Description
-
Jean XXI (1276-1277)
-
Le chapelain du pape maître Henri de Vézelay
-
X kalendas februarii, anno primo
-
-
Viterbe
-
Mandement (littere cum filo canapis)
-
[Expédition] E. FRANCE, Archives nationales de France, J 448/93.
-
Ici reprise de Charles-Victor Langlois, Le règne de Philippe III le Hardi, Paris, 1887, p. 425-426, d'après EIci reprise de Charles-Victor Langlois, Le règne de Philippe III le Hardi, Paris, 1887, p. 444-447, n. 26, d'après E [en ligne].
-
Bernard Barbiche, Les actes pontificaux originaux des Archives Nationales de Paris, Cité du Vatican, 1975-1982, II, n. 1574, p. 216.
-
Jean [XXI] exhorte son chapelain Henri de Vézelay à réchauffer le zèle du roi de France [Philippe III] pour le secours de la Terre sainte.
-
Johannes episcopus, servus servorum Dei, dilecto filio magistro Henrico de Virzeliaco, capellano nostro, salutem et apostolicam benedictionem.
Statum lugubrem Terre Sancte quam tyrampni sevissimi rabies furibunda dilaniat sedule considerationis oculo intuentes et degentium in ipsa fidelium multis malis que jugiter renovantur in illis paterno compatientes affectu, studemus cogitare remedia per qua ipsius Terre dira vulnera fomenta suscipiant anthidoti salutaris et amara fidelium condicio in status prosperi dulcedinem conservetur.
Ad hoc siquidem promovendum illud precipuum et pernecessarium ac prorsus expediens fore cognoscimus ut Terre memorate residuum quod adhuc sub christianorum potestate consistit vigili sufficientique custodia conservetur.
Cum itaque venerabilem fratrem nostrum archiepiscopum Corinthiensem ad presentiam charissimi in Christo filii nostri regis Francorum illustris propter hoc specialiter destinemus, nec referatur in dubium te deliberationem diligere dicte Terre, discretionem tuam monemus, rogamus et hortamur attente, per apostolica tibi scripta mandantes quatinus, habens hujusmodi negocium propensius commendatum, eundem regem ad sufficientem et celerem ipsius Terre succursum, prout ejus miserabilis et periculosus status exigit, continuandum ab eodem rege usque ad tempus passagii generalis, prudenter et caute, prout tua noverit industria circumspecta, sollicites et inducas, certus quod bonorum omnium Retributor Altissimus tue sollicitudinis studium condignis premiis prosequetur ac Sedis apostolice gratia, quam devotis filiis libenter exponimus, circa te suscipiet incrementum.
Datum Viterbii, X kalendas februarii, pontificatus nostri anno primo.
Informations
Document
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27368 (aposcripta-4075), http://telma.irht.cnrs.fr/chartes/en/aposcripta/notice/27368 (mise à jour : 11/01/2019).