« bullarium-franciscanum-1898 »

CLEMENS &c.

Dilectis Filiis … Priori, & Fratribus Ecclesiæ Sanctæ Balbinæa de Urbe Ordinis S. Guillelmib Salutem, & Apostolicam Benedict.

Cum a Nobis petitur &c.c Sanè petitio vestra Nobis exhibita continebat, quod dudum dilecti Filiid … Abbas, & Conventus Monasterii Sancti Pauli de Urbe quamdam partem Castri Raiani a quondam Petro Johannis Piczuti, & Jacobo de Capite, ac aliis de domo Veczosorum civibus Romanis, quam iidem in ipso Castro obtinebant, emerunt pro certâ pecuniæ quantitate. Verùm iidem pro solutione faciendâ dictis Civibus hujusmodi pecuniam non habentes de licentiâ fel. record. Alexandri Papæ e prædecessoris Nostri Casale de Florano ad Monasterium ipsum pertinens pro duobus milibus & quingentis libris Provenien.f Civibus obligarunt eisdem, ab eis eâ conditione adjectâ, quòd nisi Casale ipsum infra certum terminum iidem Abbas, & Conventus redimere procurarent, extunc liceret dictis Civibus dictum Casale vendere pro suæ libito voluntatis. Porrò præfati … Abbas & Conventus, adveniente hujusmodi termino, prædictis Civibus de præmissâ quantitate pecuniæ satisfacere nequeuntes piæ memoriæ Urbano Papæ g prædecessori Nostro humiliter supplicarunt, ut vendendi vobis præfatum Casale pro quatuor milibus libris Provenien. sub certis pactis, & conditionibus eis concedere licentiam dignaretur. Dictus autem Urbanus prædecessor eorumdem Abbatis & Conventus precibus condescendens hujusmodi licentiam sub certâ formâ per suas ejus duxit litterash concedendam; quarum auctoritatei … Decanus dicti Monasterii, & memorati Conventus tàm suo, quàm ejusdem Abbatis, qui eis super iis totaliter commiserat vices suas, ac ejusdem Monasterii nomine sæpedictum Casale cum juribus, & pertinentiis suis vobis pro quatuor milibus libris Provenien. vendiderunt, quibusdam conditionibus interjectis; prout in instrumento publico inde confecto plenius continetur. Nos itaque vestris, & Venerabilis Fratris Nostrij … Episcopi Prænestini pro vobis in hac parte Apostolicæ Sedis gratiam implorantis supplicationibus inclinati venditionem hujusmodi ratam, & gratam habentes eam de certâ scientiâ confirmamus, & præsentis scripti patrocinio communimus. Tenorem autem prædicti instrumenti de verbo ad verbum præsentibus fecimus annotari, qui talis est.

“In nomine Domini Amen. Anno Dominicæ Incarnationis m. cc. lxiv. Indictione viii., mense Octobris die prima. Cumk … Abbas & Conventus Monasterii Sancti Pauli de Urbel obligaverint Jacobo Capiti de Veczosis pro tertia parte, Johanni, Petro, Angelo, & Jacobino Fratribus filiis quondam Johannis Peccuti de Veczosis pro alia tertia parte, Petro Andreæ, & Jannuctio Fratribus filiis olim Semii de Veczosis, & legitimæ personæ ipsius Jannuctii pro eo, pro aliâ tertiâ parte ex auctoritate eisdem Abbati & Conventui concessâ a Sanctissimo Patre Domino Alexandro olim Quarto Papâ, totum, & integrum Casale de Florano cum Tenimento suo & omnibus suis pertinentiis & utilitatibus pro duobus milibus librarum, & quingentis libris Proven. sub eâ ab eis videlicet conditione adjectâ, quod nisi hinc ad certum terminum in ipso instrumento expressum dictis creditoribus ab ipsis Abbate & Conventu prædicta pecunia soluta non esset; extunc licéret ipsis creditoribus Casale ipsum