Description
-
Raoul, duc de Lorraine et marquis
-
Collégiale Saint-Georges de Nancy
-
Raoul, duc de Lorraine et marquis
-
-
FRANCE, Nancy, Bibliothèque municipale, ms. 605, p. 134
-
Copie dans cartulaire (XIVe s.)
-
français
-
non suspecté
-
Lettre
-
Cartulaire
-
Raoul fait savoir qu'il crée deux vicariats à la chapelle Saint-Georges et dote chaque vicaire de 10 livrées petit tournois sur la taille des étalages et petites ventes des halles de Nancy.
-
01. Nous Raoulz dus de Loherenne et marchis faisons savoir et cognissant a tous
02. que nous pensei et considerei au salut de nostre ame et a l'ugmentation
03. dou service de Deu nostre creatour et pour ceu principalment que en nostre chapelle que nous
04. avons fondee et establie en une partie de nostre hostel de Nancey li service de Deu y soit mier
05. fais et plus sollempneement avons fait et establi, faisons et establissons en nostre dite chapelle
06. par lou grey et consentement de reverent peire en Deu monsignour Thomas par la grace de Deu
07. evesque de Toul et par commun acort dou prevost et dou chapitre de nostre dite chapelle
08. dous vicaires perpetuelz durables a tous jours maix, les quelles nous avons dowees pour
09. le vivre et la sustentation des vicaires qui les deserviront chascune de deix livrees
10. de terre a petis tournois que nous volons et ordenons que li vicaire que les dites vicaries
11. deserviront et lour successour apres aulz aient, prengnent et recevoicent chascun an en tou-
12. -tes nos yssues et revenues des ataillaiges de nostre halle de Nancey et de la petite
13. vente a telz termines com en les suet payer anciennement, en reservant a nous et a nos
14. hoirs la collation, provision et presentation des dites vicaries quant elles vaqueront par quelle
15. maniere que elles vacoissent ou aulcune d'ycelles vacoisse. Et volons que cilz que les
16. diz atallaiges et petite vente receverait pour nous soit nostres receveures ou aultres
17. soit tenus de payer chascun an auz dous vicaires que les dites vicaries tanront a chascun deix
18. livres de fors a telz termes com on les suet recevoir sens attendre aultre mandement ne coman-
19. -dement de nous ne d'aultre pour raison de nous. Et nous li promettons a descompteir de ses
20. receptes. Et volons que pour le deffault de paiement qui y seroit, se point en y avoit, que
21. li dit vicaire ou li uns d'aulz que deffaut averoit de paiement puissent ou puisse constren-
22. -dre ceaulz qui nos diz atallaiges et ventes leveront et receveront par sentence d'exconiement
23. ou aultrement coment qu'il lor plairoit, jusques a plainne et entiere satisfaction de lour dite terre.
24. Et est assavoir que citost com li prevois et chapitres de nostre dite chapelle ou lour procureires pour
25. aulz averont levei et receu des yssues de nostre grant seel que nous avons especialment ordenei
26. a ceste chose faire jusques a la somme de dous cens livres de petis tournois pour acheteir
27. terre perpetuelment pour la fundation des dites vicaries, les vint livrees de terre dessus dites doient
28. revenir a nous et a nos hoirs franchement et en la maniere que dessus est dit et deviseiz avons
29. nous promis et promettons pour nous et pour nos hoirs et pour nos successours a laissier joir et
30. faire joir les diz vicares de la dite terre sens nul deffaut et sens nul mal engin. Si mandons
31. et commandons a nostre recevour qui maintenant est et a celui qui pour le temps serait et a tous aultres
32. que les diz atallaiges et petite vente tanront et receveront qu'il et uns chascuns d'aulz a cui il appar-
33. -tanrait, paient et delivrent chascun an auz diz vicaires les dites vint livrees de terre, c'est assa-
34. -voir a chascun d'aulz deix livrees, sens attendre aultre mandement ne commandement de part nous, en
35. prenant lettres de quictance d'aulz ou dou prevost de nostre dite chapelle. Et nos lor promettons a tenir
36. leu en lor comptes. En tesmoingnaige de la quel chose nous avons fait mettre nostre grant seel en
37. ces presentes lettres, que furent faites et donnees l'an de grace Nostre Signour mil trois cens et quarante le lundi
38. apres la saincte Trinitey. -
Lettre des dous premieres vicaries sus la petite vente
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 198
-
Denis Remy ; Mathias Bouyer
Sigillography
-
non
Informations
Document
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145525 (transscript-1083), http://telma.irht.cnrs.fr/chartes/en/transscript/notice/145525 (mise à jour : 24/05/2019).