« bullarium-franciscanum-1701 »

URBANUS &c.

Venerabilibus Fratribus ...a Anteraden., & ...b Crapulen.c Episcopis Salutem, & Apost. Ben.

Lecta coram Nobis petitionis vestræ relatio continebat, quod vos attendentes, quod tibi, Frater Anteraden., ex tribus mansis Terræ sitis in Territorio Moelli Diœcesis Tervisin. ad Anteraden. Ecclesiam pertinentibusd, utpote nimium distantibus ab eadem; tibique, Crapulen. Episcope, ex fundicoe, ac solo, ubi fundicum ipsum situm est, & aliis, quæ Sedes, seu Ecclesia Crapulen. in Tyren. Civitatef, ac Diœcesi obtinebat, utpote nimium remotis ab ea modica proveniebat utilitas; ea invicem Ecclesiarum vestrarum nomine permutastis, ea conditione in permutatione hujusmodi expresse adjecta, ut eadem permutatio non valeret, nisi acceptaremus, & confirmaremus eamdem; & defectum, si quis extitit in ea, suppleremus de plenitudine potestatis; prout in instrumento publico inde confecto, & vestris sigillis munito plenius continetur. Nos igitur vestris supplicationibus inclinati permutationem hujusmodi ratam, & gratam habentes eam auctoritate Apostolica confirmamus, ac supplemus defectum de plenitudine potestatis ejusdem, si quis extitit in eadem. Tenorem Instrumenti prædicti de verbo ad verbum præsentibus fecimus annotari, qui talis est.

