« bullarium-franciscanum-2283 »

MARTINUS &c.

Dilectis Filiis … Priori Prædicatorum, & .... Guardiano Minorum Fratrum Ordinum Lugdunen.a , ac Decano Viennen.b Salutem, & Apostol. Bened.

Sicut ad Nostrum pervenit auditum, olim fel. record. Gregorius Papa Decimus prædecessor Noster prætendens; quòd inter Venerabilem Fratrem Nostrum …c Archiepiscopum ex parte unâ, & dilectos Filios .... Decanum, & Capitulum Lugdunen. nec non Hugonem Senescalcum, ac Henricum de Vilars Canonicum tunc Cantorem Ecclesiæ Lugdunen. ex altera quærelæ erant super diversis articulis excitatæ; & quòd partes se super quærelis, & quæstionibus quibuscumque, quas habebant, & habere poterant ad invicem, de alto & bassod ipsius prædecessoris voluntati, mandato, seu ordinationi omnimodæ, ac declarationi, seu interpretationi, vel sententiæ fide hinc inde præstitâ, sub certâ formâ submiserant spantaneâ voluntate; & tam auctoritate Apostolicâ, quàm ex juribus submissionis ejusdem procedens super temporali, seu seculari jurisdictione Civitatis Lugdunensis, ac ejus exercitio declaravit, ordinando providit, & providendo ordinavit, decrevit, atque statuite; reservatâ sibi expressè in præmissis omnibus interpretandi, mutandi, & detrahendi, sicut expedire videret, plenâ & liberâ potestate; prout in litteris ipsius prædecessoris inde confectis pleniùs dicitur contineri. Et postmodum cum hujusmodi declararatio, ordinatio, provisio, atque statutum non solum redundare in enormem ipsius Ecclesiæ læsionem, verùm etiam præjudicare juri personarum, præsertim ipsius Decani, & .... Archidiaconi, Senescalchi, & … Camerarii ejusdem Ecclesiæ dicerentur; piæ memoriæ Johannes Papa f prædecessor Noster ad devotam supplicationem eorumdem Decani & Capituli eumdem Archiepiscopum per vos sub certâ formâ citari mandavitg, ut coram eo certo termino compareret super præmissis declaratione, ordinatione, provisione, ac statuto, & singulis contentis in illis auditurus ordinationem, interpretationem, provisionem, & mandatum ejusdem prædecessoris Johannis; ac facturus, & recepturus, ac etiam processurus super iis quantum justitia seu æquitas suaderet; & dicto prædecessori Johanni expediens videretur; fecit insuper dicto Archiepiscopo inhiberi, ne hujusmodi negotio pendente taliter coram eo, aliquid novi in eorumdem Decani, & Capituli, ac personarum præjudicium attentaret. Sicque comparentibus Partibus coram prædicto prædecessore Johanne, fuit super ipso negotio inter partes apud Sedem Apostolicam disceptatum. Sed præfato prædecessore Johanne, dum idem negotium sic coram eo cæptum penderet, viam universæ carnis ingressoh, dictoque Archiepiscopo de Romanâ Curiâ recedente, remansit dictum negotium indecisum. Et tandem Nos percepto, quòd inter Archiepiscopum, & Decanum, & Capitulum, & alios prædictos non conquiescunt concertationes hujusmodi, sed potius dispendiosè concrescunt; ac Decano, & Capitulo præfatis asserentibus, quòd supradictus Archiepiscopus post inhibitionem prædictam contra homines Villarum, & Terrarum ad Capitulum præfatum pleno jure immediatè spectantium per destructionem bonorum, & aliàs etiam injuriosè processit; & dictum Capitulum, ac personas prædictas in suis jurisdictionibus, & libertatibus, ac in eorum, & subditorum suorum personis perturbat multipliciter, & molestat; ac petentibus sibi per Sedem Apostolicam provideri, & in negotio præfato procedi, dilectis Filiis Nostris J.i tituli Sanctæ Cæciliæ Presbytero, & J.j Sanctæ Mariæ in Cosmedin Diacono Cardinalibus negotium prædictum sub certâ formâ duximus committendum; qui quidem Cardinales memoratum Archiepiscopum in audientiâ publicâ citari fecerunt; sed quodam, non cum sufficienti mandato ad præmissa, nisi ad impetrandum, contradicendum, ac proponendum certas quærelas Procuratore pro ipso Archiepiscopo comparente, non fuit ulteriùs in negotio prædicto processum. Attendentes igitur præmissa, & alia, quæ pro parte dictorum Decani, & Capituli referuntur; & considerantes quòd dictus Procurator asseruit inter alia, Decanum, & Capitulum eadem in ejusdem Archiepiscopi præjudicium, & contemptum sine causâ rationabili a Divinorum celebratione cessasse, & cessare; cupientes quoque, quòd Ecclesiæ præfatæ, quam inter alias oculo benigno respicimus, & in memoriâ retinemusk, salubriter consulatur; ne diutiùs sub litigiorum anfractibus conquassetur; Discretioni vestræ per Apostolica scripta mandamus, quatenus vos, vel duo, aut unus vestrum per vos, vel per alium, seu alios prædictum Archiepiscopum, & eosdem Decanum, & Capitulum, ac personas, si eorum præsentiam conmmodè habere potueritis; alioquin præfatos Archiepiscopum, & alios apud eamdem Ecclesiam, vel memoratum Archiepiscopum apud Castrum Petræ cisæ, ubi consuevit, ut dicitur, commorari, ex parte Nostrâ peremptoriè citare curetis, ut infra sex hebdomadarum spatium post citationem hujusmodi cum omnibus actis, juribus, & munimentis suis prædictum negotium contingentibus, per se, vel per Procuratores idoneos Apostolico se conspectui repræsentent super prædictis interpretatione, mutatione, ac detractione, ordinationem, provisionem, & mandatum Nostra audituri, ac etiam recepturi, & facturi super omnibus aliis supradictis, & ea contingentibus, quod justitia seu æquitas suadebit, & Nobis videbitur expedire; mandantes nihilominus Archiepiscopo, & Decano, ac Capitulo, ac aliis supradictis, quòd nullam interim faciant indebitam novitatem. Diem autem citationis, & formam, & quicquid in præmissis duxeritis faciendum, Nobis per vestras litteras, harum seriem continentes, fideliter intimare curetis. Non obstantibus &c.l

Datum apud Urbemveterem v. Idus Jan., Pontificatus Nostri Anno Secundo.