vendere pro suo libito voluntatis; ut in instrumento exinde confecto per Matthæum de Concha Scriniarium plenius continetur: Et cum in festo omnium Sanctorum, vel circuitu proximo venturo hujusmodi terminus compleretur; dictumque Casale ferè septem milia librarum valeat; nec habeant unde illud possent redimere, seu luere infra tam modici temporis brevitatem; volentes ipsius Monasterii utilitatibus providere, & futurum timentes periculum; ideoque in præsentiâ M. Johannis eorum Notarii, & testium subscriptorum ad hoc specialiter vocatorum, & rogatorum Domnus Theodinus Decanus & Monachus Venerabilis Monasterii Sancti Pauli de Urbe, Domnus Johannes Romæ Camerarius, Domnus Albinus, Domnus Petrus, Domnus Franzonus Infirmarius, Domnus Theobaldus, Domnus Nicolaus, Domnus Egidius, Domnus Roffridus, Domnus Barnabas, Domnus Accursius, Domnus Petrus Castelle, Domnus Petrus Tyburtinus, Domnus Jacobus de Prungia, Domnus Johannes Sanctæ Mariæ, Domnus Bartholomeus de Scarpa, Domnus Paulus, Domnus Symeon Johannis, Domnus Raynaldus Bubkimmani, Domnus Taddeus, Domnus Franciscus, Domnus Johannes Paccus, Conventus, & Monachi dicti Monasterii pro ipso Monasterio & ejus nomine, & nomine Venerabilis Patris Domini Frederici Abbatis præfati Monasterii, qui vices suas commisit Decano & Conventui præfatis ipsius Monasterii, super venditione Casalis de Florano faciendâ … Priori & Conventui Sanctæ Balbinæ; ac etiam obligandi bona ipsius Monasterii Sancti Pauli; ut de ipsa commissione factâ a dicto Domino Abbate prædictis Conventui & Decano apparet publicum instrumentum scriptum per Guidonem Raynerii Tudini Notarium, de quo viso, & lecto mihi Notario constitit; promittentes dicti Decanus, Monachi, & Conventus Domno Bartholomeo Priori Sanctæ Balbinæ de Urbe Ordinis Sancti Guillelmi nomine ipsius Ecclesiæ Sanctæ Balbinæ, & pro eâ se facturos & curaturos, quòd dictus Domnus Abbas nomine ipsius Monasterii hunc contractum, & omnia & singula infrascripta ratificabit, acceptabit, & confirmabit cum omnibus suis tenoribus; & cuncta faciet sufficienter de jure ad sensum sapientis dicti Prioris, ex potestate, & licentiâ ipsis Abbati, & Conventui concessis a Sanctissimo Patre Domino Urbano Papa Quarto super venditione infrascriptarum rerum faciendâ; sicut in litteris ipsius Sanctissimi Patris Domini Urbani Papæ Quarti Bullâ ejus plumbeâ munitis plenius continetur; quarum litterarum tenor inferius continetur; præsente quoque Fratre Florasio de Ordine Minorum Domini Papæ Cappellano, cui administratio, & cura ipsius Monasterii gerenda tam in spiritualibus, quam in temporalibus ab ipso Domino Papa est commissam; & præstante etiam ipso Fratre Florasio suum assensum in omnibus infrascriptis & singulis; & de ipsius Fratris Florasii licentiâ, atque verbo, quarum litterarum ab ipso Domino Papâ dicto Fratri Florasio directarum tenor inferius designatur, eorum bonâ voluntate, & ex certâ scientiâ vendiderunt, & venditionis titulo dederunt, & concesserunt prænominato Domno Bartholomeo Priori Sanctæ Balbinæ de Urbe Ordinis Sancti Guillelmi nomine ipsius Sanctæ Balbinæ, & ad ejus opus & utilitatem, videlicet unum Casale, quod vocatur Floranum, cum Castello, Turri, Palatio, Domibus, Casis, Ædificiis, Casalinis, Cassaro, & quibuscumque aliis ædificiis ibidem