Général
-
Urbain IV (1261-1264)
-
Taxat modum, quo Anteraden. Episcopus suum Metropolitam in visitatione, & procuratione recipiat. (Vatic. Reges. Pontif. epist. 539. to. 4.)
-
Anno 1264. die 31. Martii.
-
1264
-
URBANUS &c.
Venerabili Fratri ...a Episcopo Anteraden. Sal., & Apost. Bened.
Tuæ pacis quærentes commodum, & quietis libenter illa tibi concedimus, per quæ materia summota gravaminis tui status tranquillitas procuretur. Hinc est, quod Nos tuis gravaminibus occurrere cupientes tibi auctoritate præsentium indulgemus, ut Venerabilem Fratrem nostrum ‥b Patriarcham Antiochen., cui tamquam Metropolitanoc subesse dinosceris, ad visitandum admittere, nisi personaliter, & cum taxato evectionum, & personarum numero officium visitationis exerceat; ac prius Ecclesiæ suæ Capitulum, ac propriam Civitatem, & diœcesim, quæ est in Dominio Christianorum, plenarie duxerit visitandam; eique procurationes in pecunia numerata, sed in victualibus tantumd, exhibere minime tenearis; nec ad id compelli possis invitus sine speciali mandato nostro faciente de Indulto hujusmodi mentionem. Nos enim universas excommunicationis, suspensionis, & Interdicti sententias, quas contra Indulti nostri tenorem in te, aut aliquos alios promulgari contigerit, irritas decernimus & inanes. Nulli ergo omnino hominum liceat hanc paginam nostræ Concessionis, & Constitutionis infringere, vel ei ausu &c.
Datum apud Urbem Veterem ii. Kalendas Aprilis, Pontificatus Nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXXV., p.550
-
(a) Ven. Fratri ...: Guillelmo ex Ord. Minor., ut alias visum est, & paulo ante.
-
(b) Fratrem nostrum ...: Christianum ex Ord. Prædicat, quem ferunt anno 1268. interfuisse captioni urbis Antiochenæ per Saracenos, & cum plurimis Christianis neci datum fuisse.
-
(c) Metropolitano: Quod habet & epist. 88. In eminenti &c. hujus Pontificis anno superiore die 26. Augusti data.
-
(d) In victualibus tantum: Uti jam decreverat Innocentius IV. C. 1. Romana Ecclesia in 6. Decr. tit. 20. De censibus, exaction. &c. lib. 3., quod probavit & Beatus Greg. X., revocavit Bonifacius VIII. ex cit. 6. Decr.