Général
-
Clément IV (1265-1268)
-
Commendat pietati Fidelium fabricam Ecclesiæ Fratrum Minorum Alexandrinæ Civitatis Indulgentias 100. dierum subvenientibus elargiens. (Ex Archivo Conventus S. Francisci dictæ Cìvitatis Alexandrinæ Montis Ferrati.)
-
Anno 1268. die 30. Martii.
-
1268
-
CLEMENS &c.
Universis Christifidelibus præsentes litteras inspecturis Salutem, & Apostolicam Benedictionem.
Quoniam, ut ait Apostolus, omnes stabimus ante Tribunal Christi &c.a Sanè dilecti Filii Fratres Ordinis Minorum Alexandrin.b ibidem, sicut accepimus, Ecclesiam incœperunt construere, in qua divinis possint laudibus deservire. Cum itaque ipsis propter Christum extremæ ferentibus sarcinam paupertatis, ad hoc Fidelium subsidium sit plurimum opportunum; Universitatem vestram rogamus, & hortamur in Domino, in remissionem vobis peccaminum injungentes; quatenus de bonis vobis collatis a Deo pias eis ad hoc eleemosinas, & grata charitatis subsidia erogetis; ut per subventionem vestram memorata Ecclesia valeat confirmari; & vos per hæc, & alia bona, quæ Domino inspirante feceritis, ad æternæ possitis fælicitatis gaudia pervenire. Nos enim de Omnipotentis Dei misericordiâ, & Beatorum Petri, & Pauli Apostolorum ejus auctoritate confisi, omnibus verè pœnitentibus, & confessis, qui Fratribus eisdem pro dictâ Ecclesiâ confirmandâ manum porrexerint adjutricem, centum dies de injunctâ sibi pœnitentiâ misericorditer relaxamus: Præsentibus post quinquennium minimè valituris.
Datum Viterbii iii. Kalendas Aprilis, Pontificatus Nostri Anno Quarto.
-
Bullarium Franciscanum romanorum pontificum, tomus III, n°CLVII., pp.143-144
-
(a) Tribunal Christi &c.: Vide Bullam 107. hujus Pontificis supra relatam ad an. 1266. 5. Novemb.
-
(b) Fratres Ordinis Minorum Alexandrin.: Staticellorum vulgo Dellæ Paglia in Liguria nunc in Monte Ferrato ad fluvium Tanarum, sere media inter Genuam, & Taurinum Episcopalis urbs sub Mediolani Archiepiscopo; qua in civitate quandonam Minoritæ locum obtinuerint, ignotum; illud constat, caput esse horum Custodiæ Montis Ferrati Provinciæ Genuæ in veteri Provinciali Ordinis tam apud Jordanum autorem Polychronici, quam apud Barthol. Pisanum Conform. xi., ejusque meminit Waddingus in Annal. Min. dumtaxat ad annum 1289. num. 49.