positis, & ejus circuitu, & & cum toto & integro suo tenimento adjacenti, seu pertinenti dicto Casali, cum loco, seu Casali, quod dicitur Castelion; & cum omnibus Terris spectantibus ad ipsum Castellion., & cum Terris cultis & incultis, sylvis, sodis, pratis, pratarin., pascuis, aquis, aquarum decursibus, cum arboribus fructiferis, & infructiferis, & introitibus, & exitibus eorum, & omnibus suis usibus, utilitatibus, & pertinentiis ad prædicta. Quæ omnia posita sunt extra portam Sancti Pauli, sive portam Appiamn, inter hos fines: A primo latere est tenimentum, quod fuit Sancti Clementis, & tenimentum Hospitalis Lateranen., & Ecclesiæ Sanctæ Mariæ Novæo, & Palombarium Sancti Gregorii med. strad.; A secundo Ecclesia Sanctæ Mariæ Majoris, & filii Petri Batholomæi, & Ecclesia Sancti Thomæ de Formisp; A tertio est possessio Sancti Filiari, & Ecclesia Sanctæ Priscæ, Fossato de filiari medio, & dicta Ecclesia Sancti Thomæ. A Quarto Domnus Johannes Castellanus, & Ecclesia Sancti Laurentii Panispernæ med. strad., & tenimentum Palumbariæ; vel si alii sunt fines: & per Magistrum Johannem Romanucci subscriptum testem, & dictum Domnum Johannem Romæ Camerarium, & per alterum eorum, sive alio, quos & quemlibet eorum in solidum ad hæc specialiter Procuratores constituerunt dictum Fratrem Bartholomeum Priorem nomine Ecclesiæ prælibatæ Sanctæ Balbinæ investiri, & in corporalem possessionem induci jusserunt de rebus prædictis venditis; & donec idem Prior nomine ipsius Ecclesiæ Sanctæ Balbinæ, & Fratres ejusdem Ecclesię pro ea dictarum rerum venditarum corporalem possessionem adepti fuerint, constituerunt se iidem Monachi, & Conventus nomine dicti Prioris & Fratrum Sanctæ Balbinæ pro ipsâ Ecclesiâ, & ipsius Ecclesiæ nomine tenére, & possidere; quarum rerum possessionem apprehendendi auctoritate propriâ eidem Priori pro dictâ Ecclesiâ Sanctæ Balbinæ liberam potestatem concesserunt; salvis pactis, tenoribus, & conditionibus infrascriptis: Et dederunt, concesserunt, cesserunt, & mandaverunt prædicti Decanus, & Conventus nomine dicti Monasterii Sancti Pauli prædicto Priori nomine dictæ Ecclesiæ Sanctæ Balbinæ omne jus, omnemque actionem, quod, & quam prædictum Monasterium Sancti Pauli, & ipsi nomine ipsius Monasterii habent, vel habere possent in prædictis, & pro prædictis rebus venditis, & earum occasione contra quamcumque personam & locum, quocumque modo, jure, & causâ, salvis tamen pactis, tenore, & conditionibus infrascriptis. Et promiserunt dicti Monachi & Conventus nomine dicti Monasterii, & pro eo Priori jamdicto nomine dictæ Ecclesiæ Sanctæ Balbinæ, quod dictæ res vendere nulli alii personæ, universitati, vel loco sunt datæ, concessæ aliquo modo, vel alienatæ; nec aliquis contractus, vel quasi contractus de eis factus est in totum, vel in partem, nisi obligatio facta Veczosis, ut superius est narratum. Qui si apparuerint, & propterea vel etiam propter dictam obligationem, vel ejus occasione, vel quocumque alio modo de jure in damnum; idem Prior pro dictâ Ecclesiâ, & ipsa Ecclesia Sanctæ Balbinæ venerint, vel expensas fecerint, seu dictæ res venditæ in totum vel in partem evictæ fuerint, secundum quod in jure verbum evictionis sonat; omne damnum eidem Priori pro dictâ Ecclesiâ Sanctæ Balbinæ reddere, & restituere, & omnes