« Acte de Blanche de Castille en faveur de l'abbaye de Maubuisson (4) »

Document | actes-des-femmes-de-pouvoir/notice/192378
plus d'informations

Description

Description de l'acte

  •  
    1248/05/01

  •  
    Paris
  •  
    390
  •  
    250
  •  
    Papier
  •  
    Bon.
  •  
    non

Identification du témoin

  •  
    Acte de donation

    France
    Paris
    Archives Nationales
    K//191, n° 127
    Copie

Identification de l'édition

  •  
    Cet acte n'est pas édité.

Analyses

  •  
    Donation par Blanche de Castille à l'abbaye de Maubuisson, d'un revenu annuel de cent livres parisis, ainsi que de muids de froment et d'avoine. Vidimus de l'acte de donation par Louis IX, roi de France.

Texte

  •  
    Blancha, Dei gratia regina Francorum. Universis presentes litteras inspecturis salutem. Notum facimus quod nos pro salute anime nostre et animarum nostrorum progenitorum, necnon et karissimi filii nostri Ludovici, Dei gratia regis Francorum illustris, monasterio Sancte Marie Regalis juxta Pontisaram cisterciensis ordinis, quod fundavimus, et monialibus ibidem Deo servientibus ac imposterum servituris, damus et concedimus centum libras parisienses annui redditus, de quibus comparabunt bladum vel comparari facient ad usum suum, vel alia necessaria que voluerint et sibi viderint expedire, percipiendas ab eisdem monialibus velearum certo nuncio singulis annis imperpetuum apud Petrefontem in prepositura, per manum prepositi Petrefontis duobus terminis, scilicet infra octabas Ascensionis dominice quinquaginta libras et infra octabas Omnium Sanctorum alias quinquaginta libras. Ita quod quandiu prepositus, vel is qui loco ejus fuerit, ultra dictos terminos vel eorum alterum a solutionibus dictarum centum librarum vel earum altera cessaverit, tenebitur singulis diebus monialibus predictis in quinque solidos parisienses nomine pene. Item damus et concedimus eisdem monialibus decem modios frumenti ad mensuram parisiensem percipiendos apud Feritatem Milonis in granariis nostris, in festo Omnium Sanctorum imperpetuum annuatim, et viginta modios avene annui redditus ad mensuram parisiensem percipiendos in granariis nostris Crispiaci annuatim termino supradicto, et decem modios avene annui redditus ad mensuram Pontisare percipiendos apud Pontisaram in granariis nostris predicto termino annuatim. Item damus et concedimus monasterio et monialibus predictis terragium de Merroliis, illud videlicet quod comparavimus de Radulfo de Ture, milite, retempta nobis et heredibus nostris justicia in terragio supradicto eo modo quo eam ibidem habebamus, antequam dictus Radulfus nobis dictum terragium vendidisset. Volentes et concedentes quod moniales predicte omnia predicta et singula habeant, percipiant et possideant imperpetuum libere, pacifice et quiete ut puram, perpetuam et omnino liberam elemosinam, nos autem hec omnia et singula damus et concedimus monialibus predictis karissimi filii nostri predicti interveniente assensu. Et ut hec nostra donatio firma permaneat in futurum, presentes litteras sigillo nostro fecimus communiri. Actum anno gratie millesimo ducentesimo quadragesimo octavo mense maio. In nomine sancte et individue Trinitatis amen. Ludovicus, Dei gratia Francorum rex. Notum facimus quod nos litteras karissime domine et matris nostre Blanche, Dei gratia regine Francorum illustris, vidimus in hec verba : Blancha, Dei gratia, etc. Nos autem ejusdem karissime domine et matris nostre predicte piam devotionem attendentes, totam donationem ipsius predictam volumus, concedimus, et laudamus ; et quia ad hereditatem nostram pertinent omnia et singula supradicta, ea pro salute anime nostre ac anime clare memorie Ludovici, quondam regis Francorum illustris, genitoris nostri, et carissime domine et matris nostre predicte, necnon et animarum omnium progenitorum nostrorum, monasterio predicto ac monialibus ejusdem in puram, perpetuam et omnino liberam elemosinam donamus et concedimus specialiter et expresse ab eisdem monialibus imperpetuum libere et quiete sine contradictione aliqua in puram elemosinam possidendos. Quod ut perpetue stabilitatis robur obtineat, presentem paginam sigilli nostri auctoritate et regii nominis caractere inferius annotato fecimus communiri. Actum Parisius anno Incarnationis dominice millesimo ducentesimo quadragesimo octavo mense majo, regni vero nostri anno vicesimo secundo, astantibus in palatio nostro quorum nomina supposita sunt et signa. Dapifero nullo. Signum Johannis camerarii. Signum Stephani buticularii. Constabulario nullo. Data vacante cancellaria.
  •  
    Cet acte est accompagné d'un vidimus de Louis IX.
  •  
    Louis IX, roi de France
    Raoul de Tours, chevalier
  •  
    Pontoise
    La Ferté-Milon
    Pierrefonds
    Crépy-en-Valois
    Marrolles

Informations

Document
Lelde Strake (Sorbonne-Université), dans  Actes des femmes de pouvoir
label.quote.actes-des-femmes-de-pouvoir
http://telma.irht.cnrs.fr/chartes/en/actes-des-femmes-de-pouvoir/notice/192378
actes-des-femmes-de-pouvoir/notice/192378
XML  JSON