Description
-
Jean XXII (1316-1334)
-
Les évêques du Mans et d'Angers ainsi que l'abbé de Saint-Vincent du Mans
-
L'évêque de Rennes, Guillaume Ouvrouin
-
XII kalendas junii, anno tertiodecimo
-
-
Avignon
-
Mandement (littere cum filo canapis)
-
[Registre de la chancellerie apostolique] R1. CITÉ DU VATICAN, Archivio apostolico Vaticano, Registra Avinionensia 33, fol. 420v.
-
[Registre de la chancellerie apostolique] R2. CITÉ DU VATICAN, Archivio apostolico Vaticano, Registra Vaticana 91, ep. com. 2179.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 24-2, 1908, p. 223-234, aux p. 224-226 [en ligne].
-
Les évêques du Mans et d'Angers et l'abbé de Saint-Vincent du Mans sont chargés d'unir certaines paroisses à la mense épiscopale de Rennes [Mollat].
-
Venerabilibus fratribus Cenomanensi et Andegavensi episcopis, ac abbati monasterii sancti Vincenti Cenomanensis, salutem, etc.
Etsi ex injuncto nobis apostolatus officio solicitudo ecclesiarum omnium nobis immineat generalis, circa illas tamen diligentius vigilare nos convenit que dignitate pastorali predite ad suorum sustentationem presulum sufficientes non habent juxta eorum decentiam facultates.
Sane petitio venerabilis fratris nostri Guillelmi, episcopi Redonensis, nobis nuper exhibita continebat quod ecclesia sua Redonensis multum est oneribus pregravata et alias in redditibus secundum [h]onorificentiam ecclesie supradicte valde tenuis et exilis ; quare dictus episcopus nobis humiliter supplicavit ut parochiales ecclesias de Noyallo super siccam, de Perrigneyo, de Argentreyo et de Sancto Georgio de Restembaut, Redonensis diocesis, ad collationem episcopi Redonensis, qui est pro tempore, pleno jure spectantes, quarum omnium fructus, redditus et proventus ducentarum librarum turonensium parvorum secundum taxationem decime valorem annuum, ut ipse asserit, non excedunt, propter hoc mense episcopali Redonensi cum omnibus juribus et pertinentes suis incorporare, annectere et unire perpetuo de benignitate apostolica dignaremur.
Nos igitur, quantum cum Deo possumus, ipsius episcopi supplicationibus volentes annuere in hac parte, discretioni vestre, de qua in hiis et aliis plenam in Domino fiduciam obtinemus, per apostolica scripta mandamus quatinus vos, vel duo aut unus vestrum de fructibus, redditibus et proventibus dictarum ecclesiarum diligentius vos informetis, et, si per informationem eamdem inveneritis quod fructus, redditus et proventus predictarum ecclesiarum summam non excedant predictam, easdem parochiales ecclesias mense ejusdem episcopi auctoritate nostra in perpetuum uniatis et etiain annectatis, ita quod post annexionem et unionem hujusmodi, cedentibus vel decedentibus dictarum ecclesiarum rectoribus, liceat dicto episcopo et successoribus suis episcopis Redonensibus, qui erunt pro tempore, corporalem possessionem ipsarum ecclesiarum per se, vel alium seu alios apprehendere et habere, ipsasque ecclesias et fructus earum in usus proprios perpetuo retinere, cujusquam licentia minime requisita ; reservatis de cujuslibet ipsarum ecclesiarum proventibus perpetuis vicariis, per ipsum episcopum vel eosdem successores constituendis ibidem, congruis portionibus, de quibus ipsi vicarii congruas sustentationes habere, jura episcopalia solvere et alia possint eis incumbentia onera supportare, contradictores per censuram ecclesiasticam appellatione postposita compescendo; non obstantibus si aliqui super provisionibus sibi faciendis de hujusmodi ecclesiis vel aliis beneflciis ecclesiasticis in illis partibus speciales vel generales nostras, vel predecessorum nostrorum Romanorum pontificum, aut legatorum sedis apostolice litteras impetrarint, etiam si per eas ad inhibitionem, reservationem et decretum, vel alias quomodolibet sit processum, quas litteras et processus quoscumque habitos per easdem ad easdem parochiales ecclesias volumus non extendi, sed nullum per hoc eis quoad assecutionem ecclesiarum et beneficiorum aliorum prejudicium generari et qualibet alia dicte Sedis indulgentia generali vel speciali cujuscumque tenoris existat, per quam presentibus non expressam vel totaliter non insertam effectus earum impediri valeat quomodolibet vel differri, et de qua cujusque toto tenore habenda sit in nostris litteris mentio specialis. Nos enim exnunc irritam decernimus et inane si secus super hiis a quoquam, quavis auctoritate, scienter vel ignoranter, contigerit attemptari.
Datum Avenione, XII kalendas junii, anno tertiodecimo
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27333 (aposcripta-4053), http://telma.irht.cnrs.fr/chartes/en/aposcripta/notice/27333 (mise à jour : 13/05/2024).