Général
-
Jean XXII (1316-1334)
-
Officiali Constantiensi (Constanz in Germania) mandat, ut Mathildem Alberti de Friberc recipi faciat in monasterio de Söflingen ord. s. Clarae.1
-
1320, iunii 17, Avinione.
-
1320
-
Dilecto filio ‥ officiali Constantiensi.
Cum, sicut accepimus, dilecta in Christo filia Matildis, nata dilecti filii nobilis viri Alberti de Friberc, puella Constantiensis dioecesis cupiat in monasterio Seuelingena ordinis sanctae Clarae dictae dioecesis sub regulari habitu virtutum Domino famulari: nos, cupientes eandem puellam in huiusmodi suo laudabili proposito confovere, discretioni tuae, de qua fiduciam gerimus in Domino specialem, per apostolica scripta mandamus, quatenus eandem puellam, si eam idoneam esse repereris et aliud sibi canonicum non obsistat, auctoritate nostra in dicto monasterio recipi facias in monacham et sororem et sincera in Domino caritate tractari: non obstantibus de certo monialium numero, si forsan inibi existat, et quibusvis aliis statutis etc. Datum Avinione, XV kalendas iulii, anno quarto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°399., pp.185-186
-
Reg. Vat. t. 70, f. 521, ep. 1319.
1 -
(a) Söflingen prope Ulm.