Général
-
Grégoire IX (1227-1241)
-
Confirmat Monasterio lignorum onera ei a Conventu S. Sylvestri de Monte Subasio concessa. (Ex Avthographo in Archivo dicti Monasterii reperto.)
-
Anno 1236. die 25. Maji.
-
1236
-
GREGORIUS &c.
Dilectis in Christo filiabus Abbatissæ, & Conventui Monialium inclusarum Monasterii Vallisgloriæ Sanctæ Mariæ de Spello a Salutem, & Apostolicam Benedictionem.
Justis petentium desideriis dignum est Nos facilem præbere consensum; & vota, quæ a rationis tramite non discordant, effectu prosequente complere. Vestra siquidem Nobis devotio intimavit, quod Abbas Monasterii Sancti Sylvestri de Monte Subasiob ad necessitatem vestram pium habens compassionis affectum, de sui Conventus assensu accipiendi diebus singulis in ipsius Monasterii sylva, quamdiù duraverit, duas Saumas Lignorumc vobis tribuit facultatem: Nos ergo vestris precibus inclinati, quod piè factum est in hac parte ab Abbate, & Conventu prædictis, & in confectis super hoc litterisd plenius continetur, auctoritate Apostolica confirmamus, & præsentis Scripti patrocinio communimuse. Nulli ergo omnino hominum liceat hanc paginam nostræ confirmationis infringere, vel ei ausu temerario contraire. Si quis autem &c.
Datum Viterbii viii. Kalendas Junii Pontificatus Nostri Anno Decimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXCIX., pp.195-196
-
(a) Monasterii Vallis gloriæ S. Mariæ de Spello: Ordinis S. Damiani Assisiaten., de quo dictum est in notis ad Bullam,
Quoniam ut ait Apostolus &c.anno 1230. die 12. Aprilis editam. -
(b) Monasterii S. Silvestri de Monte Subasio: Ordinis S. Benedicti Gongregat. Camaldulen. jam ab anno 1232. suppressi ex litteris Pontificis Ab Ecclesia S. Silvestri &c. eo anno die 27. Julii Episcopo Spoletano datis; sed nondum executioni mandatum fuisse hoc tempore, colligitur ex hac epistola, & ex instrumento executionis factæ hoc anno 1236. die ultima Augusti per Bartholomæum Episcopum Spoletanum relato in
BullaInnocentii IV. Cum Ecclesiam S. Silvestri &c. anno 1244. edita. -
(c) Duas saumas lignorum: Vulgo
Soma, hoc est onus, quod jumentis plerumque, & interdum bajulis, gerulisque hominibus imponitur; de qua voce Glossarium Fresnense Dom. Cangii fuse tractat. -
(d) Confectis super hoc litteris: Quæ tamen non habentur amplius: in distributione autem bonorum prædictæ Abbatiæ hoc anno 1236. die ultima Augusti per Episcopum Spoletanum facta jussu Pontificis huic S. Mariæ Vallis gloriæ Monasterio contributæ sunt tres partes ex 4.
Sylvæmemoratæ Abbatiæ; ut habetBullaconfirmationis dictæ distributionis ab Innocentio IV. anno 1244. die 18. Maji edita, quæ infra dabitur. -
(e) Communimus: Mabillonius lib. 56. Annal. Benedict. n. 90. ad an. 1030. scribit in Monast: S. Silvestri Sub-Ascri suburbano Fulginii educatum fuisse puerum S. Dominicum Soranum plurium Monasteriorum conditorem: istud vero
S. Silvestrinunc, inquit, in Xenodochium conversum est; at suppressionem, ejusque tempus ignoravit.