Description
-
Boniface VIII (1294-1303)
-
à renseigner
-
X kalendas iulii, pontificatus nostri anno primo
-
-
Anagni
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 19, núm. 20. a Butlla reaprofitada amb fil de cànem.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 507.
-
b FINKE, Acta Aragonensia, III, p. 44-45, doc. 22. c THOMAS ; FAWTIER, Registres de Boniface VIII, IV, p. 71, doc. 5569. d Domínguez Sánchez, Documentos de Bonifacio VIII, p. 134-135, doc. 53. e MIQUEL ROSELL, Regesta, p. 126, doc. 225. f Schedario Baumgarten, II, p. 591, doc. 4455.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII expressa a Jaume II, fill del difunt rei Pere II d’Aragó (el Gran), l’alegria que li ha causat el seu retorn a l’Església, i l’anima a persistir en els bons propòsits. [Schmidt et Sabanés i Fernandez].
-
Bonifatius VIII episcopus servus servorum Dei, Iacobo nato quondam Petri olim regis Aragonum spiritum consilii sanioris. Gaudet sancta mater ecclesia renascentis filii conversione iocunda, exultat et merito letanter attendens se “dragmam deperditam invenisse” publice ac vigentis letitie rore perfunditur, dum ruinas quas quondam Petri olim regis Aragonum patris tui ad orbis scandalum tumultuosa commotio pertulit tuaque continuatio agregavit in culpam, impleri per tuum aliorumque tuorum sequacium reditum ad ipsius ecclesie unitatem sine stragis cuiusque periculo solo pacis auctore previo intuetur. Exultamus et nos pastoris, prout domino placuit, vices gerentes in ea. Exultamus et merito in illo vero pastore “qui animam suam ponere pro suis ovibus non expavit”, de cuius munere firmiter provenisse supponitur, ut “ovis, que perierat, sit inventa et revixerit” filius, quem mors anime, mors utique gravior occuparat. Occurrimus itaque tibi de regione dissimilitudinis redeunti, collo tuo brachiis paterne affectionis accumbimus et te solide caritatis osculo pressius osculamur. O! utinam, fili, tibi pateret ad plenum, quantus fuerit in ecclesia iubilus, cum in consistorio publico insinuatus extitit exhibitus tue devotionis affectus ad ipsius, unde olim recesseras, matris ecclesie unitatem. O si verba benedicentium domino et nomen eius laudantium precipue prelatorum in tuis sonuissent auribus et revelata facie ipsorum oculos deducentes lacrimas inspexisses. Profecto prudenter adverteres, quod erant tam excussi doloris indices quam adepte letitie proditrices. Exulta igitur et tu fili exulta et letare in eo, qui est splendor glorie ac lucis eterne lux, inquam, lucens in tenebris et illuminans venientem omnem hominem in hunc mundum, qui sic tuum animum suo lumine illustravit, ut obsistentia fugata caliginis, viam iam ingressus fueris veritatis. Exulta et gaude tantis ac talibus angustiosis dissidiis talem datum reparationis effectum, per quem et tue saluti oportune consulitur et utiliter omnibus tui status circumstantiis providetur. Persistas igitur et insistas, ut quod cepisti provide, prudentius exequaris, pro posse daturus operam, ut pacis firmate tractatus nulla dilationis prepedia sentiat, nulla quod absit dispendia dissolutionis incurrat, sed per tuum sollers ministerium unitis scissuris singulis, sublatis anfractibus ad limitem perveniat affectatum. Dei quidem perfecta sunt opera et tu creatura eius creatorem ipsum in tam placidi consumatione operis immitare pro viribus, ut spei concepte de premio res succedat et promissum debitum exhibitio realis exsolvat tibique proinde inter cetera contingentia “bona “mundo et temporale proveniat meritum et a divina clementia expectare condigne valeas salutaris retributionis augmentum.
Datum Anagnie, X kalendas iulii, pontificatus nostri anno primo. -
n. c.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192834 (aposcripta-40575), http://telma.irht.cnrs.fr/chartes/en/aposcripta/notice/192834 (mise à jour : 14/06/2024).