Général
-
Urbain IV (1261-1264)
-
Aliquas pecuniarum summas promittendi, & dandi quibusdam cum consilio duorum Antistitum Imp. Constantinopolitani concedit. (Ex Vatic. Archivo, ac Reges. Pontif. epist. 134. to. 1. teste etiam Raynaldo ad hunc ann. num. 43.)
-
Anno 1262. die 20. Junii.
-
1262
-
URBANUS &c.
Carissimo in Christo filio nostro ‥a Imperatori Constantinopolitano illustri Salutem, & Apostolicam Benedictionem.
Cum Nos necessitatibus Imperii Constantinopolitani pio animo condolentes nonnullas eidem Imperio pro subventione ipsiusb gratias per omnia Christiana Regna Mundi duxerimus faciendas; excellentiæ tuæ promittendi, & dandi cum consilio Venerabilium Fratrum nostrorum ...c Archiepiscopi Rothomagen., & ...d Agennen. Episcopi aliquas pecuniarum summas de obventionibus, quas in Regno Franciæe de hujusmodi gratiis colligi contigerit, Principibus, Ducibus, Comitibus, & Baronibus ejusdem Regni volentibus Imperio prædicto succurrere; prout utilitati, & promotioni negotii dicti Imperii expedire videris; plenam & liberam concedimus auctoritate præsentium potestatem.
Datum Viterbii xii. Kalendas Julii, Pontificatus Nostri Anno Primo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XXXVII., p.448
-
(a) Filio nostro: Balduino II. anno præcedenti Imperio exuto.
-
(b) Pro subventione ipsius: Anno enim superiori Constantinopolis capta fuerat a Græcis, & Imperator ejus Latinus aufugerat in Italiam, & in Gallias subsidia petiturus.
-
(c) Fratrum nostrorum ‥: Odonis Rigaldi multoties commemorati ex Ord. Min. in 1. to. hujus Operis.
-
(d) Et ‥: Gulielmi Santonen., de quo in epist. 5. hujus Pontificis egimus.
-
(e) In Regno Franciæ: Eo enim potissime scripserat Pontifex pro Balduino juvando, & Imperio C. P. recuperando, ut liquet ex Annal. Eccles. Raynaldi ad hunc annum num. 34., & seqq.