Général
-
Urbain IV (1261-1264)
-
Item Episcopo Ratisponen., ut prædictum Episcopum Chimen. tueatur, obedientiam ei a subditis exhiberi, & de proventibus ipsius Ecclesiæ provideri faciens. (Ex Vaticano Reges. Pontif. epist. 63. tom. 1. anno 2.)
-
Anno 1263. die 13. Februarii.
-
1263
-
URBANUS &c.
Venerabili Fratri ...a Episcopo Ratisponen. Salutem, & Apostolicam Benedictionem.
Cum olim Chimen. Ecclesiæb, quæ diu Pastore vacaverat, &c.c Quocirca Fraternitati tuæ per Apostolica scripta mandamus, quatenus eidem Episcopo exhiberi facias per te, vel per alium, seu alios a suis subditis obedientiam & reverentiam debitam & devotam; ac de ipsius Ecclesiæ juribus, & proventibus integre responderi: Contradictores per censuram Ecclesiasticam appellatione postposita compescendo. Non obstante aliqua Sedis Apostolicæ indulgentia quibuscumque concessa, per quam non expressam præsentibus, vel totaliter non insertam effectus earumdem præsentium impediri valeat, vel differri.
Datum apud Urbem veterem Idibus Februarii, Pontificatus Nostri Anno Secundod.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XLIX., pp.458-459
-
(a) Ven. Fratri ‥: Leoni ex illius Ecclesiæ Antistitum Catalogo, & ex Auctore æquali Sterone ad annum 1261.; ubi ait eo anno successisse Alberto O. P., qui dignitate se abdicaverat.
-
(b) Chimensis Ecclesiæ: De qua in superiori epistola.
-
(c) Vacaverat &c.: Ut in præcedenti epistola usque ad illa verba Suscipiet incrementa.
-
(d) Eodem anno die 3. Nonas Martii Pontifex litteras dedit Episcopo Warmien. Apostolicæ Sedis Legato incip. In nostra solicite mente &c. extantes in Vatic. Regesto Pontif. epist. 76. tom. 1. an. 2., quibus ei mandat, ut, translato Fr. Henrico de Luxemburg e Curionen. Sede ad regimen Episcopatus Kimen. intuitu A. Magistri Hospitalis S. Mariæ Theutonicorum, ac quorumdam aliorum Curoniensi Ecclesiæ præficiat vel Edmundum de Werd fratrem ejusdem Hospitalis, seu aliquem alium de Fratribus Theutonicis sine præjudicio Ecclesiæ Rigensis loci Metropolitanæ.