Description
-
Jean XXII (1316-1334)
-
L'évêque de Dol, le prieur du monastère de Noirmoutier et le doyen du Mans
-
II nonas martii, anno undecimo
-
-
Avignon
-
Lettre, général (après 1198, littere cum filo canapis)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 84, ep. 1299, fol. 122.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 22-4, 1906, p. 683-699, aux p. 697-699 [en ligne].
-
Jean XXII charge l'évêque de Dol, le prieur du monastère de Noirmoutier au diocèse de Luçon et le doyen du Mans d'instruire une enquête au sujet de l'exécution du testament d'Arthur II.
-
Venerabili fratri .. episcopo Dolensi et dilectis filiis .. priori Monasterii Nigri, per priorem soliti gubernari, Lucionensis diocesis, ac .. decano ecclesie Cenomanensis, salutem.
Ex parte dilecti filii nobilis viri Johannis, ducis Britanie, petitio nobis exhibita continebat quod quondam Arturius dux Artusius, dux Britanie, pater ejus, olim zelo devotionis et fidei in suo testamento seu ultima voluntate ac in ipsius plurimis ab eo conditis codicillis multa et magna tam de bonis suis mobilibus quam immobilibus ac ducatus Britanie in pios et alios usus licitos et diversos convertenda legavit, et venerabilem fratrem nostrum Johannem, episcopum Venetensem, et quondam Thomam de Anast, tunc decanum Andegavensis, et dilectum filium Aubericum de Baudement, subdecanum Trecensis ecclesiarum, et nonnullos alios laicos executores reliquii hujus testamenti et sue ultime voluntatis, eisque sub certis forma et modis procedendi super executione hujusmodi et premissa etiam adimplendi concessit plenariam potestatem ; sed executores ipsi, ad quorum manus bona hujusmodi pervenerunt, transgredientes formam mandati testatoris ejusdem et modis hujusmodi non servatis, multa de bonis eisdem eorum usibus et commodis applicarunt, et nonnulla ex eis alienarunt illicite et etiam distraxerunt pro libito voluntatis, quedam vero in pios usus et licitos juxta dispositionem testatoris ejusdem ipsius convertere non curantes, illa prophanis usibus deputarunt, propterque pia ipsius est testatoris intentio defraudata et idem Johannes dux prefatus, qui ut heres dicti Artusii in bonis reliquis succedere debuisset, ob factum et culpam executorum ipsorum succedere, ut deberet, non potest in illis, sed gravem jacturam exinde noscitur incurrisse.
Quare nobis humiliter supplicavit ut, cum aliqui de dictis executoribus rebus sint humanis exempti, aliquibus discretis daremus nostris litteris in mandatis ut ipsi, vocatis dictis executoribus qui nunc vivunt et etiam heredibus illorum ex eis qui, ut prefertur, de hac luce migrarunt, eos simpliciter, et de plano, sine strepitu et figura judicii, ad reddendum de administratione prefata legitimam rationem et ad restituendum Johanni duci prefato ea que sibi, ut premittitur, de dictis bonis retinuisse noscuntur et que restant etiam de bonis eisdem in quibus idem Johannes debet succedere, ut prefertur, et nichilominus ad satisfaciendum de male administratis hujusmodi competenter ratione previa per censuram apostolicam, appellatione remota, compellere procurarent.
Nos vero, quia nec pati volumus nec debemus quod dispositiones seu ultime ac pie, fidelium voluntates in aliquo defraudentur, ipsius Johannis ducis supplicationibus inclinati, discretioni vestre per apostolica scripta committimus et mandamus quatinus, vocatis qui fuerint evocandi, faciatis auctoritate nostra eidem Johanni duci super premissis et eorum singulis contra predictos Johannem episcopum et alias personas, dumtaxat ecclesiasticas, simpliciter, et de piano, sine strepitu et figura judicii, justitie complementum, contradictores eadem auctoritate, appellatione postposita, compescendo. Non obstante... Testes autem qui fuerint nominati, si se gratia vel odio vel timore subtraxerint, per censuram ecclesiasticam, appellatione cessante, compellatis veritati testimonium perhibere. Quod si non omnes hiis exequendis potueritis interesse tu, frater episcope, cum eorum altero ea nichilominus exequaris.
Datum Avenione, II nonas martii, anno undecimo. -
Dom Morice, Histoire de Bretagne, t. I.
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27358 (aposcripta-4070), http://telma.irht.cnrs.fr/chartes/en/aposcripta/notice/27358 (mise à jour : 26/01/2020).