“In Dei nomine Amen. Anno a Nativitate Domini mcclxiv., die octavadecima Februarii, Indictione vii. Nos Frater Guillelmus Ordinis Fratrum Minorum Dei gratia Episcopus Anteraden. pro utilitate ipsius nostræ Ecclesiæ hanc permutationem, & hæc omnia facere profitentes, præsente, & consentiente Archidiacono nostro Ricardo, nomine permutationis damus, & tradimus ad proprium vobis Domino Fratri Marino Dei gratia Episcopo Crapulen.g pro vobis, & vestra Ecclesia tres mansos sexaginta Jugerum jacentes in Territorio Moelli, videlicet in Ronchis; Unus quorum Mansorum regebatur per Lazaroctum; & alius per Leonardum; & tertius per Lavizanum; quorum Mansorum hæc sunt cohærentiæ, a mane Monasterium Trinitatis possidet; versus montem infrascripti Fratres venditores; versus meridiem Alexander de Spineda; & de subtus vadit fluvius Desii; quos mansos emit bonæ memoriæ Frater Guillelmus Ordinis Prædicatorumh Episcopus Anteraden. prædecessor noster, vel alter pro eo a Guillelmo, & Jacobo Fratribus filiis quondam Liberii de Blava; ut continetur in Instrumento facto manu Oderici de Marcis Sacri Palatii Notarii, cum pratis, pascuis, nemoribus, ingressibus, egressibus, adjacentiis, cohærentiis superioribus, & inferioribus, juribus, & pertinentiis suis, & aliis omnibus, quæ ad eos, vel eorum aliquem pertinent, aut pertinere videntur de jure, vel de facto, ad habendum, tenendum, possidendum, fruendum, & omnem vestram exinde voluntatem faciendum; Constituentes Nos pro vobis, & vestra Ecclesia Crapulen. tenere, & possidere; donec possessionem ingressi, & adepti fueritis corporalem; in quos, & in quam ingrediendi, & adipiscendi, quando, & quoties vobis placuerit, vobis plenam concedimus facultatem. Promittentes per Nos, nostrosque Successores vice, & nomine nostræ Anteraden. Ecclesiæ cum obligatione omnium bonorum ipsius Ecclesiæ vobis dicto Domino Episcopo Crapulen. stipulantibus pro vobis, & vestra Ecclesia, & Successoribus vestris de prædictis, vel eorum aliquo nullo tempore litigare, nec etiam modo aliquo molestare; sed ipsos Mansos, & quemlibet eorum cum omnibus supradictis ab omni persona, & loco propriis sumptibus, & expensis in omnem litis eventum defendere, varentarei, auctorizare, modisve omnibus expedire de jure. Cedimus quoque vobis, & damus omnia jura, omnesque actiones reales, personales, utiles, directas, & mixtas, & omnes alias quascumque Nobis, & nostræ Ecclesiæ competentes, & competentia pro prædictis Mansis, & quolibet eorum contra venditores, fidejussores, auctores, & defensores eorum, & contra omnes alias personas, & loca, & eorum hæredes, & Successores, & bona, & possessores eorum ex tenore, & occasione præfati Instrumenti, constituentes vos Procuratorem in rem vestram, ita quod possitis exinde agere, experiri, replicare, & vos tueri, & omnia facere, quæ Nos ipsi ante hunc contractum facere poteramus. Et versa vice Nos Frater Marinus Dei gratia Episcopus Caprulen.j supradictus hanc permutationem, & hæc omnia pro utilitate nostræ Ecclesiæ Caprulen. facere profitentes coram nostro Metropolitano Domino Fratre Angelok Dei gratia Patriarcha Graden.l, ipsoque consentiente nomine permutationis damus, & tradimus ad proprium vobis jamdicto Domino Fratri Guillelmo Dei gratia Episcopo Anteraden. pro vobis, & ipsa vestra Ecclesia unum fundicum, & solum, ubi ipsum fundicum fuit, cum domibus, mansionibus, stationibus, voltis, & caminatis, atque redditibus, ædificiis, & territoriis copertis, & discopertis, & cum iis, quæ reddere possunt; & cum terris, & possessionibus, juribus intus & foris, superius & inferius, & cum libertatibus portuum, & portarum mittendi, & extrahendi, & aliis omnibus, quod, quos, quas, & quæ habemus, & Ecclesia Caprulen. habet, & habere consuevit, & videtur habere in Tyro, & ejus Diœcesi, & pertinentiis Ultramarinis; & ubicumque in tota Terra Ultramarina; & hoc fundicum, & hæc omnia, & singula vobis damus, & tradimus cum pratis, pascuis, nemoribus, ingressibus, egressibus, adjacentiis, & cohærentiis superioribus, & inferioribus, juribus, & pertinentiis suis, & aliis omnibus, quæ ad prædicta, vel eorum aliquod pertinent, vel pertinere videntur de jure, vel de facto, ad habendum, tenendum, possidendum, fruendum, & omnem vestram exinde voluntatem faciendum; Constituentes Nos pro vobis, & vestra Ecclesia Anteraden. tenere, & possidere; donec possessionem ingressi, & adepti fueritis corporalem, in quod, & quæ ingrediendi, quando, & quoties vobis placuerit, vobis plenariam concedimus facultatem, promittentes per Nos, nostrosque Successores vice, & nomine Caprulen. Ecclesiæ cum obligatione omnium bonorum ipsius Ecclesiæ vobis dicto Domino Episcopo Anteraden. stipulanti pro vobis, & vestra Ecclesia, & Successoribus vestris de prædictis, vel eorum aliquo nullo tempore litigare, nec etiam modo aliquo molestare, sed ipsum fundicum, & solum, ubi ipsum fundicum fuit, cum omnibus supradictis ab omni persona, & loco propriis sumptibus, & expensis in omnem litis eventum defendere, varentare, auctorizare, modisve omnibus expedire de jure. Cedimus quoque vobis, & damus omnia jura, omnesque actiones utiles, directas, & mixtas, & omnes alias quascumque Nobis, & nostræ Ecclesiæ competentes, & competentia, pro prædicto fundico, & solo, ubi fuit quondam ipsum fundicum, & pro omnibus, & singulis supradictis contra omnes personas, & loca, & contra eorum hæredes, & Successores, & eorum bona, constituentes vos Procuratorem in rem vestram, ita quod possitis inde agere, experiri, replicare, & vos tueri, & omnia facere, quæ Nos ante hunc Contractum facere poteramus; Hæc omnia, & singula Nos supradicti Episcopi permutatores per Nos, nostrosque Successores vice, & nomine Ecclesiarum nostrarum promittimus Nobis ad invicem, & unus alteri solemniter promisit attendere, adimplere, & inviolabiliter observare; nec contra hæc, vel eorum aliquod per Nos, vel per alios aliquo tempore facere, vel venire aliqua ratione, ingenio, sive causa, & reficere omnia damna, quæ acciderint, & restituere omnes expensas, & quodlibet interesse, quod, quas, & quæ unus nostrum occasione alterius pacta scripta superius non servantis in judicio faceret, sive extra sub pœna duplici, unde agetur a quolibet nostrum in omnibus, & singulis Capitulis supradictis stipulantibus præmissa; & ea soluta, vel commissa, aut non, hæc omnia, & singula perpetuam obtineant firmitatem. Et hæc omnia, & singula volumus Nos supradicti Episcopi tenere, & valere, & esse firma; si Sanctissimus Pater noster Dominus Papa ea confirmaverit, & defectum, si quis est in hujusmodi negotio, suppleverit de plenitudine potestatis; cui pro utilitate utriusque Ecclesiæ pro iis confirmandis, & supplendis humiliter supplicamus; & aliter nullam habeant firmitatem: Hoc solemniter inter Nos Episcopos acto, quod confirmatione, & suppletione hujusmodi, si quis est defectus, a Domino Papa obtentis, quilibet nostrum incipiat rerum sibi datarum, & traditarum percipere, & habere proventus, & redditus, & non ante: Et de iis rogamus fieri cuilibet nostrum plura Instrumenta. In cujus rei fidem, & majorem firmitatem habendam præsens Instrumentum dicti Domini Patriarchæ, & nostris sigillo, & manu publica, ut continetur inferius, fecimus roborari. Renuntiantes in iis omnibus Nos dicti Episcopi vicissim privilegio fori, doli, mali sine causa, vel ex injusta causa, Constitutioni de duabus dietis Concilii Generalism; beneficio restitutionis in integrum, & in parte exceptioni deceptionis ultra dimidiam justi valoris, legi temporis quadrimestri, & omnibus litteris impetratis & impetrandis conventioni judicum; ac omni juris auxilio Canonici, & Civilis; & omnibus exceptionibus, defensionibus, appellationibus, feriis, consuetudinibus, constitutionibus, & statutis tam Civilibus, quam Ecclesiasticis factis, & faciendis nunc competentibus, & in futurum competituris. Acta sunt hæc omnia Venetiis in Patriarchali Palatio præsentibus Fratre Bartholomæo de Columbario Mutinen. Diœcesis, Fratre Guillelmo de Marisn Ordinis Minorum, Fratre Bartholomæo de Sancto Petro, Casacalba de Torcello, & Fratre Stephano de Sancto Felice Torcellan. Diœcesis, & Nicolao Bononien. commoran. in Curia dicti Domini Patriarchæ testibus ad hæc rogatis. Ego Rustichinus Benintendi Imperiali auctoritate Notarius publicus hæc omnia per me acta, & rogatus publice scripsi & subscripsi.” Nulli ergo omnino hominum liceat hanc paginam nostræ confirmationis, & suppletionis infringere, vel ei &c. Si quis autem &c.

Datum apud Urbem veterem Idibus Martii Pontificatus Nostri Anno Tertio.