Général
-
Jean XXII (1316-1334)
-
Praeficit Arnaldum Royardi ord. Min. ecclesiae Salernitan. in archiepiscopum.1
-
1321, aprilis 30, Avinione.
-
1321
-
Dilecto filio Arnaldo electo Salernitan.
Pastoralis officii etc. Dudum siquidem Salernitana ecclesia (pro eo, quod dilectum filium nostrum Bertranduma tituli s. Vitalis presbyterum cardinalem, tum archiepiscopum Salernitanum, licet absentem, a vinculo, quo tenebatur eidem ecclesiae Salernitanae, cui praeerat, de fratrum nostrorum consilio et apostolicae plenitudine potestatis absolventes, ipsum ad dignitatem cardinalatus, ut nobiscum universalis ecclesiae onera sortiretur, suis claris exigentibus meritis duximus assumendum) pastoris solatio destituta, nos cupientes regimini eiusdem Salernitanae ecclesiae personam utilem per nostrae sollicitudinis studium praesidere, provisionem ipsius ecclesiae Salernitanae ea vice dispositioni nostrae et sedis apostolicae duximus reservandam, decernentes ex tunc irritum et inane, si secus super his a quoquam quavis auctoritate scienter vel ignoranter contingeret attentari; ac postmodum de provisione eiusdem ecclesiae Salernitanae, ne prolixae vacationis sustineret incommoda, sollicite cogitantes, post deliberationem, quam ad deputandum eidem ecclesiae personam utilem ac etiam fructuosam, cuius industria probitatis valeret salubriter dirigi ac in suis iuribus adaugeri et etiam defensari, cum dictis fratribus habuimus diligentem, tandem ad te ordinis fratrum Minorum professorem, ordinem ipsum expresse professum, in sacerdotio constitutum et in sacra theologia magistrum, propter laudanda tuae conversationis merita, vitae munditiam, gravitatem morum, circumspectionis expertae prudentiam, insigne donum scientiae aliasque virtutes multiplices, quibus personam tuam bonorum dator Altissimus decoravit, nobis et fratribus nostris acceptum, direximus aciem nostrae mentis teque de ipsorum fratrum consilio eidem Salernitanae ecclesiae praeficimus in archiepiscopum et pastorem, curam et administrationem ipsius ecclesiae tibi tam in spiritualibus quam in temporalibus plenarie committendo etc. Datum Avinione, II kal. maii, anno quinto.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°429., p.206
-
Reg. Vat. t. 71, ep. 657, apud Wadd. l. c. reg. pont. Io. XXII, n. 101; cfr. supra n. 225.
1 -
(a) De Turre ord. Min. (cfr. supra n. 428).
-
(b) Aliis litteris 1 febr. 1323 datis summus pontifex eidem Arnaldo iam consecrato concedit facultatem testandi et officium tabellionatus viris idoneis conferendi, die autem 15 martii 1323 constituit conservatores iurium ipsius. Cfr. Reg. Vat. t. 75, epp. 1300, 1720, 1721 et Sbar. supplem. ad script. ord. Min. p. 99. Iste Arnaldus transfertur 27 iun. 1330 ad eccl. Sarlaten.