Description
-
Boniface VIII (1294-1303)
-
à renseigner
-
XI kalendas iulii, indictione VIII, incarnationis dominice Anno MCCLXXXXV, pontificatus vero donni Bonifatii pape VIII Anno primo
-
-
Anagni
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 19, núm. 11. a Butlla perduda.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 501.
-
b Domínguez Sánchez, Documentos de Bonifacio VIII, p. 98, doc. 13. c MIQUEL ROSELL, Regesta, p. 119, doc. 212.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII restitueix al rei Jaume II d’Aragó i als seus successors els regnes d’Aragó, València i el comtat de Barcelona, resignats pel rei Felip III (l’Atrevit) de França i el noble Carles, comte d’Alençon i de Valois, dels quals Martí IV havia desposseït el seu pare, el difunt rei d’Aragó Pere II (el Gran), amb motiu de la guerra de Sicília. El papa envià Guillem, cardenal prevere de Sant Climent, per a la investidura. Afegeix la condició que restitueixi també el Regne de Mallorca al seu oncle Jaume II de Mallorca. les signatures i els signes autògrafs de disset cardenals.) [Schmidt et Sabanés i Fernandez].
-
Bonifacius episcopus, servus servorum Dei, ad certitudinem presentium et memoriam futurorum. Splendor glorie et figura substantie dei patris, in cuius lumine lumen inspicitur, operoso misterio lenitatem pacis amare nos instruit et quodam exemplari speculo fragilitati nostre viam humane miserationis ostendit.
Sane propter iniustitiam manifestam quondam Petri olim regis Aragonum circa occupationem insule Sicilie terre peculiaris ecclesie variosque conatus et insidias ad alias partes regni Sicilie occupandas, seditionem in eadem insula motam, commotionem et concitationem populi factam inibi contra rem publicam ecclesiam vel Romenam et clare memorie Carolum regem Sicilie non absque strage et occasione multorum, felicis recordationis Martinus papa IIII predecessor noster regnum Aragonie ceterasque terras Petri prefati exponens de fratrum suorum consilio ipsum Petrum dudum regem Aragonum eisdem regno et terris regioque honore sententialiter iustitia exigente privavit et privans exposuit eadem regnum et terras occupanda catholicis de quibus et prout sedes apostolica duceret providendum. Postmodum vero idem regnum Aragonie atque Valentie et comitatum Barchilonie, que sunt de terris expositis que olim fuerant dicti Petri clare memorie Philippo regi Francorum et dilecto filio nobili viro Carolo nato eius Alanzoni et Valesii comiti electo ad dictorum regnorum et comitatus regimen a rege prefato, per ministerium seu deputationem bone memorie Iohannis tituli sancte Cecilie presbiteri cardinalis de ipsorum fratrum consilio prehabita deliberatione concessit. Verum prefato Petro sublato de medio post varios tractatus pacis habitos inter carissimum in Christo filium nostrum Carolum Sicilie regem illustrem eiusdemque Petri posteros sibi successores in vitium, qui facit concordiam in sublimibus suis Iacobi de Aragonia prefati quondam Petri olim regis Aragonum filii, precipue succedentis in culpam, prefatam insulam et nonnulla alia loca in regno Sicilie citra Farum occupata tenentis, hostis ecclesie regisque dictorum, ut insinuatio nobis et fratribus nostris facta continet, animum convertit ad pacem, sicque inter iamdictos regem et Iacobum tractatus pacis est habitus et firmatus, in quo ex parte prefati Iacobi illa inter cetera sunt conventa, quod insula memorata Sicilie cum omnibus terris et castris casalibus fortellitiis insula Malte aliisque omnibus insulis eidem insule Sicilie adiacentibus, ubicumque sint, sicut bone memorie prefatus rex Sicilie ante rebellionem insule prenominate tenebat, iuxta nostri determinationem arbitrii, per eundem Iacobum Romene restituetur ecclesie, aliis locis castris et insulis que per ipsum Iacobum valitores fautores complicet et ministros ipsius citra Farum occupata tenentur, restituendis prefato Carolo regi viventi, iuxta nostre provisionis arbitrium necnon liberis et aliis obsidibus dicti regis quos idem Iacobus apud se detinet, iuxta formam in serie prefati tractatus annexam, certis hinc inde pro firmiori pacis nexu et caritatis mutue matrimoniis copulandis. Nos itaque cernentes frementia undique mundi pericula et que instant pre foribus ruinam minantia gravia detrimenta, super terram sanctam desertam incolis Christi fidelibus ipsorumque destitutam suffragiis flentes amare, cum catholicis principibus distractis ad bella civilia non sit qui consoletur eam ex omnibus caris suis ac misericordiam potius quam iudicium cantare cupientes altissimo, ad reparationem quoque status prefati regis Sicilie filii specialis ecclesie