expensas resarcire, & reddere promiserunt etiam in ipso litis initio, & ante causam inceptam, seu sententiam latam, vel post ipsum judicium finitum, & in qualibet parte ipsius judicii, & ipsum Priorem pro ipsâ Ecclesiâ Sanctæ Balbinæ indemnem conservare; de quibus damnis, & expensis fuit actum, & conventum inter partes ipsas, quod stari, & credi debet simplici verbo Prioris, & Fratrum dictæ Ecclesiæ Sanctæ Balbinæ, qui per tempora ibi erunt, sine Sacramento, & alio onere probationis; pro quibus omnibus prædictis & infrascriptis & singulis observandis, & adimplendis prædicti Monachi, & Conventus pro Monasterio jamdicto obligaverunt, & pignori posuerunt præfato Priori pro dictâ Ecclesiâ Sanctæ Balbinæ omnia bona dicti Monasterii habita, & habenda; & ea per ipsum Priorem nomine ipsius Ecclesiæ Sanctæ Balbinæ jure pignoris se constituerunt possidere, & precario recognoverunt ab eo. Quæ bona obligata, fuit actum, & conventum inter partes ipsas, quod liceret ipsi Priori pro dictâ Ecclesiâ Sanctæ Balbinæ propriâ auctoritate, & sine alicujus Curiæ proclamatione intrare, tenere, possidere, vendere, alienare, quousque de indemnitate damnorum, & expensarum, ac etiam ipsâ evictione esset integrè satisfactum, iis pactis, tenoribus, & conditionibus in hoc contractu, & traditione de communi voluntate ipsarum partium in continenti appositis & adjectis videlicet, quod ipsi Prior, & Fratres Ecclesiæ S. Balbinæ nomine ipsius Ecclesiæ teneantur ipsum Casale Floranum cum omnibus prædictis rebus, & tenimentis vendere, & possessionem tradere Abbati, Conventui & Monachis præfati Monasterii Sancti Pauli pro ipso Monasterio, quandocumque Abbas, & Conventus ipsius Monasterii Sancti Pauli cum effectu solverint Priori, & Fratribus Sanctæ Balbinæ, qui per tempora ibi fuerint, quatuor millia librarum Provenien. Senatusq; & quandocumque super ipsâ revenditione faciendâ prædictarum rerum ipsi Prior, & Fratres dictæ Ecclesiæ Sanctæ Balbinæ fuerint requisiti a prædictis Abbate & Conventu, & Monachis Monasterii antedicti pro ipso Monasterio, seu a personâ legitimâ dicti Monasterii; quæ omnia prædicta, & infrascripta dictus Prior nomine suo, & Fratrum dictæ Ecclesiæ Sanctæ Balbinæ pro dictâ Ecclesiâ S. Balbinę promisit antedictis Decano, Monachis, & Conventui pro dicto Monasterio observare, attendere, ac etiam adimplere; & etiam facere, & curare, quòd Fratres dictæ Ecclesiæ Sanctæ Balbinæ prædicta omnia, & etiam infrascripta promittent attendere, observare, adimplere, & rata, & firma habere, & contra non venire; & promittent tempore dictæ revenditionis Prior, & Fratres dictæ Ecclesiæ Sanctæ Balbinæ, quòd ipsas res in totum, vel in partem non alienaverint, nec contractum, vel quasi contractum cum aliquâ personâ, Universitate, vel loco fecerint; & curam inde de facto Prioris, & Fratrum ipsius Ecclesiæ tantum super iis facient de jure sufficientem ad sensum sapientis ipsius Monasterii sine malitiâ. Item fuit actum & conventum inter dictas partes, quod sexta pars possessionum, seu proventuum dicti Casalis de Florano, & dictarum rerum venditarum in signum dictæ conditionis reservetur secundum tenorem scriptarum litterarum Domini Papær; quam sextam partem possessionum sive proventuum prædictarum rerum ipsi Decanus, Monachi, & Conventus