Général
-
Clément VI (1342-1352)
-
Iacobum de Ponto ord. Min. ecclesiae Milopotamen. (Mylopotamos in ins. Creta) praeficit in episcopum.1
-
1349, iulii 8, Avinione.
-
1349
-
Dilecto filio Iacobo de Ponto electo Milopotamen.
Pastoralis officii debitum etc. Dudum siquidem bonae memoriae Nicolaoa episcopo Milopotamen. regimini Milopotamen. ecclesiae praesidente nos ... provisionem eiusdem ecclesiae, cum vacaret, dispositioni nostrae ea vice duximus reservandam etc. Postmodum vero praefata Milopotamen. ecclesia per obitum eiusdem Nicolai, qui extra Romanam curiam diem clausit extremum, pastoris solatio destituta, nos vacatione ipsius ecclesiae fide dignis relatibus intellecta, ad provisionem ipsius ecclesiae celerem et felicem ... intendentes, post deliberationem, quam de praeficiendo eidem ecclesiae personam utilem ac etiam fructuosam cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, cui de religionis zelo, litterarum scientia, vitae munditia ac morum honestate, prudentia spiritualium et temporalium providentia et aliis virtutum meritis apud nos laudabilia testimonia perhibentur, convertimus oculos nostrae mentis. Quibus omnibus attenta meditatione pensatis de persona tua ipsi Milopotamen. ecclesiae de praedictorum fratrum nostrorum consilio auctoritate apostolica providemus teque illi praeficimus in episcopum et pastorem, curam et administrationem ipsius tibi in spiritualibus et temporalibus plenarie committendo etc. Datum Avinione VIII idus iulii anno octavo.
In eumdem modum archiepiscopo Creten., capitulo ecclesiae Milopotamen., Andreae duci Venetiarum.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°517., pp.234-235
-
Reg. Vat. t. 192 (Clem. VI a. 8, l. 1, p. 1), ep. 149; Wadd. l. c. reg. pont. Clem. VI, p. 2, n. 62.
1 -
(a) Ex ord. Min.; cfr. supra n. 276.
-
(b) A capitulo eccl. Milopotamen. post obitum Nicolai supradicti Mathaeus de Pola canonicus et thesaurarius eccl. Archadien. in episcopum Milopotamen. electus et ab Urso archiepiscopo Creten. confirmatus ac consecratus est, qui quidem certior factus, Clementem VI illi ecclesiae per provisionem apost. Iacobum Minoritam praefecisse, administrationem ipsius ecclesiae eidem Iacobo sponte cessit et ab Innocentio VI canonicatum et thesaurariam eccl. Archadien., qui per eius electionem et consecrationem vacabant, de novo obtinuit (cfr. Reg. Vat. t. 222, f. 367, ep. 209).