Général
-
Grégoire IX (1227-1241)
-
Monasterio S. Mariæ de Monticello Florentinæ Diœcesis confirmat privilegium a se antea, dum Sedis Apostolicæ Legatus esset, collatum, & ab ejus antecessore Honorio III. confirmatum (Ex
Archivopræfati Monasterii.) -
Anno 1229. die 21. Decembr.
-
1229
-
GREGORIUS &c.
Dilectis in Christo filiabus ..... Abbatissæ Monasterii S. Mariæ ad Sanctum Sepulcrum de Monticello a Florentinæ Diœcesis, ejusque Sororibus tam præsentibus, quam futuris Regularem vitam professis Salutem, & Apostolicam Benedictionem.
Religiosam vitam eligentibus Apostolicum convenit adesse præsidium; ne fortè cujuslibet temeritatis incursus aut eas a proposito revocet; aut robur, quod absit, Sacræ Religionis infringat. Eapropter, dilectæ in Christo filiæ, vestris justis postulationibus clementer annuimus, & Monasterium Sanctæ Mariæ ad Sanctum Sepulcrum de Monticello Florentinæ Diœcesis, in quo Divino estis obsequio mancipatæ &c.b
Præterea omnes libertates, immunitates, quas vobis dum in minori adhuc officio constituti legatione in partibus vestris fungeremur, indulsimus, & bonæ memoriæ Honorius Papa Prædecessor noster per suas litteras confirmavit, ad exemplar ipsius auctoritate Apostolica confirmamus, & præsentis scripti patrocinio communimus. Ad Indicium autem hujus perceptæ a Sede Apostolica libertatis pro aureo hactenus debitoc, quod vobis remittimusd, unam libram cæræ Nobis, nostrisque successoribus annis singulis persolvetis. Tenorem verò litterarum ejusdem Prædecessoris Nostri ad cautelam duximus præsenti privilegio inserendum, qui est talis: Honorius Episcopus servus servorum Dei, Dilectis in Christo filiabus .... Abbatissæ, & Monialibus Monasterii Sanctæ Mariæ ad Sanctum Sepulcrum de Monticello Florentinæ Diœcesis Salutem, & Apostolicam Benedictionem. Sacrosancta Romana Ecclesia devotas, & humiles filias &c. e
Decernimus ergo &c.f
Datum Perusii per manum Magistri Martini Sanctæ Romanæ Ecclesiæ Vice-Cancellarii xii. Kalendas Januarii, Indictione secunda, Incarnationis Dominicæ Anno millesimo ducentesimo vigesimo nono, Pontificatus verò Domini Gregorii Papæ IX. Anno Tertio.
Ego Gregorius Catholicæ Ecclesiæ Episcopus.
Ego Joannes Sabinensis Episcopus.
Ego Jacobus Tusculanus Episcopus.
Ego Bartholomæus Sanctæ Pudentianæ Presbyter Cardinalis Tituli Pastoris.
Ego Guifredo Tituli S. Marci Presbyter Cardinalis.
Ego Sigembaudus Tituli S. Laurentii in Lucina Presbyter Cardinalis.
Ego Stephanus Sanctæ Mariæ trans Tyberim Tituli Calixti Presbyter Cardinalis.
Ego Octavianus SS. Sergii, & Bacchi Diaconus Cardinalis.
Ego Raynerius Sanctæ Mariæ in Cosmedin Diaconus Cardinalis.
Ego Petrus Sancti Georgii ad Velum Aureum Diaconus Cardinalis.
Ego Raynaldus S. Eustachii Diaconus Cardinalis.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XLIII., p.56
-
(a) de Monticello: Ordinis S. Damiani, de quo loco dictum est supra in aliis Gregorii, & Honorii iii. litteris.
-
(b) Mancipatæ &c.: Vide Bullam superiore anno die 22. Novembris Monasterio Tudertino missam.
-
(c) pro aureo hactenus debito: Et in
Bulla3. Honorii iii. Sacrosancta Romana Ecclesia &c. anno 1219. die 9: Decembris edita præscripto. -
(d) Vobis remittimus: Causa remissionis creditur, quod Monasterium elegerit sequi Regulam a S. P. Francisco S. Claræ anno 1224. sub altissima paupertate traditam; ut egit & alterum Monasterium S. Mariæ Montis Lucidi Perusini ex dicendis ad Bullam anno 1255. die 8. Maji editam,
Ne de solutione census &c. -
(e) Filias &c. Ut in cit. Bulla 3. Honorii iii. anno 1219. die 9. Decembris edita, & superius ibi relata.
-
(f) Decernimus ergo: &c.: Cetera ut in cit.
Bullispro Monasterio Florentino, & Tudertino.