« bullarium-franciscanum-790 »

INNOCENTIUS &c.

Dilectis in Christo Filiabus Abbatissæ Monasterii S. Mariæ Vallis Flogii a , ejusque Sororibus b tam præsentibus, quam futuris regularem vitam professis in perpetuum Salutem, & Apostolicam Benedictionem.

Religiosam vitam eligentibus &c.c Eapropter, dilectæ in Christo filiæ, vestris justis postulationibus clementer annuimus; & Monasterium Sanctæ Dei Genitricis Virginis Mariæ in Valle Flogii Nucerin., in quo Divino estis obsequio &c.d Præterea quascumque possessiones, quæcumque bona &c.e illibata permaneant: in quibus hæc propriis duximus exprimenda vocabulis: locum ipsum, in quo præfatum Monasterium situm est, cum omnibus pertinentiis suis; Terras, vineas, silvas, & possessiones, quas habetis in Valle Flogii; cum Terris, vineis, pratis, nemoribus, usuagiis, & pascuis in Bosco, & plano, in aquis, & Molendino, in viis, & semitis, & omnibus aliis libertatibus, & immunitatibus suis. Liceat quoque vobis personas liberas, & absolutas e seculo fugientes ad conversionem recipere, & eas absque contradictione aliqua retinere. Prohibemus insuper &c.f (usque) seu violentiam audeat exercere. Præterea omnes libertates, & immunitates, quas Monasterio vestro bo. mem.g ‥ Episcopus, & dilecti Filii Canonici Nucerini indulsisse dignoscuntur; sicut in Instrumentis confectis exindè pleniùs continetur; auctoritate Apostolica confirmamus, & præsentis Scripti privilegio communimus. Tenorem autem Instrumentorum ipsorum præsenti privilegio inseri fecimus, qui talis est:

In Dei nomine Amen.

“Anno Domini Mccxxxiii. vi. Kalendas Decembris, Indictione vi. tempore Gregorii Papæ IX., & Friderici Imperat., Dominus Guido h Nucerinus Episcopus una cum Domino Joanne, Donno Petro, Actone, Michaele, & Petro Canonicis Nucerinis simul fecerunt Ecclesiam Sanctæ Mariæ, & locum Sororum Vallis Flogii exemptum; sicut est locus Sororum de Fulgineoi, & sicut in eorum privilegio, vel carta continetur. Actum in Civitate Nucerina in Ecclesia Sanctæ Mariæ Canonicæ Nucerin. in choro ipsius Ecclesiæ: Unde sunt Testes Dominus Alatrinus j Rector Ducatus Spoleti, Dominus Hieronymus Johannis Judex, Dominus Andreas Hermanni, Bartholus Rugerii, Dominus Johannes Abbas Sancti Stephani de Gallano, Dominus Bene ejus Monachus, Dominus Guido Offreducii, & alii plures. Ego Alexander Notarius his omnibus interfui; & ut supra legitur, scripsi.

In Dei nomine Amen.

“Anno Domini Mccxxxiv. x. Kalendas Aprilis Indictione vii. tempore Gregorii Papæ IX., & Friderici Imperatoris, Dominus Guido Nucerin. Episcopus una cum Domno Petro, Michaele, & Actone Canonicis in ipsa Canonica tunc residentibus reservavit sibi in Instrumento exemptionis ab ipso, & Canonicis facto Ecclesiæ Sanctæ Mariæ Vallis Flogii, vel loco Sororum, ut ipsæ Sorores in ipsa Ecclesia, vel loco commorantes, vel earum Sorores, quæ ipsis successerint, teneantur sibi dare, & exhibere ipsi Episcopo, & suis Successoribus annuatim unam libram ceræ in festo S. Mariæ Mensis Augusti tantum. Actum in Civitate Nucerina in Claustro Canonicæ Nucerinæ, undè sunt Testes Madius Agreste, Oliverius, & Vitalis Notarii, Barutius de Colle Burusii, & Petrus Johannis D. Petri. Ego Alexander Notarius his omnibus interfui; &, ut supra legitur, rogatus scripsi, & complevi.” Ad indicium autem hujus perceptæ a Sede Apostolica libertatis, unam libram ceræ Nobis, nostrisque Successoribus annis singulis persolvetis. Decernimus ergo, ut nulli omnino hominum liceat præfatum Monasterium temerè &c.k

Datum Perusii per manum Guillelmi Magistri scholarum Parmen. Sanctæ Romanæ Ecclesiæ Vice-Cancellarii secundo Idus Junii Indictione x. Incarnationis Dominicæ Anno Mcclii. Pontificatus verò Domini Innocentii Papæ IV. Anno Nonol.

Ego Innocentius Catholicæ Ecclesiæ Episcopus subscripsi.

Ego Raynaldus Ostiensis, & Velletrensis Episcopus subscripsi.

Ego Petrus Sabinensis Episc. subscripsi.

Ego Jacobus Portuen., & Sanctæ Rufinæ Episcopus subscripsi.

Ego Stephanus sanctæ Mariæ Transtyberim Tituli sancti Calixti Presbyter Cardinalis subscripsi.

Ego Frater Joannes Tituli sancti Laurentii in Lucina Presbyter Cardinalis subscripsi.

Ego Petrus sancti Georgii ad velum aurum Diaconus Cardinalis subscripsi.

Ego Willelmus sancti Eustachii Diaconus Cardinalis subscripsi.

Ego Ottobonus Sancti Adriani Diaconus Cardinalis subscripsi.