg), dans  TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 23685 (transscript-510), http://telma.irht.cnrs.fr/chartes/en/transscript/notice/23685 (mise à jour : 22/10/2018).
http://telma.irht.cnrs.fr/chartes/en/transscript/notice/23685
transscript/notice/23685
XML  JSON