Général
-
Innocent IV (1243-1254)
-
Indulgentias elargitur subsidia contribuentibus pro fabrica, & indigentia Fratrum Castri Taleacotii. (Ex Archivo Conventus S. Francisci ejusdem Oppidi.)
-
Anno 1252. die 17. Junii.
-
1252
-
INNOCENTIUS &c.
Universis Christifidelibus præsentes litteras inspecturis Salutem, & Apostolicam Benedictionem.
Quoniam, ut ait Apostolus &c.a Sanè dilecti Filii Minister, & Fratres Ordinis Fratrum Minorum Taliacotiib Marsicanæ Diœcesis ibidem, sicut accepimus, Ecclesiam cum aliis ædificiis suis opportunis cœperant construere, in qua Divinis possint laudibus deservire. Cum itaque pro hujusmodi ædificiis consummandis, & etiam pro sustentatione arctæ vitæ ipsorum indigeant Fidelium juvari subsidiis, qui propter Christum extremæ ferunt sarcinam paupertatis; Universitatem vestram rogamus &c.c Nos enim de omnipotentis Dei misericordia &c. quadraginta dies de injuncta sibi pœnitentia misericorditer relaxamus.
Datum Perusii xv. Kalendas Julii Pontificatus Nostri Anno Nonod.
-
In eumdem modum pro Cœnobio Tuscanensi, vulgo Tuscanella in Patrimonio S. Petri, ex Authographo ejusdem loci apudCasimirum Romanumin memoriis Hist. Provinciæ Rom. Ord. Minor.; de quo loco agit & Theulus in Appar. Minor. lib. 2. cap. 2. -
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXVI., p.616
-
(a) Apostolus &c.: V. Bulla Gregorii IX. anno 1232. die 10. Octobr. edita pro Monasteriis S. Mariæ Magdal. in Alemania, & alia hujus Pontificis anno 1244. die 12. Februarii.
-
(b) Taleacotii: VI. Conventus est
Custodiæ Marsicanæin Provincia Pennensi seu Aprutina nunc S. Bernardini dicta exProvincialiantiquo Ordinis apud Polychronicon, & Barthol. Pisanum Conform. xi., cujus tamen origo, & fundatio ignota adhuc creditur. Porro Taliacotium nobile Oppidum est haud procul a lacu Fucino, nunc Celani, ubi modo Marsorum Episcopus morari solet; & olim anno nimirum 1268. Carolus Andegavensis I. Rex Siciliæ, & Hierusalem bello devicit, profligavitque Conradinum Friderici ii. Imp. nepotem ex Jo: Boccaccio de Casibus Viror. Illustr. lib. 9. in Carolo Siculorum Rege; etsi alii id factum scribunt in Campo Palentino; siquidem iste in agro Taleacotii non longe ab Oppido fertur esse. -
(c) Rogamus &c.: Ut in Bulla 34. hujus Pontificis.
-
(d) Aliud indultum huic Cœnobio contulit Alexander IV. anno 1259. per litteras
Vestræ meritis Religionis &c.datas Kalendis Maji, & Vitæ perennis gloria &c. anno sequenti die 18. ejusdem mensis; quæ infra suis locis dantur.