Général
-
Innocent IV (1243-1254)
-
Causam Magistri Walteri Scholastici cognoscendam tradit; qua cognita, jubet decerni quod justum fuerit. (Ex Archivo Secretiori Vaticano in Reges. Pontif. num. 245. an. 5.)
-
Anno 1247. die 7. Octobris.
-
1247
-
INNOCENTIUS &c.
Dilectis Filiis … Priori Ordinis Prædicatorum, & … Guardiano Ordinis Fratrum Minorum Constantien. a , & Præposito Ecclesiæ Sancti Galli b Constantien. Diœcesis Salutem, & Apostolicam Benedictionem.
Sua Nobis dilectus Filius Magister Walterius de Rutelingin.c Scholasticusd Ecclesiæ Curien.e exposuit quæstione, quod … Curien. Episcopusf ipsum Scholastria suag ipsius Ecclesiæ, nec non & Ecclesia de Rantviller Curien. Diœcesis, quas Canonicè obtinebat, ea occasione dumtaxat, quod in Ordine Fratrum Minorum causa probationis aliquandiu moram traxit, licet professionem, vel aliquid aliud, per quod eum vitam mutare voluisse appareat, non fecerit apud eos; ac exinde infra tempus probationis exiverit, & ad ejusdem Ordinis observantiam per Ven. Fr. Nostrum …h Basilien. Episcopum denuntiatus sit auctoritate Apostolica non teneri; contra justitiam spolians illas, Scholastriam videlicet Eberhardo dicto Stulto, & Ecclesiam Waltero ejusdem Episcopi Curien. Nepoti Canonicis Curien. pro suæ contulit arbitrio voluntatis in ejusdem Scholastici præjudicium non modicum, & gravamen. Quare idem Nobis humiliter supplicavit, ut ipsum restitui ad easdem Scholastriam, & Ecclesiam, amoto ab eis quolibet illicito detentore, sicut justum fuerit, faceremus, Ideòque mandamus, quatenus vocatis, qui fuerint evocandi, & auditis hinc inde propositis, quod justum fuerit, appellatione postposita statuatis; facientes quod statueritis auctoritate Nostra firmiter observari. Testes autem qui fuerint nominati, si se gratia, odio, vel timore subtraxerint, censura simili, appellatione cessante compellatis testimonium perhibere. Quod si non omnes iis exequendis interesse potueritis, duo vestrum ea nihilominus exequatur.
Datum Lugduni Nonis Octobris, Pontificatus Nostri Anno Quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXLII., pp.493-494
-
(a) Constantien.: Sermonem esse hoc loco de
ConstantiaSveviæ, Germanicaque, non vero de Gallica, elicitur ex locis S. Galli, Rutlingenii, Curiensis, & Basiliensis ibi nominatis. -
(b) Sancti Galli: Oppidi Helvetiorum cum insigni Abbatia, cujus Abbas Imperii Princeps est, & ex præcipuis Helvetiorum sociis, una leuca tantum a lacu Constantiæ, & 4. a Lindavia in occasum distantis.
-
(c) De Rutelingin.: Oppido illius regionis, ubi Fratres Minores antiquitus locum habebant x. Custodiæ Sveviæ in Procincia Alemanniæ superioris ex veteri Provinciali Ordinis apud Polychronicon, & Pisanum Conform. xi., ubi dicitur
Rutlinguene, & Rurilongnene. -
(d) Scholasticus: Qui nimirum Ecclesiasticis Scholis præesse debebat; quod munus quidam asseruerunt fuisse
Protonotarii; uti nos monuit Dom. Cangii in Glossario, ubi plura de hoc nomine, atque officio. -
(e) Ecclesiæ Curien.: Vulgo Coira in Rhetia nunc Grisoni primariæ urbis prope Rhenum inter Clavennam, & Brigantium vulgo Bregentæ sub Archiepiscopo Maguntino.
-
(f) Curien. Episcopus: Volcardus a Nyvemberg, qui ab anno 1237. usque ad ann. 1251. sedit, & Friderici ii. Imp. fautor fuit.
-
(g) Scholastria sua: Nempe Scholastici Eccles. dignitate, ut explicat cit. Cangius.
-
(h) Fratrem nostrum ‥: Lutolfum anno sequenti e vivis subtractum.