specialem habentes considerationis intuitum et memoratum tractatum pacis paterne caritatis brachiis amplectentes, facta iam in manibus nostris per carissimum in Christo filium nostrum Philippum regem Francorum illustrem et dilectum filium nobilem virum Carolum fratrem eius Alanzoni et Valesii comitem, renuntiatione legitima et sollempni de predictis regnis et comitatu Barchilonie, clare memorie predicto Philippo regi Francorum eorum parenti et eidem Carolo comiti, ut premittitur, per ecclesiam ipsam concessis omnique iure et actione eis competente pro illis, sub illius tamen conditionis adiectu, si conventa et promissa in eodem tractatu per sollempnes nuntios dicti Iacobi ex potestate eis ab ipso tradita per prefatum Iacobum et eos, ad quos res ipsa spectabit, efficaciter compleantur et ordinata per nos super facto regni Maioricarum, insularum Evice et Minoricarum, que non devenerunt in tractatu predicto, per eundem Iacobum et eos ad quos ea res pertinebit ad debitum perducantur effectum, eidem Iacobo et suis heredibus de fratrum nostrorum consilio et assensu restituimus reddimus atque concedimus iamdicta regna Aragonum atque Valentie ac comitatum Barchilonie honorem regium ac omnia et singula que sententia dicte Sedis apostolice lata contra dictum Petrum olim regem Aragonum patrem suum continebat expresse, et ea ad que verba sententia vel effectus eiusdem sententie se extendunt, ut ea habeant et teneant eo modo quo habebat et tenebat dictus Petrus quondam rex Aragonum pater suus, ante quam Romenam ecclesiam offendisset in aliquo, et de predictis regnis et comitatu in quondam Alfonsum primogenitum eius donationem ut dicitur contulisset. Nec intendimus quod per predictas restitutionem redditionem et concessionem nobis vel ipsi ecclesie ius aliquod acquiratur nec retineatur in illis occasione retentionis seu reservationis quam fecit ecclesia in dictis regnis et comitatu cum ipsa predicto quondam Philippo Francorum regi concessit, nec ratione concessionis facte de ipsis per Romenam ecclesiam dicto Carolo comiti aut renuntiationis seu resignationis prefate facte in manibus nostris per eosdem regem Francorum et Carolum comitem fratrem eius, sed eisdem Iacobo suisque successoribus in eisdem regnis comitatu seu terris sua iura firma et illibata persistant, nec ex hiis sibi vel suis in aliquo preiudicium generetur, sed ea habeant et teneant, ut predicitur, eo modo quo habebat et tenebat dictus Petrus ante quam Romenam ecclesiam in aliquo offendisset et de prefatis regnis et comitatu contulisset donationem in Alfonsum, ut dicitur, memoratum, investientes per nostrum anulum de predictis omnibus et singulis eiusdem Iacobi et heredum suorum nomine dilectum filium nostrum Guilelmum tituli sancti Clementis presbiterum cardinalem, quem pro votiva perfectione tractatus eiusdem versus partes ultramontanas presentialiter destinamus.
Nulli ergo omnino hominum liceat hanc paginam nostre restitutionis redditionis concessionis et investiture infringere vel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. (R) Ego Bonifatius catholice ecclesie episcopus ss. (BV) – Ego Gerardus episcopus Sabinensis ss. ; Ego Iohannes Tusculanus episcopus ss. ; Ego frater Matheus Portuensis et Sancte Rufine episcopus ss. ; Ego frater Hugo Ostiensis et Velletrensis episcopus ss. – Ego Petrus tituli Sancti Marci presbiter cardinalis cum per me non possem, per Petrum Bonegentis capellanum meum me ss. ; Ego Thomas frater tituli Sancte Cecilie presbiter cardinalis ss. ; Ego Iohannes tituli Sanctorum Marcellini et Petri presbiter cardinalis ss. ; Ego Guilelmus tituli Sancti Clementis presbiter cardinalis ss. ; Ego Nicholaus tituli Sancti Laurencii in Damaso presbiter cardinalis ss. ; Ego frater Robertus tituli Sancte Potenciane presbiter cardinalis ss. ; Ego frater Symon tituli Sancte Balbine presbiter cardinalis ss. – Ego Matheus Sancte Marie in Porticu diaconus cardinalis ss. ; Ego Iacobus Sancte Marie in Via Lata diaconus cardinalis ss. ; Ego Neapoleo Sancti Adriani diaconus cardinalis ss. ; Ego Petrus Sancti Eustachii diaconus cardinalis ss. ; Ego Guilelmus Sancti Nicolai in carcere Tulliano diaconus cardinalis ss. ; Ego Benedictus Sanctorum Cosme et Damiani diaconus cardinalis ss.
Datum Anagnie per manum magistri Petri de Piperno sancte Romene ecclesie vicecancellarii, XI kalendas iulii, indictione VIII, incarnationis dominice Anno MCCLXXXXV, pontificatus vero donni Bonifatii pape VIII Anno primo. -
n. c.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192828 (aposcripta-40569), http://telma.irht.cnrs.fr/chartes/en/aposcripta/notice/192828 (mise à jour : 14/06/2024).