Général
-
Innocent IV (1243-1254)
-
Le roi de Bohême
-
kalendis iulii, anno XI
-
-
Assise
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio Segreto Vaticano,
Registra Vaticana... Inn. IV Reg. Vol. III, 1; Lib. XI, 5. Pertzii exemplar contulimus cum Regestis. -
Ici reprise de Karl Rodenberg, Epistolae saeculi XIII e regestis pontificum Romanorum selectae, III, Berlin : Weidmann (MGH), 1894, n. 215, p. 185 [en ligne].
-
?
-
Potthast, Regesta pontificum Romanorum, n. 15033 et 15034 [en ligne].
-
Innocentius IV papa [Wenceslaum] regem Bohemiae hortatur, ut a guerris, quas una cum P[rzemislao] duce Austriae contra [Belam IV] regem Ungariae gerat, omnino desistat; nuntiat se fratrem Valascum poenitentiarium suum pro pace reformanda destinare [Rodenberg].
-
. . regi Boemie.
Si considerarent, ut expediret, guerrarum discrimina dimicantes, cum hinc inde vix aut nunquam nisi animarum pericula, excidia personarum et rerum dampna reportent, ab earum forsan inchoatione vel saltim exercitio abstinerent. Set quia quosdam sic plerumque impetus furoris involvit, ut eo plus se bellis exercitent, quo magis ipsorum non sine amaritudine detrimenta degustant: oportet nos, qui non tam puri hominis quam veri Dei vicem in terris gerimus, partes nostras contra talia interponendo discrimina, removere scandala, sedare litigia et revocare ad concordiam discordantes. Accepimus siquidem veridica relatione multorum, quod inter te et P. natum tuum ducem Austrie ex parte una et carissimum in Christo filium nostrum . . regem Ungarie illustrem ex altera adeo scintilla discordie sufflante inimico humani generis est succensa, ut quos antea familiaris decorabat dilectio et familiaritas confovebat alterna, tempestatis exagitet spiritus et in profundum vorago iurgiorum absorbeat, dum ad non necessaria bella set perniciosa prorsus insurgitis et ad invicem dimicatis. Sicque fit, quod vobis regna vestra predantibus et depopulantibus circumpositas regiones, terra remanet habitatoribus, pro dolor! desolata. Quia vero nostre sollicitudinis interest, ut nos, qui disponente Domino universali regimini presidemus, ex officio nostro, pro eo maxime quod ecclesie, que inde consueverunt nunc ledi, nunc destrui, preserventur et Christianus populus taliter non perdatur, tantis occurramus periculis remediis oportunis: celsitudinem tuam rogamus, monemus et hortamur attente, in remissionem tibi peccaminum imponentes, quatinus ab huiusmodi guerris omnino desistens, cum predicto rege sic ad pacem et concordiam pro apostolice sedis et nostra reverentia sine dilatione ac difficultate qualibet revertaris, quod exinde apud Deum et homines valeas non immerito commendari. Nos enim dilectum filium fratrem Valascum, penitentiarium nostrum, ad partes illas ad reformanda inter vos pacis federa destinamus, dantes ei cogendi contradictores et rebelles per excommunicationis in personas et terras ipsorum interdicti sententias plenariam potestatem — non obstante si vobis ab apostolica sede concessum sit, ut in vos seu terras vestras non possint huiusmodi sententie promulgari.
Dat. Asisii, Kalendis Iulii, anno XI°.
In eundem modum nobili viro . . duci Austrie.
In eundem modum . . regi Ungarie. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
?
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 149427 (aposcripta-8990), http://telma.irht.cnrs.fr/chartes/aposcripta/notice/149427 (mise à jour : 05/07/2023).