Général
-
Nicolas III (1277-1280)
-
Scripta quædam Decimam pro Terra Sancta concernentia apud nostros FF. Assisii deposita mandat assignari Episcopo Eugubino ejusdem Decimæ collectori. (Ex Vatic. Reges. Pontif. epist. 48. anno 2. teste etiam Waddingo ad hunc ann. num. 28.)
-
Anno 1279. die 11. Martii.
-
1279
-
NICOLAUS &c.
Dilecto Filio … Custodi Fratrum Ordinis Minorum Sancti Francisci Assisinat. Sal., & Apostol. Benedict.
Cum nonnulli quaternia rationum, seu alia scripta contingentia negotiumb Terræ Sanctæ subsidio deputatæ per quondam Leonardumc Archidiaconum Spoletanum tunc Collectorem ipsius Decimæ in illis partibus deputatumd, & alios vice suâ, vel de mandato ejus tàm ante ipsius Archidiaconi obitum, quàm post etiam, in Sacristiâ Sancti Francisci de Assisio consignata esse dicantur; Discretioni tuæ per Apostolica scripta mandamus, quatenus quaternos, & scripta hujusmodi Venerabili Fratri Nostro …e Episcopo Eugubino in collectione prædictæ Decimæ dicto Archidiacono substitutof sine diminutione qualibet sic liberaliter assignare procures, quòd possis exinde meritò commendari: Faciens de assignatione hujusmodi confici publicum Instrumentum transmissurus Nobis illud, ac rescripturus fideliter per tuas litteras harum seriem continentes, quid eidem Episcopo assignaveris; & quicquid in hac parte duxeris faciendum.
Datum Romæ apud Sanctum Petrum v. Idus Martii, Pontificatus Nostri Anno Secundo.
-
Bullarium Franciscanum romanorum pontificum, tomus III, n°CIV., pp.382-385
-
(a) Quaterni: Libelluli quatuor foliis compacti.
-
(b) Negotium: Deest Decimæ.
-
(c) Leonardum: In epist. Inter cetera &c. anno superiore idibus Novembris data memoratum.
-
(d) Deputatum: A B. Gregorio X., ut in cit. epistola.
-
(e) Fratri Nostro …: Benvenuto Ord. Minor. de quo in dicta epistola 83. hujus Pontificis sup pag. 362. relata, not. (b)
-
(f) Substituto: Superiore anno die 13. Novembris, ut ex cit. epist.