Général
-
Innocent IV (1243-1254)
-
Regulam a Gregorio IX. Monialibus Damianitis præscriptam in pluribus immutat, & illis observandam injungit. (
Regest. Vatic.epist. 166. al. 167., & ex eoWaddingusin Annal. Minor. num. 29.) -
Anno 1247. die 23. Augusti.
-
1247
-
INNOCENTIUS &c.
Dilectis in Christo filiabus universis Abbatissis, & Monialibus inclusis Ordinis Sancti Damiani Salutem, & Apostolicam Benedictionem.
Quoties a Nobis petitur, quod fluctuantibus animis tranquillitatem parit, honestati consulit, & saluti; & ad id promptis anhelamus affectibus, & quod debitis incrementis hæc proficiant, vigilanti animo procuramus. Cum igitur nuper Regulam vestrama, & vivendi formam, ob cujus difficultatem nimiam conscientiæ vestræ ambiguitatis scrupulo premebantur, & intollerabile personis dispendium imminebat, considerato præcipuè, quod multæ jam, & diversæ dispensationum formæb factæ fuerint circa ipsam, propter quod non una, sed multiplex videbatur professio, duxerimus corrigendam; vobis certam Regulam, ac vivendi formam, de novo largientes, præsentium auctoritate statuimus, & Regulam, & vivendi formam, de novo correctam, quam Universitati vestræ sub Bulla nostrac dirigimus, tam vosd, quam illæ, quæ vobis successerint, diligenter perpetuis temporibus observetis, ad aliud, quam in ipsa correcta sit Regula, & vivendi forma, decernentes vos de cetero non teneri; nullis præcepto, vel voto, seu litteris obstantibus, super hoc a Sede Apostolica impetratis. Nulli ergo omnino hominum liceat hanc paginam nostræ constitutionis infringere, vel ei ausu temerario contraire. Si quis autem &c.
Datum Lugduni x. Kal. Septembris Pontificatus Nostri Anno Quintoe.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXXVI., pp.488-489
-
(a) Regulam vestram; A Gregorio IX. compositam, & a Waddingo vulgatam in Annal. Minor. ad ann. 1219. n. 47. incip.
Cum omnis vera Religio &c.nec non ab ipsomet Innocentio anno 1245. idibus Novembris confirmatam. -
(b) Diversæ dispensationum formæ: De jejunio, cibis, & vestitu; ut ex pluribus epistolis Pontificiis supra relatis:
-
(c) Sub Bulla nostra: Data die 6. Augusti, ut supra,
Cum omnis vera Religio &c. -
(d) Tam vos: Moniales tamen S. Damiani
Assisiatesvivente S. Clara, & multo post Regulam hanc non admiserunt, sed illam a S. P. Francisco illis conscriptam observarunt; uti & nonnulla alia Monasteria. -
(e) Hæc videtur esse ea Forma vitæ Ordinis, quam pro
Clarissisedidisse Innocentium IV., & hoc titulo extare in Biblioth. Vaticana MS. scribit Jacobus a Sancto Carolo in Bibliotheca Pontificia.