« Lettre de Marguerite de Provence à Édouard Ier (30 octobre 1281) (18) »
Document | actes-des-femmes-de-pouvoir/notice/192614
Description
-
Édouard Ier
-
Lettre
Identification du témoin
-
Lettre
Royaume-UniKewSC/1/17/130134Original
Identification de l'édition
-
CHAMPOLLION-FIGEAC, Jacques-Joseph, Lettres de rois, reines et autres des cours de France et d’Angleterre, depuis Louis VII jusqu’à Henri IV, Paris, Imprimerie royale, 1839, pièce n°CCX, page 265.
Sceau
-
non
Texte
-
A très haut et à très excellent prince son chier et son très amé neveu Edouard, par la grace de Dié roi d’Angleterre, Margarite, par icele meesme grace reine de France, salut et vraie amor de tante. Très chiers niés, nos vos avons fet assavoir et faisons encores, que nos et mout de nos amis, avons été nouvellement à Mascon; c’est assavoir li arcevesque de Lion, li évesque de Langres, li cuens de Savoie nostre oncles, li cuens de Champaigne vostre frères, nostre niés li cuens d’Alançon, nostre fius li dux de Borgoigne, nostre fils li cuens de Borgoigne, Thomas de Savoie nostre cosins, li cuens de Viene, mesires Hanris de Paigni, et plusors de nos autres amis. Et à tos ces ensemble nos mostrames le droit que nous avons en la terre de Provence et le grant tort que li rois de Sécille nos a fet et fet de ladite terre, et coment nos avons porséu nostre droit par devant plusors apostoiles; et coment li rois d’Alemaigne avoit receu nostre homage de ladite terre et des apertenences; et coment il avoit mandé à tus ceux de Provence que il nos obéissent come à dame et à droit her, sauf le droit à nos autres suers. Et ceste besoigne ensins monstrée à nos amis, nos lour requimes à tous ensemble que il nos voulissent aider à recovrer nostre dret, et à empeschier que li princes de Salerne ne poust venir au roiaume d’Arle et de Viene, que il porchace vers le roi d’Alemaigne. Et à ce ils nos respondirent tuit ensemble et chascuns pour soi, que il nos aideroient de cors, d’avoir, et de terre, et de homes, à petite force et à grant, à recovrer nostre droit toutes les fois que nos les en requeriens, et que il empecheroient que li dis princes ne poust venir audit roiaume. Et de ce ils nos donerent tuit lour letres pendans dont nos nos louons mout à vos et à tous nos amis. Et por ce, très chiers niés, que nos nos fions plus de vos de ceste besoigne et de toutes autres que en nulle persone qui vive, amprès le roi nostre fil, nos recourons à vos et vos prions tant com nos poons que vos, si com vos nos avés promis largement de aider, vostre très grant merci, voeilliés metre ceste aide à oeuvre, et ordener; et mandés-nos certainement quel aide vos nos entendés à faire; car nos entendons à faire nostre semonse à Lion, la première semaine de may qui vient, pour aller avant en nostre besoigne. Chier niés, nous vus prions que vos créiés se il vos plet monseigneur Pierre de Frens qui ces lettres porte, de ce que il vos dira de part nos. Nostre Sire vos gart. Doné à Mascon, le jeudi devant la feste de Toussains.
-
Marguerite de Provence
-
Édouard Ier
-
Philippe I er, comte de Savoie
-
Le comte de Champagne, Edmond de Lancastre
-
Le duc de Bourgogne, Robert II de Bourgogne
-
Le comte d’Alençon, Pierre d’Alençon
-
Le comte de Bourgogne, Otton IV de Bourgogne
-
Le comte de Vienne, Philippe de Vienne
-
Messire Henri de Paigni
-
Thomas de Savoie
-
L’Archevêque de Lyon, Adhémar ou Aymar de Roussillon
-
L’évêque de Langres, Gui de Genève
-
Charles d'Anjou, roi de Sicile
-
Charles de Salerne
-
Mâcon
-
Royaume d'Arles et de Vienne
Bibliographie
-
CHAMPOLLION-FIGEAC, Jacques-Joseph, Lettres de rois, reines et autres des cours de France et d’Angleterre, depuis Louis VII jusqu’à Henri IV, Paris, Imprimerie royale, 1839, pièce n°CCX, page 265.
Edgar BOUTARIC, « Marguerite de Provence, son caractère, son rôle politique », Revue des questions historiques, Deuxième année, 1867, vol. 3, p. 417-458.
Gérard SIVÉRY, Marguerite de Provence, une femme aux temps des cathédrales, Paris, Fayard, 1987.
Audrey DUCHATEL, Marguerite de Provence, recherches sur l'impact de l'héritage catalano-provençal dans le rôle et la perception d'une reine de France au XIIIe siècle, Thése de doctorat, Université Nice Côte d'Azur, 2023.
Informations
Document
Audrey
Duchatel
(Université de Nice), dans
Actes des femmes de pouvoir
label.quote.actes-des-femmes-de-pouvoir