Description
-
Benoît XIII (antipape ; 1394-1423)
-
Pour mémoire perpétuelle de la chose
-
XV kalendas decembris anno secundo ; expeditum II nonas januarii anno secundo, traditum parti nonis januarii anno secundo1
-
-
Avignon
-
Bulle (ad perpetuam rei memoriam)
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Avinionensia 299, fol 221.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 24-2, 1908, p. 223-234, aux p. 232-234 [en ligne].
-
Benoît XIII notifie la sentence prononcée au sujet de la compétition de Guillaume de Trébiguet et de Guillaume le Roux au siège abbatial de Redon.
-
Ad perpetuam rei memoriam.
Dudum per felicis recordationis Clementem papam VII, predecessorem nostrum, accepto quod dilectus fîlius Guillelmus, monachus, tunc abbas monasterii Sancti Salvatoris de Rotono, ordinis Sancti Benedicti, Venetensis diocesis, ex certis rationabilibus causis desiderabat regïmini dicti monasterii eedere, et quod Guillelmus, abbas monasterii Beate Marie de Troncheto, dicti ordinis, Dolensis diocesis, prefatum monasterium Sancti Salvatoris utiliter et salubriter regeret et etiam gubernaret, idem predecessor episcopo Andegavensi, ejus proprio nomine non expresso, suis dedit litteris in mandatis ut, si dictus Guillelmus, monachus, tunc abbas ejusdem monasterii, regimini cedere vellet, cessionem ipsam ab eo vel procuratore suo, ad hoc ab ipso speciale mandatum habente, auctoritate apostolica reciperet et admitteret, ac de persona dicti Guillelmi, abbatis dicti monasterii Beate Marie, si ipsum ad regimen ipsius monasterii sancti Salvatoris predictum utilem et ydoneum esse repperiret, eidem monasterio, cum per hujusmodi cessionem vacaret, eadem auctoritate provideret, ipsumque illi preficeret in abbatem, prout in dictis litteris plenius continetur ; et deinde prefatus Guillelmus, monachus, tunc abbas, regimini ipsius monasterii, cui tunc preerat, per dilectum filium Matheum de Villa Arnulphi, clericum Macloviensis diocesis, procuratorem suum ad hoc specialiter constitutum, in manibus venerabilis fratris nostri Hardoyni, episcopi Andegavensis, extra Romanam curiam libere cessit ; idemque Hardoynus episcopus, per eum hujusmodii cessione admissa, de persona dicti Guillelmi abbatis dicti monasterii Beate Marie eidem monasterio sancti Salvatoris sic vacanti earumdem litterarum vigore providit ; et subsequenter, orta inter eosdem Guillelmum monachum et Guillelmum abbatem super abbatia dicti monasterii Sancti Salvatoris, quam quilibet ipsorum ad se de jure spectare asserebat, materia questionis, prefatus predecessor causam hujusmodi dilecto filio nostro Guillelmo, tituli Sancti Stephani in Geliomonte presbitero cardinali, ad instantiam dicti Guillelmi abbatis audiendam commisit et fine debito terminandam, non obstante quod causa ipsa de sui natura ad Romanam curiam legitime devoluta, et in ea tractanda et fmienda non esset ; et tandem postquam per dictum Guillelmum cardinalem ad nonnullos actus in causa hujusmodi inter dictas partes processum fuerat, prefatus predecessor causam ipsam dilecto filio nostro Martino, tituli Sancti Laurentii in Lucina presbitero cardinali, ex certis causis audiendam commisit et fine debito terminandam ; et deinde, postquam idem Martinus cardinalis ad nonnullos alios actus in causa ipsa inter easdem partes processerat, dicto predecessore, sicut Domino placuit, vita functo, Nos, divina favente clementia, ad apicem summi apostolatus assumpti, eidem Martino cardinali commisimus ut de meritis cause hujusmodi se legitime informaret et quicquid per informationem hujusmodi reperiret nobis referre curaret ; idemque Martinus cardinalis nobis postmodum in consistorio retulit quod de meritis cause hujusmodi se informaverat legitime et quod per informationem hujusmodi repererat quod inter easdem partes, ut cessio predicta fieret, simoniaca pravitas et nonnulla alia pacta illicita, etiam juramento vallata, intervenerant.
Nos igitur, hujusmodi relatione audita, et fidem plenariam adhibentes ac habita super hiis cum fratribus nostris deliberatione matura, dilectis filiis magistris Alberto de Mediolano, Guillelmi abbatis, et Arimino Savardi, Guillelmi monachi, predictorum, procuratoribus, ad hoc legitime vocatis, et in nostra presentia in eodem consistorio constitutis, per nostram diffinitivam sententiam declaramus neutri dictarum partium in dicta abbatia seu ad eam jus competere ; et, si expediat, utramque partem hujusmodi eadem abbatia volumus remanere privatam, ac monasterium sancti Salvatoris predictum vacare censemus.
Nulli ergo, etc...
Datum Avenione XV kalendas decembris anno secundo ; expeditum II nonas januarii anno secundo ; traditum parti nonis januarii anno secundo1. -
1. Cette bulle a été donnée à Avignon le 17 novembre 1395, expédiée le 4 janvier 1396 et délivrée le 5 janvier 1396.
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27334 (aposcripta-4054), http://telma.irht.cnrs.fr/chartes/en/aposcripta/notice/27334 (mise à jour : 16/05/2024).