Description
-
Boniface VIII (1294-1303)
-
à renseigner
-
XIII kalendas decembris, pontificatus nostri Anno tertio
-
-
Rome
-
n.c.
-
[Expédition] E. Barcelone, Arxiu Diocesà, Col·legiata de Santa Anna, Pergamí, carpeta 24, núm. 20. a Butlla perduda.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 588.
-
n.c.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII mana al prior de Santa Eulàlia del Camp de Barcelona que decideixi el conflicte entre el comanador i els frares de la casa de Santa Anna de Barcelona, de l’orde de sant Agustí, i Berenguer Tribó, ciutadà d’aquesta ciutat, casat legítimament i que volia entrar a l’esmentada casa, i el bisbe de Barcelona (Bernat Pelegrí) i el mestre Arnau de Torre, canonge de Barcelona, que enviaren una lletra executòria a aquella casa perquè l’acollís [Schmidt et Sabanés i Fernandez].
-
Bonifatius episcopus servus servorum Dei, dilecto filio.. priori sancte Eulalie de Campo Barchinonensis salutem et apostolicam benedictionem.
Significarunt nobis dilecti filii.. commendator et fratres domus sancte Anne Barchinonensis ordinis sancti augustini, quod licet Berengarius dictus Trippo civis Barchinonensis legitimam haberet uxorem ab eo carnaliter cognitam et secum in seculo permanentem, que nec castitatem noverat nec religionem intrarat nec etiam eidem B. licentiam dederat ad aliquem ordinem transeundi nec eam dare nec castitatem ipsam vovere seu religionem intrare volebat, nichilominus tamen idem civis de hiis tacito ac falso suggesto nobis se multa paupertate gravari quanvis esset in temporalibus rebus habundans, de quibus poterat sibi sueque familie in victu et vestitu ac aliis sibi necessariis providere super receptione sua in dicta domo in socium et in fratrem nostros ad venerabilem fratrem nostrum.. episcopum ac magistrum Arnaldum de Turri canonicum Barchinonenses certi tenoris litteras executorias dicitur impetrasse, quarum pretextu ipsi episcopus et canonicus eisdem commendatori et fratribus mandaverunt, ut eundem civem infra certum terminum in dicta domo in socium reciperent et in fratrem, alioquin in eorum personas nominatim excommunicationis, in dictam domum vero et ecclesiam ipsorum interdicti sententias promulgabant. Ex parte vero dictorum commendatoris et fratrum fuit infra predictum terminum coram eisdem episcopo et canonico excipiendo propositum, quod cum dictus civis legitimam haberet uxorem ab eo carnaliter cognitam et secum in seculo permanentem, que nec castitatem voverat nec religionem intrarat nec eciam eidem viro licentiam transeundi ad aliquem ord[inem...] nec eam dare nec castitatem ipsam vove[.....]re volebat, nec de hiis in dictis litteris mentio haberetur et habundaret in rebus temporalibus, de quibus ut premittitur in [....] et vestitu et aliis necessariis poterat sibi et familie sue congrue providere, licet in litteris exprimeretur eisdem, ipsum multa paupertate gravari prout erant legitime probare parati, iidem episcopus et canonicus eos ad receptionem dicti civis taliter uxorati et in temporalibus habundantis per litteras ipsas ut predicitur per veri suppressionem et falsi suggestionem obtentas, compellere de iure non poterant nec debebant. Et quia iidem episcopus et canonicus eosdem commendatorem et fratres super hoc audire contra iusticiam denegantes eos ad receptionem dicti civis sic uxorati et habundantis nichilominus compellebant, iidem commendator et fratres sentientes ex hoc indebite se gravari ad Sedem apostolicam appellarunt.
Quocirca discretioni tue per apostolica scripta mandamus, quatinus vocatis qui fuerint evocandi et auditis hincinde propositis quod canonicum fuerit appellatione remota decernas, faciens quod decreveris per censuram ecclesiasticam firmiter observari. Testes autem qui fuerint nominati, si se gratia odio vel timore subtraxerint, censura simili appellatione cessante compellas veritati testimonium perhibere. Proviso ne aliquis auctoritate presentium extra suam civitatem et diocesim ad iudicium evocetur nec procedatur in aliquo contra eum.
Datum Rome apud Sanctum Petrum, XIII kalendas decembris, pontificatus nostri Anno tertio. -
n. c.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192925 (aposcripta-40665), http://telma.irht.cnrs.fr/chartes/en/aposcripta/notice/192925 (mise à jour : 19/06/2024).