Général
-
Jean XXII (1316-1334)
-
Praeficit Matthaeum Minoritam ecclesiae Beriten. in episcopum.1
-
1323, februarii 18, Avinione
-
1323
-
Dilecto filio Matthaeo electo Beriten.
Regimini universalis ecclesiae etc. Dudum siquidem Beriten.a ecclesia per obitum bonae memoriae Roberti episcopi Beriten. pastoris solatio destituta, dilecti filii capitulum eiusdem ecclesiae (vocatis omnibus, qui voluerunt, debuerunt et potuerunt commode interesse, die ad eligendum praefixa, in ecclesia Nicosien.b, cum in dicta Beriten. ecclesia, quae in terra, ubi Saraceni dominium obtinent, situata existit, non possent absque animarum periculo residere), ut moris est, convenientes in unum et Spiritus sancti gratia invocata, quondam Emanuelem dictum de Long, constitutum in sacerdotio, ordinis fratrum Minorum, in eorum episcopum concorditer elegerunt, qui, antequam huiusmodi fuisset electio confirmata, viam extitit universae carnis ingressus; nosque postea vacatione huiusmodi fide dignis relatibus intellecta, cupientes regimini eiusdem Beriten. ecclesiae personam utilem per nostrae sollicitudinis studium praesidere, provisionem ipsius ea vice dispositioni nostrae ac sedis apostolicae duximus specialiter reservandam, decernentes ex tunc etc.; et postmodum de provisione eiusdem Beriten. ecclesiae, ne prolixioris vacationis sustineret incommoda, sollicite cogitantes, post deliberationem, quam ad deputandum eidem Beriten. ecclesiae personam utilem ac etiam fructuosam, cuius industria probitatis in suis valeret iuribus adaugeri ac etiam defensari, cum fratribus nostris habuimus diligentem, demum ad te ordinis fratrum Minorum, in sacerdotio constitutum, ordinem ipsum expresse professum, cui de religionis zelo, vitae munditia, regulari observantia, litterarum scientia, honestate morum et vitae ac aliis probitatis meritis fide digna testimonia suffragantur, direximus aciem nostrae mentis. Quibus omnibus diligenti meditatione discussis, volentes Beriten. ecclesiae praefatae salubriter providere, de persona tua nobis et fratribus eisdem accepta praefatae Beriten. ecclesiae de ipsorum fratrum consilio auctoritate apostolica providemus teque illi in episcopum praeficimus et pastorem, curam et administrationem ipsius Beriten. ecclesiae tibi tam in spiritualibus quam in temporalibus committendo plenarie etc. Datum Avinione, XII kal. martii, anno septimo.c
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°488., pp.247-248
-
Reg. Vat. t. 74, ep. 685 apud Wadd. l. c., reg. pont. Io. XXII, p. 2, n. 1.
1 -
(a) Beirut in Syria.
-
(b) Levcosia in insula Cypro.
-
(c) Iste Matthaeus die 10 sept. 1333 transfertur ad eccl. Mothonen.