Général
-
Jean XXII (1316-1334)
-
Huguccionem de Perusio ord. Min. ecclesiae Sutrin. praeficit in episcopum.1
-
1333, martii 19, Avinione.
-
1333
-
Dilecto filio Hugucioni de Perusio electo Sutrin.
Pastoralis officii debitum etc. Nuper siquidem ecclesia Sutrinaa dictae Romanae ecclesiae immediate subiecta pastoris solatio destituta (pro eo quod dilectus filius Berengarius de s. Africano, clericus Vabren. dioecesis, tunc electus Sutrin., regimini dictae ecclesiae Sutrin., cui tunc praeerat, apud sedem apostolicam sponte cessit in manibus venerabilis fratris nostri Petri episcopi Praenestin., de mandato nostro facto sibi oraculo vivae vocis cessionem huiusmodi admittentis) nos ad provisionem ipsius ecclesiae, ne diutius vacationis remaneret exposita detrimentis, cum nullus de provisione ipsius ecclesiae hac vice se intromittere possit, pro eo quod etc., sollicitis studiis intendentes etc. post deliberationem, quam super hoc habuimus cum fratribus nostris diligentem, demum ad te fratrum Minorum ordinem expresse professum et in sacerdotio constitutum, virum utique litterarum scientia praeditum, in spiritualibus providum et temporalibus circumspectum, aliisque multiplicium virtutum meritis, prout fide dignorum testimonio accepimus, insignitum, direximus oculos nostrae mentis. Quibus omnibus debita meditatione pensatis, de persona tua ipsi ecclesiae Sutrin. de ipsorum fratrum consilio auctoritate apostolica providemus teque illi in episcopum praeficimus et pastorem, curam etc. plenarie committendo etc. Datum Avinione, XIV kalendas aprilis, anno decimo septimo.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°1013., pp.543-544
-
Reg. Vat. t. 104, ep. 401; apud Wadd. l. c. n. 162.
1 -
(a) Sutri prope Urbem.
-
(b) In e. m. capitulo et vassallis ecclesiae Sutrin. ac clero et populo civ. et dioec. Sutrin.