Général
-
Urbain IV (1261-1264)
-
Eodem modo. (Ex eodem Regesto epist. 69.)
-
Anno 1264. die 15. Martii.
-
1264
-
URBANUS &c.
Venerabili Fratri ... Patriarchæ Jerosolimitano Apostolicæ Sedis Legatoa Sal., & Apost. Bened.
Lecta coram Nobis Venerabilium Fratrum nostrorum ‥ Anteraden., & ... Crapulen. Episcoporum petitio continebat, quod iidem attendentes, quod eidem Anteraden. Episcopo ex tribus mansis Terræ sitis in Territorio Moelli Diœcesis Tervisin. ad Anteraden. Ecclesiam pertinentibus, utpote nimium distantibus ab eadem; ac eidem Crapulen. Episcopo ex fundico, ac solo, ubi ipsum fundicum situm est, & aliis, quæ Sedes, seu Ecclesia Caprulen. in Tyren. Civitate, ac Diœcesi obtinebat, utpote nimium remotis ab ea modica proveniebat utilitas, ea invicem Ecclesiarum ipsarum nomine permutarunt, ea conditione in permutatione hujusmodi expresse adjecta, ut eadem permutatio non valeret, nisi acceptaremus, & confirmaremus eamdem; & defectum, siquis extitit in ea, suppleremus de plenitudine potestatis; prout in Instrumento publico inde confecto, & dictorum Episcoporum sigillis munito plenius continetur. Nos igitur Episcoporum ipsorum supplicationibus inclinati permutationem hujusmodi ratam, & gratam habentes, ac eam auctoritate Apostolica confirmantes supplevimus defectum de plenitudine potestatis ejusdem, si quis extitit in eadem. Quocirca Fraternitati tuæ mandamus, quatenus dictum Episcopum Anteraden., vel Procuratorem suum ejus nomine in possessionem prædictorum fundici, & soli, ac aliorum inducas, & defendas inductum: Contradictores &c. (usque) compescendo.
Datum, ut suprab.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXXII., pp.546-549
-
(a) A. S. Legato: Gulielmo Gallo antea Episcopo Agennen. assumpto ex Annal. Eccles. Raynaldi ad annum 1263. num. 14., & usque ad annum 1270. illud munus obeunti.
-
(b) Ad hujus Gulielmi preces ordinationem quamdam Episcopi ejus prædecessoris circa Canonicos illius Ecclesiæ Anteraden. Pontifex confirmari, & observari mandavit eidem Patriarchæ Hierosolymit. litteris Lecta coram nobis &c. hoc anno die ultima Martii datis ex Vatic. Reges. Pontif. epist. 540. tom. 4.