Description
-
Boniface VIII (1294-1303)
-
Le duc de Bourgogne, Robert
-
VI kalendas julii, anno quarto
-
-
Rome, Saint-Pierre
-
Titre, général (littere gratiose, cum filo serico)
-
[Expédition] E. FRANCE, Dijon, Archives départementales de la Côte-d'Or, B 11637 (fonds de la chambre des comptes de Bourgogne). Bulle de plomb sur fils de chanvre. Sur le pli « P. Reat. ». Au dos : « Petrus de Fracis » [images en ligne].
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Vaticana 49, fol. 98 v, ep. CCCCIII.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. 2796 [en ligne].
-
Committitur sibi et successoribus suis guardia monasterii Sancti Benigni Divionensis, Lingonensis diocesis [Digard].
-
Bonifacius episcopus, servus servorum Dei, Dilecto filio nobili viro Roberto, duci Burgundie, salutem et apostolicam benedictionem.
Exigente tuorum grandium cumulo meritorum ad ea solerter intendimus operamque sollicitam impertimur per que tui tueque domus honoris et commodi proveniat incrementum. Cum itaque monasterium Sancti Benigni Divionensis, ordinis sancti Benedicti, Lingonensis diocesis, infra tui ducatus limites constitutum, sub tua guardia seu custodia speciali, ut asseris, maneat ac dignum sit et rationi conveniens ut monasterium ipsum de domo predicta, que Sedi Apostolice se fidelem semper exhibuit et devotam, hujusmodi guardiam seu custodiam sibi gaudeat provenire, tibi tuisque successoribus, Burgundie ducibus, auctoritate presentium indulgemus ut abbas, qui nunc est et qui pro tempore fuerit in futurum, nec non et conventus monasterii supradicti non nisi de predicta domo guardianum seu custodem ipsorum quomodolibet invocare valeant vel etiam advocare, quamdiu tu aut iidem successores culpabiles seu negligentes in guardia seu custodia non fueritis memorata.
Nulli ergo omnino hominum liceat hanc paginam nostre concessionis infringere, vel ei ausu temerario contraire. Siquis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus, se noverit incursurum.
Datum Rome apud Sanctum Petrum, VI kalendas julii, pontificatus nostri anno quarto. -
Inconnue de Potthast.
Informations
Document
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192996 (aposcripta-40736), http://telma.irht.cnrs.fr/chartes/en/aposcripta/notice/192996 (mise à jour : 24/06/2024).