Description
-
Boniface VIII (1294-1303)
-
à renseigner
-
XII kalendas iulii, pontificatus nostri anno primo
-
-
Anagni
-
n.c.
-
[Expédition] E. Barcelone, Arxiu de la Corona d’Aragó, Ordes religiosos i militars, Sant Joan de Jerusalem, carpeta 47, núm. 577. a Butlla perduda.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 496.
-
n.c.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII mana a l’abat del monestir de Ripoll, diòcesi de Vic, que decideixi el procés entre el comanador i els frares de l’orde del Temple de Gardeny fora de Lleida, i Domènec, rector de l’església de Sant Llorenç de Lleida, sobre el perjudici que li causa la campana de l’església del Temple [Schmidt et Sabanés i Fernandez].
-
Bonifatius episcopus servus servorum Dei, dilecto filio.. abbati monasterii Rivipollensis Vicensis diocesis salutem et apostolicam benedictionem.
Sua nobis.. commendator et fratres domus Militie Templi in Gardenio iuxta Ilerdam petitione monstrarunt, quod Dominico rectore ecclesie sancti Laurentii Ilerdensis intimante venerabili fratre nostro.. episcopo Ilerdensi quod dicti commendator et fratres in ecclesia dicte domus quandam de novo campanam habere seu ponere intendebant, per quam campanam sibi et dicte ecclesie sancti Laurentii magnum poterat preiudicium evenire, dictus episcopus eosdem commendatorem et fratres occasione huiusmodi moneri fecit, ne ipsi dictam campanam in prefata domo habere seu ponere attemptarent. Ex parte vero dictorum commendatoris et fratrum fuit coram eodem episcopo excipiendo propositum, ut cum tam ipsi quam predecessores eorum eiusdem domus commendatores et fratres fuerint in pacifica possessione habendi campanam in ecclesia dicte domus a tempore, cuius memoria non existit, ipsi qui erant parati super hoc coram competenti iudice stare iuri, monitioni ipsius episcopi in hac parte parere minime tenebantur. Quare pro parte dictorum commendatoris et fratrum fuit dicto episcopo humiliter supplicatum, ut processum huiusmodi quatenus de facto processerat revocaret, et quia dictus episcopus eos super hoc audire contra iustitiam denegavit, ipsi sentientes ex hoc indebite se gravari, ad Sedem apostolicam appellarunt.
Quocirca discretioni tue per apostolica scripta mandamus, quatinus vocatis qui fuerint evocandi et auditis hincinde propositis quod iustum fuerit appellatione remota decernas, faciens quod decreveris per censuram ecclesiasticam firmiter observari. Testes autem qui fuerint nominati, si se gratia odio vel timore subtraxerint, per censuram eandem appellatione cessante compellas veritati testimonium perhibere. Proviso ne aliquis auctoritate presentium extra Ilerdensem et Vicensem civitates et dioceses ad iudicium evocetur nec procedatur in aliquo contra eum.
Datum Anagnie, XII kalendas iulii, pontificatus nostri anno primo. -
n. c.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192823 (aposcripta-40564), http://telma.irht.cnrs.fr/chartes/en/aposcripta/notice/192823 (mise à jour : 14/06/2024).