Description
-
Innocent VI (1352-1362)
-
Le roi d'Angleterre Edouard III
-
IV kalendas junii, anno quinto
-
-
Villeneuve-lès-Avignon
-
Lettre, général (après 1198, littere cum filo canapis)
-
[Expédition] E. Ex Autogr. Sub filo cannabaceis. Mention hors-teneur : Jo. Hugnitionis.
-
Thomas Rymer, Foedera, Conventiones, Literae, ed. tercia, La Hague : Apud Johannem Heaulme, 1739-1745, 10 vol., t. III-1, p. 140 [en ligne].
-
Thomas Rymer, Foedera, Conventiones, Literae, Original edition, VI. 21.
-
Thomas Rymer, Foedera, Conventiones, Literae, III. p. i 357
-
De Gaudio Papae propter Tractatus nuper Burdegalae habitos, et Puncta, ad Pacem spectantia, quasi concordata, et de tanti Boni Conclusione Arbitrio Regis Reservata [Rymer].
-
Innocentius episcopus, servus servorum Dei, carissimo in Christo filio Edwardo, regi Angliae illustri, salutem et apostolicam benedictionem.
Insinuantibus nobis venerabili fratre Talayrando episcopo Albanensi et dilecto filio, nostris, Nicolao Tituli Sancti Vitalis, presbitero cardinali, apostolice Sedis nunciis, et aliis multis, accepimus quod, ante discessum, dilecti filii, nobilis viri, Edwardi primogeniti tui, principis Wallie, de Vasconie partibus, pacis, inter te et carissimum in Christo Filium nostrum Johannem Regem Francorum illustrem, actore Domino, reformande, puncta, tacta jam antea, inter dictos regem et principem, presentibus eisdem nunciis, quasi concordata fuerant, tuo super eis beneplacito reservato. Ex quo tanto axultavimus gaudio, tantaque fuimus jocunditate perfusi, quanta exprimere litteris facile non possumus.
Sed et tu quoque, inclite princeps, habes unde materiam letitie ac exaltationis potioris assumas ; habes unde Creatori tuo Laudationum Vota persolvas ; habes unde Illi Humiles gratiarum referas actiones ; cujus dispensationis munere actum est (ut probabiliter credimus) ut, post triumphorum obtentum, quibus refulges inter principes orbis Terre, tanti boni conclusio tuo reservata fuerit arbitrio, quo gloriae tue cumulus Incrementis felicibus augeretur. Siquidem Princeps pacis est is, per quem regio sedes in solio, qui, te imitatorem ejus invenire confidens, clementiam tuam, ut tibi, et eidem regi Francorum, ac subjectis utrique populis, pacem tribuas, dignanter elegit, ut licet ad butum divine potentie sue omnia fiant, et ad Imperium ejus stet procelle spiritus, quiescat impetus tempestatis, et prostrate pacis amenitas revirescat, Te tamen, quadam peculiari prerogativa dilectionis, suum in consummatione pacis hujusmodi voluerit habere ministrum.
Quaesumus itaque Pietatem tuam, et per viscera misericordiae Dei attentius obsecramus quatinus, Gratiae ipsius Dona, quibus Te copiosa distributione praevenit, Filiali Gratitudine recognoscens, et diligenter attendens quod tanto ipsi Creatori tuo magis es Debitor, quanto ab eo majora Beneficia percepisti (cum, adauctis Donis, Donorum crescant etiam Rationes) nec minus rememorans Dispendia Rerum, Discrimina Corporum, et Animarum Pericula, quae in tua et ipsius Regis Francorum Discordia multifarie perpessus est Populus Christianus.
Ut Impedimenta Negotiorum Dei, et praecipue Terrae Sanctae (quae Ancilla Canibus, et Tributaria Sarrecenis, tuum et ipsius Regis Francorum Auxilium in sua Liberatione deplorat et expectat anxia) raceamus, Animum tuum ad Pacem habilites, Cor praepares, disponas et Mentem ; Sic enim fame tue Titulos clariores efficies ; sic Honoris gloriam constitues ampliorem ; sic Laudibus tuis indeficientem adicies cumulum ; sicque Romanam Ecclesiam, Matrem tuam, letificabis in gaudio ; et, quod hiis omnibus majus est, eterne salutis premia consequeris.
Ceterum, cum, dilectus filius noster Petrus Basilice Duodecim Apostolorum Presbyter cardinalis (qui, pro parte dicti Regis Francorum, unus fuit ex Tractatoribus Pacis hujusmodi) pro directione et consummatione felici Tractatus Pacis ejusdem, ad Partes ipsas ducat se praesentialiter conferendum, Nos, attendentes quod, licet eundem Cardinalem, ad dirigenda et promovenda commoda dicti regis Francorum, inducat beneficiorum ratio perceptorum. Quia tamen, cum adhuc in minoribus constitutum, zelatorem Pacis et communis Amatorem Boni sincerum, experientia docente, cognovimus, et tunce, cum augmento status, affectum quoque circa hec teneramus firmiter accrevisse. Ac ob hoc speramus et credimus ipsum expeditioni prospere dicti negotii plurimum profuturum, serenitatem tuam attente rogamus quatinus eundem cardinalem, pro virtutum suarum meritis, publice Utilitatis intuitu, Honoris tui consideratione, ac nostre Interventionis obtentu, Benigne recipias, et digna honorificentia prosequaris.
Datum apud Villam Novam Avinionensis dioecesis, quarto kalendas junii, pontificatus nostri anno quinto. -
A relire
Absente des registres.
Informations
Document
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27341 (aposcripta-4059), http://telma.irht.cnrs.fr/chartes/en/aposcripta/notice/27341 (mise à jour : 24/05/2024).