pro ipso Monasterio, & ipsi Monasterio reservarunt in ipsâ venditione, & tempore ipsius venditionis, ita quod per prædicta & infrascripta quantum ad ipsam sextam partem nullum ipsi Monasterio præjudicium generetur; quod etiam ipsæ partes acceptaverunt, & voluerunt. Item fuit actum & conventum inter dictas partes in continenti, & in ipso contractu, quòd si Prior & Fratres dictæ Ecclesiæ S. Balbinæ requisiti fuerint ab Abbate, Conventu, & Monachis dicti Monasterii, vel legitimâ personâ ipsius Monasterii pro eo, & nollent ipsam solutionem quatuor millia librarum Provenien. recipere, & ipsam revenditionem facere; & Prior & Fratres ipsius Ecclesiæ Sanctæ Balbinæ vocati coram Judice Ecclesiastico, & compellati quòd ipsam pecuniam tunc oblatam reciperent, & recipere nollent; expectati spatio duorum mensium a tempore dictæ compellationis, & de iis appareat publicum Instrumentum per bonum & legalem Scriniarium scriptum; quod ex tunc, factâ ipsius pecuniæ depositione, & consignatione in ædem sacram, liceat Abbati, & Conventui dicti Monasterii pro ipso Monasterio eorum propriâ auctoritate, & sine Curiæ proclamatione, & juris dicti Monasterii læsione possessionem & tenutam ipsarum rerum venditarum intrare, tenere, uti, & frui exceptione aliquâ non obstante; & de eis facere velle eorum. Et promiserunt dicti Decanus, Monachi & Conventus nomine prælibati Monasterii dicto Priori nomine dictæ Ecclesiæ Sanctæ Balbinæ, se facturum & curaturum, quod Capitoczius, & Bartholomæus filii olim Jacobi de Capite de Veczosis, ut filii & hæredes dicti eorum Patris in solidum, & Johannes, Petrus, Angelus, & Jacobinus filii quondam Johannis Piczuti de Veczosis, Petrus, Andreas, & Jannutius filii olim Semii de Veczosis, & legitima persona dicti Jannutii, quibus ipsæ res obligatæ sunt pro certâ pecuniæ quantitate; ipsi venditioni consentient, & renuntiabunt, & refutabunt omne jus, quod in ipso Casali, & rebus prædictis habent, vel habere possent quocumque modo, jure, vel causâ, & ex quocumque contractu; & cavebunt de facto eorum & suorum antecessorum nulla eis facta reservatio; & curam, & cautelam facient de jure sufficientem; & reddent etiam omnia instrumenta, & litteras Domini Papæ, quæ & quas ipsi Veczosi habent pro ipsis, & de ipsis rebus & eorum occasione. Et promiserunt dicti Decanus, Monachi, & Conventus Monasterii prælibati nomine ipsius Monasterii Priori prædicto pro ipsâ Ecclesiâ Sanctæ Balbinæ dare octo fidejussores, vel decem, qui fidejussores nomine, & animo donandi promittant ipsi Priori pro dictâ Ecclesiâ Sanctæ Balbinæ se facturum, & curaturum, quòd Abbas, & Conventus jam dicti Monasterii prædicta omnia, & infrascripta attendent, observabunt, adimplebunt, & contra non venient, salvis pactis, & tenoribus suprascriptis; & etiam ipsum Priorem pro dictâ Ecclesiâ, & ipsam Ecclesiam indemnem, & sine expensis conservare de ipsâ venditione & ejus occasione. Et pro iis etiam obligabunt bona eorum, & curam sufficientem facient memorato Priori Ecclesiæ Sanctæ Balbinæ pro ipsâ Ecclesiâ de jure sufficientem prædictam venditionem; & quæ dicta sunt prædicti Decanus, Conventus, & Monachi nomine Monasterii prælibati de licentiâ dicti Domni Abbatis, & de consensu, & voluntate dicti Domni Fratris Florasii fecerunt