Général
-
Innocent IV (1243-1254)
-
Magistro Iordano subdiacono et notario nostro, Campanie Maritimeque rectori
-
VI nonas iulii, anno XI
-
-
Assise
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio Segreto Vaticano,
Registra Vaticana... Inn. IV Reg. Vol. III, 129; Lib. XI, cur. 2. Epistolam ex Regestis descripsit V. Cl. Meynke. -
Ici reprise de Karl Rodenberg, Epistolae saeculi XIII e regestis pontificum Romanorum selectae, III, Berlin : Weidmann (MGH), 1894, n. 216, p. 186 [en ligne].
-
?
-
?
-
Innocentius IV papa magistro Iordano subdiacono et notario suo, Campaniae et Maritimae rectori, nuntiat se omnes concessiones de redditibus et iuribus ecclesiae in Campania et Maritima non perpetuo factas revocare [Rodenberg].
-
Magistro Iordano subdiacono et notario nostro, Campanie Maritimeque rectori.
Si circa ecclesias alias illius vigilantie studium adhibemus, ut earum iura minorationis detrimenta non subeant sed integra conserventur, de negligentia utique nimia non indigne notari possemus, si erga Romanam ecclesiam matrem et dominam omnium aliarum, cui specialius disponente Domino presumus, diligentiam non impenderemus omnimodam, ne possint bona eius aliqua occasione diminui vel quacumque detentione temeraria occupari. Verum quia multa de iuribus ipsius ecclesie, pretextu gratie facte interdum de ipsis aliquibus, diminuta non modicum et aliqua suppressa et offuscata enormiter, nonnulla etiam amissa quasi penitus dinoscuntur, nos, ex preteritis cautelam sumentes necessariam pro futuris et instructi precedenti iactura, quomodo subsequenter vitare similia debeamus, quia de proventibus, redditibus et iuribus, que in Campania et Maritima predicta ecclesia obtinet, nonnullis aliqua per nos et predecessores nostros de gratia, non tamen perpetuo, sunt concessa, ut precaveamus indempnitati eiusdem ecclesie in hac parte, provida cum fratribus nostris deliberatione prehabita de consilio eorundem omnes concessiones, donationes, commissiones et gratias, de proventibus, redditibus, iurisdictionibus, dominiis et iuribus ipsius ecclesie in partibus earundem Campanie et Maritime sive in Trebe, Anticuli, Guarcini, Vici et Collopardi castris sive in Ferentina et Verulana civitatibus sive in locis aliis partium predictarum per nos vel predecessores eosdem aut per rectores, qui pro tempore in ipsis partibus extiterunt, factas quibuscumque personis, baronibus, militibus seu aliis, sive sint Romani sive Campani vel Maritimani sive alii, aut ad ipsorum vitam aut ad certum tempus aut usque ad nostrum beneplacitum aut alias etiam, penitus auctoritate apostolica revocamus, decernentes illas et litteras quaslibet apostolicas et rectorum ipsorum super ipsis concessas vel obtentas ulterius non valere, ac precipientes firmiter, ut tibi et rectoribus, qui post te in eisdem partibus pro tempore fuerint, de premissis proventibus, redditibus, iurisdictionibus, dominiis et iuribus — predictis concessionibus, donationibus, commissionibus et gratiis ac litteris nequaquam obstantibus — respondeatur totaliter et super omnibus hiis plenarie intendatur. Nulli etc. nostre revocationis, constitutionis et precepti paginam infringere etc.
Dat. Asisii, VI Nonas Iulii, anno XI°. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
?
-
Inconnue de Potthast.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 149428 (aposcripta-8991), http://telma.irht.cnrs.fr/chartes/aposcripta/notice/149428 (mise à jour : 17/05/2024).