Description
-
Boniface VIII (1294-1303)
-
Le roi de Sicile, Charles II
-
VII kalendas iulii, pontificatus nostri anno primo
-
-
Anagni
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 19, núm. 30. a Butlla perduda.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 515.
-
b Domínguez Sánchez, Documentos de Bonifacio VIII, p. 141, doc. 61. c THOMAS, Registres de Boniface VIII, I, col. 67, doc. 180. d MIQUEL ROSELL, Regesta, p. 130, doc. 234. e Schedario Baumgarten, II, p. 594, doc. 4466.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII comunica al rei Carles II de Sicília (Nàpols i d’Anjou) que atorga dispensa de l’impediment de consanguinitat o afinitat en quart grau o en tercer i quart al rei Jaume II d’Aragó, perquè així pugui contraure matrimoni amb la seva filla Blanca d’Anjou. [Schmidt et Sabanés i Fernandez].
-
Bonifacius episcopus, servus servorum Dei, carissimo in Christo filio Carolo Sicilie regi illustri salutem et apostolicam benedictionem.
Etsi inter illos qui consanguinitatis vel affinitatis nexu iunguntur, instituta sacrorum canonum matrimonialem copulam interdicant, summus tamen pontifex ex potestatis plenitudine quam non ab homine obtinet sed a deo, personarum et temporum qualitate pensata utiliora prospiciens, nonnumquam rigorem iuris, maxime circa sublimes personas pro pace regnantium et regnorum mansuetudine temperat, et quod negat arta severitas, benignitas provide dispensationis indulget.
Cum igitur inter te et Iacobum regem Aragonum tractatus pacis sit habitus et firmatus, qui si ad votivum perducatur effectum, auctore domino statum producet quietis inter maiores fideles principes orbis terre et in eodem tractatu devenerit, quod idem rex Aragonum et Blanca filia tua, qui ex pluribus diversisque lateribus in quarta vel ad plus tertia et quarta consanguinitatis seu affinitatis contingunt se linea, matrimonialiter copulentur, supplicasti nobis humiliter quod iidem rex Aragonum et Blanca impedimentis consanguinitatis seu affinitatis huiusmodi non obstantibus, matrimonium inter se licite contrahere valeant, cum dispensatione plenitudinis apostolice potestatis. Nos vero vicarii licet immeriti pacis auctoris, qui facit concordiam in sublimibus suis, inter te et eundem Iacobum regem Aragonum, inter quos gravis admodum diuturna et dissidiosa contentio mundo attulit calamitates et bella, reformari pacis federa cupientes propter statum miserabilem Terre sancte precipue que fidelium principum orbis terre distractorum invicem ad concertationes et prelia subsidii debiti dampna plorat, ad reparationem quoque status tui et regni Sicilie, multis concussi turbinibus et agitati procellis, specialem nec immerito habentes considerationis intuitum, quod prefati Iacobus rex Aragonum et Blanca, etiam si ex duobus tribus pluribus diversisve lateribus in quarta vel ad plus tertia et quarta consanguinitatis seu affinitatis linea se contingant, matrimonium inter se libere contrahere valeant, non obstantibus impedimentis predictis, auctoritate apostolica dispensamus, prolem suscipiendam ex eis legitimam decernendo.
Nulli ergo omnino hominum liceat hanc paginam nostre dispensationis et constitutionis infringere vel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum.
Datum Anagnie, VII kalendas iulii, pontificatus nostri anno primo. -
n. c.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192842 (aposcripta-40583), http://telma.irht.cnrs.fr/chartes/en/aposcripta/notice/192842 (mise à jour : 19/06/2024).