Général
-
Innocent IV (1243-1254)
-
Ministris Ordinis facultatem tribuit absolvendi Fratres Ordinis Pænitentium Italiæ, ac Regni Siciliæ ab excommunicatione, si quam adhærendo Friderico qu. Imperat., vel ejus Fautoribus incurrerunt. (Ex
ArchivoOrdinis apud SS. XII. Apostolos, alteroque Conventus S. Francisci ad Scalas urbis Anconitanæ.) -
Anno 1247. die 24. Septembris, al. 25. Augusti.
-
1247
-
INNOCENTIUS &c.
Dilectis Filiis Generali, & Provincialibus Ministris de Ordine Fratrum Minorum in Italia, ac Regno Siciliæ constitutis Salutem, & Apostolicam Benedictionem.
Cupientes Animarum periculis obviare, absolvendi eos, qui Fratrum Pœnitentiuma in Italia, & Regno Siciliæ Ordinem intraverunt, seu intraverint, ab excommunicationis sententia, si quam favendo F. R.b quondam Imperatori, & fautoribus ejus, postquam excommunicatus extititc, incurrerunt; dummodo super eum, quod faverunt, vel adhæserunt, de stando mandatis Ecclesiæ, & de non favendo, ac adhærendo ei de cætero præstent cautionem juratoriam, & aliam etiam congrventem; auctoritate vobis præsentium concedimus facultatem.
Datum Lugduni viii. Kal. Octobr.d, Pontificatus Nostri Anno Quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXLI., p.493
-
(a) Fratrum Poenitentium: Nempe Tertii Ordinis S. Francisci sub hoc titulo Pœnitentium, vel
Continentium; de quibus dictum est in epist. Vota devotorum &c. hoc anno die 13. Junii scripta, & alias. -
(b) F. R.: Friderico Romanorum.
-
(c) Excommunicatus extitit: Primo nimirum anno 1229. a Gregorio IX., decennioque post ab eodem; tandem, & ultimo ab ipsomet Innocentio anno 1245. in Lugdunensi Concilio, & etiam antea.
-
(d) viii. Kalendas Octobris: Ita codex Anconitanus, sed Romanus SS. XII. Apostolorum habet viii. Kalendas Septembris.