nominato Priori Sanctæ Balbinæ nomine ipsius Ecclesiæ pro pretio quatuor millium librarum Provenien. Senatus, de quo pretio dictus Prior nomine ipsius Ecclesiæ Sanctæ Balbinæ promisit Decano, Conventui, & Monachis jamdictis pro Monasterio antedicto solvere eis, vel alii personæ pro dicto Monasterio duo millia librarum & quingentas libras Provenien. Senatus tunc & eo tempore, quando solutio fiet prædictis Veczosis, quibus ipsæ res venditæ obligatæ sunt; vel quòd ipsa quantitas duorum millium quingentarum librarum Provenien. Senatus deponatur pro solutione faciendâ prædictis Veczosis creditoribus; & in aliam causam expendi, vel negari non possit; dum tamen, si contigerit solutionem de ipsâ quantitate prænominatis Veczosis fieri, ut dictum est; tunc ipsi Veczosi renuntient, & refutent omne jus eis competens in rebus prædictis venditis, & consentient ipsi venditioni, & de suorum facto, & suorum antecessorum caveant, & promittant. Et etiam promisit dictus Prior Sanctæ Balbinæ prædicto Decano, Conventui, & Monachis nomine dicti Monasterii alias mille quingentas libras Provenien. residuas de dicto pretio quatuor millium librarum Provenien. … Guardiano Fratrum Minorum de Urbe, & … Priori Fratrum Prædicatorum de Urbe totaliter assignaris pro ejusdem recuperatione Casalis in aliquo tuto loco, de quo ipsis Guardiano, & Priori videbitur fideliter deponendas; & Abbati, & Conventui prædicti Monasterii nullo unquam tempore assignandas sine mandato Sedis Apostolicæ speciali. Iis pactis, & tenoribus in continenti de voluntate utriusque partis appositis & adjectis, quòd si dicta solutio, vel depositio duorum millium librarum, & quingentarum librarum Provenien. & alia depositio mille quingentarum librarum Provenien. fiet, ut dictum est, usque in septimo die futuri mensis Novembris, prædicta venditio valeat, & robur obtineat firmitatis: Alioquin ipsæ res venditæ sint ineptæ, & ad dictum Monasterium Sancti Pauli liberæ revertantur, & ad ipsum Monasterium remaneant pleno jure, prædictis & infrascriptis nequaquam obstantibus. Quam venditionem, & omnia, & singula supradicta prælibati Decanus, Conventus & Monachi antedicti pro eis & eorum Successoribus, & nomine dicti Abbatis pro memorato Monasterio, & ejus nomine stipulatione solemni promiserunt Priori sæpedicto nomine dictæ Ecclesiæ Sanctæ Balbinæ attendere, observare, defendere, & adimplere, rata & firma habere, & contra non venire sub obligatione bonorum dicti Monasterii, & sub pœnâ dicti pretii dupli; Et dictus Prior pro se, & Fratribus ipsius Ecclesiæ, eorumque in dictâ Ecclesiâ successoribus sub obligatione bonorum ipsius Ecclesiæ promisit nominatis Decano & Conventui nomine Monasterii antedicti, & pro ipso Monasterio prædicta pacta, & conventiones, tenores, & alia ab ipso Priore præmissa, & conventa dictis Decano, & Conventui nomine præfati Monasterii omni tempore attendere, observare, adimplere, & contra non venire sub pœnâ prædictâ; & pœnâ solutâ, vel non, hæc cartula, & prædicta & singula in suâ firmitate permaneant. Tenor dictarum Litterarum Domini Papæ talis est:

