Description
-
Benoît XII (1334-1342)
-
L'archidiacre, le chantre et l'official de Rennes
-
II nonas decembris, anno quinto
-
-
Avignon
-
Lettre, général (après 1198, littere cum filo canapis)
-
[Registre de la chancellerie apostolique] R1. CITÉ DU VATICAN, Archivio segreto Vaticano, Registra Vaticana 127, n.726.
-
R2. CITÉ DU VATICAN, Archivio segreto Vaticano, Registra Avinionensia fol.229.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 25-1, 1909, p. 152-172, aux p. 159-162 [en ligne].
-
Jean-Marie VIDAL, Benoit XII, Lettres communes, Paris, 1905, t. II, p. 228, n. 7506, analyse.
-
Le prieur claustral de Redon, le couvent et les onze prieurs des prieurés dépendant du monastère ayant prêté le serment de n'infirmer en aucune manière l'élection faite par eux par inspiration de Jean de Tréal, le Saint-Siège casse ce serment, déclare suspecte l'élection et ordonne à l'archidiacre, au chantre et à l'official de Rennes de publier sa décision et d'inviter à comparaître en cour d'Avignon dans les 40 jours tous ceux qui auraient quelque chose à révéler au sujet de ladite élection.
-
Dilectis filiis … archidiacono et … cantori ecclesie Redonen… ac… officiali Redonensi, salutem etc.
Consuevit apostolice sedis circumspecta maturitas in suis actibus uti cautela provida, que canonicis congruat institutis. Sane pro parte dilectorum filiorum... priris claustralis et conventus monasterii sancti Salvatoris Rothonensis ad Romanam Ecclesiam nullo medio pertinentis, ordinis Sancti Benedicti, Venetensis diocesis, et quorumdam aliorum, de quibus habetur infra mentio specialis, in nostra et fratrum nostrorum presentia pridem in consistorio propositum extitit quod olim dicto monasterio, per obitum quondam Oliverii, abbatis ejusdem, pastoris regimine destituto, prefati prior et conventus ac dilecti filii Johannes, abbas monasterii de Calma, dicti ordinis, Nannetensis diocesis, subjecti monasterio antedicto, necnon priores quorumdam prioratuum undecim numero, ejusdem ordinis, ipsi Rothonensi monasterio similiter subjectorum, qui siquidem abbas et priores monachi existunt prelibati monasterii Rothonensis et in electione abbatis prefati monasterii Rothonensis, cum imminet pro tempore facienda, vocem habere noscuntur tam de consuetudine quam de jure, die ad eligendum prefixa et vocatis omnibus qui debuerunt, voluerunt et potuerunt commode interesse, ut moris est, convenientes in unum apud dictum monasterium Rothonense ac spiritus Dei gratia primitus invocata, dictum Johannem in sacris ordinibus constitutum, licentiatum in jure canonico, quem ad regimen ipsius monasterii Rothonensis ydoneum iidem prior claustralis, conventus et priores alii fore asserunt in abbatem prefati monasterii Rothonensis, quem per inspirationem divinam concorditer duxerant eligendum, et quod electio hujusmodi de ipso Johanne facta fuerat ab omnibus ipsis eligentibus omnibusque aliis qui vocem in eadem habuerunt unanimiter approbata et solenniter publicata, et quod idem Johannes electioni prefate sibi pro parte dictorum eligentium presentate suum consensum prestaverat, et tam ipse Johannes personaliter quam certi procuratores ydonei, a predictis eligentibus propterea destinati, ad sedem accesserant supradictam et a nobis ex parte ipsorum eligentium suppliciter postulato ut electionem ipsam confirmare, illius nobis presentato decreto, de benignitate apostolica dignaremur in hiis omnibus statutis a jure temporibus observatis. Nos venerabili fratri … episcopo Penestrino et dilectis filiis nostris Imberto, basilice duodecim apostolorum presbytero, ac Neapoleoni, Sancti Adriari diacono cardinalibus, commisimus oraculo vive vocis ut electionem predictam aliaque ad ejus negotium facientia examinare et quod exinde invenirent nobis refferre curarent, dictique episcopus et cardinales, receptis et diligenter examinatis actis, juribus et munimentis pro parte ipsorum eligentium et Johannis electi eoram eis productis, nobis plene ac fideliter postea retulerunt quod negotium hujusmodi electionis jamdicte processerat quemadmodum superius est expressum, quodque ipsi episcopus et cardinales inter acta, jura et munimenta prefata repererant quoddam publicum instrumentum continens qualiter jamdicti eligentes post presentationem ejusdem electionis dicto Johanni factam sponte ac voluntarie, nominatim et singulariter, tactis sacrosanctis evangeliis, juraverant quod contra Johannis electi et eligentium corumdem personas, ratione ipsius electionis, et electionem eamdem perpetuo non venirent, imo eam inviolabiliter observarent, necnon gratam et acceptam habebant eamdem, et quod alii qui dictam electionem cum ipsis eligentibus, ut supra dicitur, approbarant subsequenter simile prestiterant juramentum, prout apparebat per alia publica instrumenta. Nos igitur, hujusmodi juramenta que suspicione non carent temeraria reputantes, ea duximus auctoritate publica penitus relaxanda et ob ipsa juramenta factum ejusdem electionis suspectum habentes, attendentes quoque quod ad dignitates, aliosque gradus et status ecclesiasticos habendus est assensus vel accessus canonicus juxta canonicas et alias legitimas sanctciones, ac propterea in eodem electionis negotio cautius procedere intendentes, discretioni vestre per apostolica scripta committimus et mandamus quatinus vos vel duo, aut unus vestrum, per vos, vel alium, seu alios, ad supradictum monasterium Rothonense accedentes, hujusmodi relaxationem juramentorum per nos factam in eodem monasterio Rothonensi et alibi, ubi et quando expedire videritis, auctoritate nostra solenniter publicare curetis et nichilominus in ipso monasterio Rothonensi auctoritate jamdicta edictum publice proponatis quod quicumque de dictis eligentibus vel quivis alius, cujus intersit vel possit interesse de jure, contra personas dictorum Johannis electi et eligentium eum et aliorum approbantium electionem prefatam seu contra ipsam electionem quicumque dicere vel proponere voluerint infra quadraginta dies post publicationem et propositionem ipsius edicti conspectui apostolico legitime se presentent, dicturi et proposituri quecumque super hiis coram vobis proponere voluerint seu etiam allegare, dicta vero hujusmodi denuntiationis, propositionis et publicationis predictarum et quidquid super eis duxeritis faciendum nobis per vestras litteras vel publica instrumenta, presentium seriem continentia, quantotius fideliter intimetis, ut extunc in eodem negotio tuta conscientia procedere valeamus.
Datum Avenione, II nonas decembris, anno quinto.
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27369 (aposcripta-4076), http://telma.irht.cnrs.fr/chartes/en/aposcripta/notice/27369 (mise à jour : 17/05/2024).