Description
-
Innocent IV (1243-1254)
-
L'abbé de Cîteaux et les co-abbés et communautés de tout l'ordre cistercien
-
X kalendas decembris, anno quinto
-
-
Lyon
-
Titre, général (littere gratiose, cum filo serico)
-
[Cartulaire] F. FRANCE, Dijon, Archives départementales de la Côte-d'Or, CART. 204, pièce LL, fol. 37v-38 (fonds de l'abbaye de Fontenay). Cartulaire du XVIIIe siècle [images en ligne].
-
Antonin Bourquin pour APOSCRIPTA, mai 2024, d'après F.
-
?
-
(à faire)
-
Innocentius episcopus, servus servorum Dei, Dilectis filiis abbati Cistercii ejusque coabbatibus et conventibus universis Cisterciensis ordinis, Salutem et apostolicam benedictionem.
Thesauro virtutum sic preclarra vestra religio suum semper astrinxit affectum, quod habetur et in conspectu Regis eterni placida et in oculis hominum gratiosa. Ipsa quidem ut columba mitis et humilis et electa Domini specialis, pulchra per totum aspicitur, omnem a se rugam enormitatis abiiciens et maculam deformitatis excludens, qui paterna sollicitudine in ea gerentes efficiunt, quod ibidem nulle possint viciorum spine succrescere, sed ipsa florum honoris et fructuum honestatis immarcessibili polleat ubertate ; propter hunc et enim sancte operationis effectum, nunquam ordo vester officio aliene visitationis vel correctionis indiguit, sed de ipso aliquibus aliis reformationis beneficium ex providencia sedis apostolice jam provenit.
Cum itaque nos, qui ex hujusmodi virtuosis actibus spiritu in Domino exultamus, claris agnoscamus indiciis dictum ordinem esse aliis recte vite speculum et salutifere conversationis exemplum, quod ipse sicut olim sic et in posterum, ab ejusdem dumtaxat abbatibus ac monachis idoneis, quos vos filii abbates ad hoc provideritis deputandos et a nullo alio visitari possit, aut corrigi, auctoritate presentium duximus statuendum, eadem auctoritate nichilominus decernentes ut si aliquid contra statutum hujusmodi a quoquam propria extiterit temeritate presumptum, sit irritum et inane, et si forte alique sententie in nos occasione hujusmodi prolate fuerint, nullum robur optineant firmitatis, mandato sedis apostolice semper salvo.
Nulli ergo omnino hominum liceat hanc paginam nostre constitutionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum.
Datum Lugduni, X kalendas decembris, pontificatus nostri anno quinto. -
Inconnue de Potthast. Absente des registres édités.
Informations
Document
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192759 (aposcripta-40535), http://telma.irht.cnrs.fr/chartes/en/aposcripta/notice/192759 (mise à jour : 17/05/2024).