Urbanus Episcopus Servus Servorum Dei dilectis Filiis ‥ Abbati & Conventui Monasterii Sancti Pauli de Urbe Salutem, & Apostolicam Benedictionem. Ex parte vestrâ fuit propositum coram Nobis, quod vos olim a Petro Johannis Pizuti, & quondam Jacobo de Capite, ac aliis de domo Veczosorum Civibus Romanis partem, quam iidem Cives habebant in Castro Rajani, emistis pro quadam pecuniæ quantitate; & cum non haberetis præ manibus, unde totam pecuniam hujusmodi solveretis, tandem pro duobus millibus libris, & quingentis libris Provenien. Casale de Florano situm in territorio Urbis ad vestrum Monasterium pertinens de licentia fel. recor. Alexandri Papæ Prædecessoris Nostri dictis Civibus obligastis sub eâ videlicet a vobis adjectâ conditione, quod nisi usque ad certum terminum in Instrumento super hoc confecto expressum prædictum Casale redimeretur a vobis, ex tunc liceret eisdem Civibus Casale ipsum vendere pro suæ libito voluntatis. Unde Nobis humiliter supplicastis; ut cum in festo omnium Sanctorum proximo venturo hujusmodi terminus compleatur; dictumque Casale ferè septem millia librarum Provenien. valeat; nec habeatis; unde illud possitis redimere infra tam modici temporis brevitatem, vobis vendendi Casale ipsum cum juribus & pertinentiis suis pro pretio competenti dilectis Filiis … Priori, & Conventui Sanctæ Balbinæ de Urbe Ordinis Sancti Guillelmi; præsertim cum inter vos, & eosdem Priorem & Conventum expresse sit actum, quòd ipsi Casale prædictum pro eodem pretio, quo illud emerint, vel quandocumque ipsos super hoc requisiveritis, vendere teneantur; & sexta pars possessionum, sive proventuum dicti Casalis in signum conditionis hujusmodi reservetur; cum etiam vos pro restitutione dicti pretii de Rajano, de Marcellin., de Sancta Maria Montis Dominici, de Curcorulo, de Paxarano, de Sancto Victorino Castrorum fructus duxeritis deputandos, licentiam concedere dignaremur. Nos itaque vestris supplicationibus inclinati, præmissis veris existentibus hujusmodi licentiam tenore præsentium elargimur. Volentes, ut pecunia, quam ultra summam duorum dictorum millium & quingentarum librarum præfatos Priorem & Conventum solvere pro hujusmodi venditione continget, dilectis Filiis ‥ Priori Fratrum Prædicatorum, & ‥ Guardiano Fratrum Minorum de Urbe totaliter assignetur pro ejusdem recuperatione Casalis in aliquo tuto loco, de quo eis videbitur, fideliter deponenda; & vobis nullo unquam tempore assignanda sine mandato Sedis Apostolicæ speciali. Datum apud Urbem veterem viii. Idus Septembris, Pontificatus Nostri Anno Quarto.

“Tenor litterarum Domini Papæ directarum Fratri Florasio, talis est.”

Urbanus Episcopus Servus Servorum Dei dilecto Filio Fratri Florasio Ordinis Minorum Cappellano Nostro Salutem, & Apost. Bened. Cum nuper &c.t Datum apud Urbem veterem xvi. Kalendas Augusti, Pontificatus Nostri Anno Tertio.

“Actum in Urbe apud Monasterium Sancti Pauli. Domnus Thomas de Oderisiis Judex Testis, Domnus Petrus Consolini Judex testis, Magister Johannes Rom. Domini Papæ Scriptor testis, Gratianus Scriniarius testis, Bonus de Vicentia testis, Jannitellus de Apingia testis, Jacobus Cocus testis. Ego Johannes Coni Sanctæ Romanæ Ecclesiæ Scriniarius prædictis interfui, & ea rogatu partium prædictarum in publicam formam scripsi, & redegi.” Nulli ergo omnino hominum liceat hanc paginam Nostræ confirmationis infringere, vel ei &c. Si quis autem &c.

Datum Viterbii ii. Kalendas Aprilis, Pontificatus Nostri Anno Quarto.