Général
-
Innocent IV (1243-1254)
-
Facultatem tribuit Ministros, Fratresque Ordinis Minorum intra Monasteria admittendi quibusdam de causis. (Regest. Vatic. epist. 134. teste Waddingo in Annal. Minor. ad hunc annum num. 39. al. 623. ep. Vatic. Regest., & ex Archivo Ordinis Romæ apud SS. Apostolos.)
-
Anno 1245. die 21. Octobris.
-
1245
-
INNOCENTIUS &c.
Dilectis in Christo Filiabus universis Abbatissis, & Monialibus inclusis Monasteriorum Ordinis Sancti Damiani a Salutem, & Apostolicam Benedictionem.
Vestris piis supplicationibus inclinati Ministris, & Fratribus Ordinis Minorum, qui curæ vestræ, vel Monasteriorum vestrorum obsequiis deputantur; seu qui de ipsorum Ministrorum licentia ad vos accesserint, ut pro exercendo Monasteriorum ipsorum opere, vel illis conservandis ab incendio, seu latronibus defendendis, aut aliis rationabilibus, & honestis causis; aut Fratri Presbytero, ut cum uno ipsorum Fratrum Clerico idoneo pro audiendis confessionibus vestris, & extrema Unctione, ac aliis Sacramentis Ecclesiasticis exhibendis, vobis infirmitate cogente, ac sepeliendis corporibus Sororum decedentium; nec non Fratribus Visitatoribus vestris, qui pro tempore fuerint, ut associatis sibi duobus idoneis Fratribus sui Ordinis pro visitatione facienda Monasteria ipsa secundum tenorem, quem Formula b vitæ vestræ noscitur contineri, ingredi; & Ministris præfatis, ut ad prædicta Monasteria in festivitatibus specialibus eorumdem, & Sororum vestrarum obitu ad celebrandum in eis Divinum Officium, & ad proponendum verbum Dei Populo, qui tunc, aliisque temporibus ibidem convenerit; nec non pro aliis rationabilibus, & honestis causis; ac ad Portas, Crates, & Locutoria Monasteriorum ipsorum, cum expedire viderint, accedere, & Fratres sui Ordinis destinare valeant, liberam concedimus auctoritate præsentium facultatem. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis &c.
Datum Lugduni xii. Kal. Novembris Pontificatus Nostri Anno Tertioc.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CV., pp.388-389
-
(a) Ordinis S. Damiani:
Assisiaten., postea jussu Urbani IV. S. Claræ nuncupati. -
(b) Formula: Quam illis S. P. Franciscus, & postea Ugolinus Card. Ostien. Episcopus, & Ordinis Protector perscripsit.
-
(c) Hanc concessionem fecerat & Gregorius IX. anno 1241. die prima Junii supra relatam, sed Innocentius etiam ampliavit.